ଅହମ୍ମଦାବାଦ୍,୨୯।୫:ଆଇପିଏଲ ୨୦୨୨ର ଫାଇନାଲରେ ଗୁଜରାଟ ଟାଇଟାନ୍ସ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ଲଢେଇ ହେବ। ଦୁଇ ଦଳ ମଧ୍ୟରେ ଏହି ଟାଇଟଲ ମ୍ୟାଚ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ। ଗୁଜରାଟର ଦଳ ନିଜର ପ୍ରଥମ ସିଜିନରେ ଫାଇନାଲରେ ପ୍ରବେଶ କରିଛି। ସେପଟେ ରାଜସ୍ଥାନ ଦଳ ଦ୍ୱିତୀୟ ଥର ପାଇଁ ଆଇପିଏଲର ଫାଇନାଲରେ ପ୍ରବେଶ କରିଛି। ଏହାପୂର୍ବରୁ, ରାଜସ୍ଥାନ ରୟାଲ୍ସ ୨୦୦୮ରେ ଖେଳାଯାଇଥିବା ଆଇପିଏଲର ପ୍ରଥମ ସିଜନରେ ଟାଇଟଲ ଜିତିଥିଲା। ଦୁଇ ଦଳ ମଧ୍ୟରେ ଖେଳାଯିବାକୁ ଥିବା ଏହି ହାଇ ଭୋଲଟେଜ ମ୍ୟାଚରେ କେଉଁ ଦଳ ଟାଇଟଲ ବିଜୟୀ ହେବ ସେନେଇ ଚେନ୍ନାଇର ସୁପର କିଙ୍ଗ୍ସର ପୂର୍ବତନ ବ୍ୟାଟ୍ସମ୍ୟାନ୍ ସୁରେଶ ରାଇନା ଭବିଷ୍ୟବାଣୀ କରିଛନ୍ତି।
ସୁରେଶ ରାଇନା କହିଛନ୍ତି, ଗୁଜରାଟ ଟାଇଟାନ୍ସ ଫାଇନାଲ ମ୍ୟାଚରେ ପ୍ରାଧାନ୍ୟ ବିସ୍ତାର କରି ଏକ ଭଲ ସ୍ଥିତିରେ ରହିବ। କାରଣ ଟାଇଟାନ୍ସର ଦଳ ୪-୫ ଦିନ ପାଇଁ ବିଶ୍ରାମ ନେଇଛି। ଏହି ସିଜିନ୍ରେ ଗୁଜରାଟର କ୍ରମାଗତ ଭାବେ ଯେଉଁଭଳି ପ୍ରଦର୍ଶନ କରିଛନ୍ତି,ତାହା ଦେଖି ଲାଗୁଛି ଗୁଜରାଟ ଏଥର ଟାଇଟଲ୍ ବିଜୟୀ ହେବାର ସମ୍ଭାବନା ଅଧିକ। କିନ୍ତୁ ରାଜସ୍ଥାନକୁ ହାଲୁକା ଭାବେ ଗ୍ରହଣ କରାଯାଇପାରିବ ନାହିଁ। କାରଣ ରାଜସ୍ଥାନ ରୟାଲ୍ସର ଖେଳାଳିମାନେ ବହୁତ ଭଲ ପ୍ରଦର୍ଶନ କରୁଛନ୍ତି। ଯଦି ବଟଲର ଫାଇନାଲ୍ ବିସ୍ଫୋରକ ବ୍ୟାଟିଂ ଜାରି ରଖନ୍ତି ତେବେ ଏହା ଦଳ ପାଇଁ ଏକ ବଡ଼ ବୋନସ ହେବ।
କ୍ୱାଲିଫାୟର-୨ରେ ରୟାଲ୍ସ ଚ୍ୟାଲେଞ୍ଜର୍ସ ବେଙ୍ଗାଲୁରୁକୁ ପରାସ୍ତ କରି ରାଜସ୍ଥାନ ରୟାଲ୍ସ ଫାଇନାଲରେ ପ୍ରବେଶ କରିଛି।
