ମିସ୍ ୟୁନିଭର୍ସ ତଥା ବଲିଉଡ୍ ଅଭିନେତ୍ରୀ ସୁସ୍ମିତା ସେନ୍ ପ୍ରତିଷ୍ଠିତ ବ୍ୟବସାୟୀ ତଥା ଆଇପିଏଲ୍ର ପୂର୍ବତନ ପ୍ରତିଷ୍ଠାତା ଲଲିତ ମୋଦିଙ୍କୁ ବିବାହ କରିବେ। ଦୁହିଁଙ୍କ ବିବାହକୁ ନେଇ ଲଳିତ ମୋଦି ଏନେଇ ସୂଚନା ଦେଇଛନ୍ତି । ଯାହାକୁ ନେଇ ଏବେ ସବୁଆଡେ ଚର୍ଚ୍ଚା ଜୋର ଧରିଛି। ସୁସ୍ମିତା ମଧ୍ୟ ଜଣେ ଉଦ୍ୟୋଗୀ ଏବଂ କୋଟି କୋଟି ସମ୍ପତ୍ତିର ମାଲିକାଣୀ। ହେଲେ ଆପଣ ଜାଣଛନ୍ତି କି ତାଙ୍କର ମୋଟ ସମ୍ପତ୍ତି କେତେ?
ସୁସ୍ମିତାଙ୍କର ଦୁବାଇରେ ଏକ ଜୁଏଲାରୀ ରିଟେଲ ଷ୍ଟୋର ଅଛି। ଏହା ବ୍ୟତୀତ ତାଙ୍କର ଏକ ପ୍ରଡକ୍ସନ କମ୍ପାନୀ ଅଛି। ସେହିପରି ବିଳାସପୂର୍ଣ୍ଣ କାର୍ ଦେଖିବାକୁ ଗଲେ ସୁସ୍ମିତାଙ୍କ ପାଖରେ ୧.୫ କୋଟି ଟଙ୍କାର ବିଏମ୍ଡବ୍ଲ୍ୟ କାର୍, ୭୫ଲକ୍ଷର ଅଡି , ଏହା ବ୍ୟତୀତ ତାଙ୍କର ଆହୁରି ଅନେକ କାର୍ ଅଛି । ଅଭିନେତ୍ରୀଙ୍କ ମୋଟ ସମ୍ପତ୍ତି ବିଷୟରେ କହିବାକୁ ଗଲେ, ମୁମ୍ବାଇରେ ତାଙ୍କର ଏକ ବିଳାସପୂର୍ଣ୍ଣ ଆପାର୍ଟମେଣ୍ଟ ଅଛି । ବ୍ୟବସାୟ, ବ୍ରାଣ୍ଡ ପ୍ରୋତ୍ସାହନ ଇତ୍ୟାଦିରୁ ତାଙ୍କର ମାସିକ ଆୟ ପ୍ରାୟ ୬୦ ଲକ୍ଷ ଟଙ୍କା। ତେବେ ସେ ବାର୍ଷିକ ୭ ରୁ ୮କୋଟି ଟଙ୍କା ରୋଜଗାର କରନ୍ତି। ତାଙ୍କର ସମସ୍ତ ସମ୍ପତ୍ତିକୁ ମିଶାଇଲେ ମୋଟ ସମ୍ପତ୍ତି ପ୍ରାୟ ୭୪ କୋଟି ଟଙ୍କା ହେବ ବୋଲି ଆକଳନ କରାଯାଇଛି।
