ନୂଆଦିଲ୍ଲୀ,୫ ।୯: ଗୁରୁ ଦିବସ ଅବସରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ସୋମବାର ସକାଳ ୧୦ଟା ୩୦ରେ ବିଜ୍ଞାନ ଭବନରେ ଦେଶର ୪୬ ଜଣ ଶିକ୍ଷକଙ୍କୁ ରାଷ୍ଟ୍ରୀୟ ପୁରସ୍କାରରେ ସମ୍ମାନୀତ କରିବେ ଏହି ୪୬ ଜଣ ଶିକ୍ଷକ ଭିନ୍ନ ଭିନ୍ନ ରାଜ୍ୟରୁ ବଛା ଯାଇଛନ୍ତି । ସୂଚନାଯୋଗ୍ୟ, ଗୁରୁ ଦିବସ ଅବସରରେ ଶିକ୍ଷା ମନ୍ତ୍ରଣାଳୟର ସ୍କୁଲ ଶିକ୍ଷକ ଓ ସାକ୍ଷରତା ବିଭାଗ ପ୍ରତିବର୍ଷ ୫ ସେପ୍ଟେମ୍ବରରେ ଏକ ରାଷ୍ଟ୍ରୀୟ ସମାରୋହର ଆୟୋଜନ କରିଥାଏ, ଯେଉଁଥିରେ ଦେଶର ସର୍ବଶ୍ରେଷ୍ଠ ଶିକ୍ଷକଙ୍କୁ ରାଷ୍ଟ୍ରୀୟ ପୁରସ୍କାର ପ୍ରଦାନ କରାଯାଇଥାଏ । ପୁରସ୍କାର ପାଇଁ ଶିକ୍ଷକଙ୍କ ଚୟନ ଅନଲାଇନ ୩ ସ୍ତରୀୟ ଚୟନ ପ୍ରକ୍ରିୟା ମାଧ୍ୟମରେ ପାରଦର୍ଶୀ ଭାବେ କରାଯାଇଥାଏ ।
ଏହି ପୁରସ୍କାର ଭାବେ ଏକ ପ୍ରମାଣ ପତ୍ର, ୫୦ ହଜାର ଟଙ୍କା ଓ ଏକ ସିଲଭର ମେଡାଲ ଦିଆଯିବ । ଏହି କାର୍ଯ୍ୟକ୍ରମର ସିଧା ପ୍ରସାରଣ ଦୂରଦର୍ଶନରେ କରାଯିବ ।
