ଲକ୍ଷ୍ନୌ,୯ ।୯: ମୁଖ୍ୟ ସଚିବ ଦୁର୍ଗାଶଙ୍କର ମିଶ୍ର କହିଛନ୍ତି ଆଧାର କାର୍ଡ କେନ୍ଦ୍ର ଓ ରାଜ୍ୟ ସରକାରଙ୍କ ଯୋଜନାକୁ ଲୋକଙ୍କ ନିକଟରେ ଭଲଭାବେ ପହଞ୍ଚାଇବାର ଏକ ମାଧ୍ୟମ ପାଲଟିଗଲାଣି । ଆଧାର ମାଧ୍ୟମରେ ଯୋଜନାର ଲାଭ ଲାଭାର୍ଥିଙ୍କ ପର୍ଯ୍ୟନ୍ତ ସହଜରେ ପହଞ୍ଚି ପାରୁଛି । ଏହାଦ୍ୱାରା ଭ୍ରଷ୍ଟାଚାରକୁ ଅନେକାଂଶରେ ରୋକା ଯାଇ ପାରିଛି । ଯାହା ଦ୍ୱାରା ରାଜ୍ୟ ସରକାରଙ୍କର ପ୍ରାୟ ୮୪୦୦ କୋଟି ଟଙ୍କା ସଞ୍ଚୟ ହୋଇପାରିଛି । ମୁଖ୍ୟ ସଚିବ କହିଛନ୍ତି ଏବେ ପ୍ରତିଟି କ୍ଷେତର ଏକ ୟୁନିକ ଆଇଡି କରି ଆଧାର ସହ ଯୋଡି ଦିଆଯିବ ।
ଭାରତୀୟ ବିଶିଷ୍ଟ ପରିଚୟ ପ୍ରାଧିକରଣର ଆଞ୍ଚଳିକ କାର୍ଯ୍ୟାଳୟ ଲକ୍ଷ୍ନୌ ପକ୍ଷରୁ ଗୁରୁବାର ରାଜଧାନୀର ଏକ ହୋଟେଲରେ ଆଧାରର ବ୍ୟବହାରକୁ ସରଳ କରିବାକୁ ଆୟୋଜିତ ହୋଇଥିବା ଏକଦିବସିୟ କର୍ମଶାଳାର ଆୟୋଜନ କରାଯାଇଥିଲା । ମୁଖ୍ୟ ସଚିବ ସେଠାରେ ଏହି ସୂଚନା ଦେଇଥିଲେ । ଏହାସହ ରାଜ୍ୟରେ ଏବେ ପର୍ଯ୍ୟନ୍ତ ୭ ପ୍ରତିଶତ ବୟସ୍କଙ୍କ ଆଧାର କାର୍ଡ ହୋଇ ସାରିଥିବା ବେଳେ ୫ ବର୍ଷରୁ କମ ୟସର ଶିଶୁ ତଥା ୫-୧୮ ବର୍ଷର ଅଧିକାଂଶ ପିଲାମାନଙ୍କ ଏପର୍ଯ୍ୟନ୍ତ ଆଧାର କାର୍ଡ ହୋଇ ନ ଥିବା ସେ କହିଛନ୍ତି ।
