ଭୁବନେଶ୍ୱର,୧୨।୯(ବ୍ୟୁରୋ): ରାଜ୍ୟରେ ଗତ ୨୪ ଘଣ୍ଟାରେ ଆଉ ୨୦୬ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏଯାବତ୍ ୧୩,୧୯,୫୮୮ ଜଣ ସୁସ୍ଥ ହୋଇସାରିଲେଣି। ଏନେଇ ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି।
ସୁସ୍ଥ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧାରୁ ୬୮, କଟକରୁ ୨୭, ସୁନ୍ଦରଗଡରୁ ୨୧, ନବରଙ୍ଗପୁରରୁ ୧୩, କଳାହାଣ୍ଡିରୁ ୧୦, ଜଗତ୍ସିଂହପୁରରୁ ୭, ସମ୍ଭଲପୁରରୁ ୭, ଯାଜପୁରରୁ ୬, କେନ୍ଦ୍ରାପଡାରୁ ୫, ସୋନପୁରରୁ ୫, ବାଲେଶ୍ୱରରୁ ୪, ମୟୁରଭଞ୍ଜରୁ ୪ ସୁସ୍ଥ ହୋଇଛନ୍ତି। ସେହିପରି ବଲାଙ୍ଗୀର, ଦେବଗଡ଼, ଗଞ୍ଜାମ ଏବଂ ପୁରୀରୁ ୩ ଜଣ ଲେଖାଏ ସୁସ୍ଥ ହୋଇଥିବା ବେଳେ କୋରାପୁଟରୁ ୨, ଅନୁଗୋଳ ଏବଂ ବରଗଡରୁ ଜଣେ ,ବଂ ଷ୍ଟେଟ୍ ପୁଲ୍ରୁ ୧୬ ଜଣ ରହିଛନ୍ତି।
