ଆମ ଦେଶରେ ଏପରି ଅନେକ ଜିନିଷ ଅଛି, ଯାହା ବିଷୟରେ ଆମେ କେହି ସମ୍ପୂର୍ଣ୍ଣ ଜାଣି ନ ଥାଉ। ଭାରତ ସହ ଜଡ଼ିତ ଆଶ୍ଚର୍ଯ୍ୟଜନକ କଥା ଜାଣିଲେ ଦେଶର ଗର୍ବ ବଢ଼ିଥାଏ। ହିମାଳୟଠାରୁ ନୀଳଗିରି ଏବଂ ଗୁଜରାଟରୁ ଅରୁଣାଚଳ ପ୍ରଦେଶ ପର୍ଯ୍ୟନ୍ତ ଆଜି ଦେଶର ସମସ୍ତ ଆଶ୍ଚର୍ଯ୍ୟଜନକ ଘଟଣା ଯୋଗୁ ଭାରତର ନାମ ସାରା ବିଶ୍ୱରେ ପ୍ରସିଦ୍ଧ। ଆଜି ସେମିତି ଆଉ ଏକ ଅଦ୍ଭୁତ ଜିନିଷ ବିଷୟରେ ଜାଣିଲେ ଆପଣ ଆଶ୍ଚର୍ଯ୍ୟ ହେବେ। ଭାରତରେ ଏପରି ଏକ ସ୍ଥାନ ଅଛି, ଯେଉଁଠି ଏହା ଭାରତ ମାନଚିତ୍ର ପରି ଦୃଶ୍ୟମାନ।
ଭାରତର ଭୌଗୋଳିକ ମାନଚିତ୍ରରେ ଏହି ସ୍ଥାନଟି ଆସାମର ଭାରତ ମାନଚିତ୍ର ସହିତ ସମାନ। ଆସାମରେ ଏହି ସ୍ଥାନ ରହିଛି। ଦୁଇଟି ନଦୀର ମିଳନ ସ୍ଥଳରେ ଏହି ସ୍ଥାନଟି ରହିଛି। ଏହାର ନାଁ ବଙ୍ଗାଇଗାଓଁ।
ବଙ୍ଗାଇଗାଓଁ ଆସାମର ଏକ ସହର, ଗୁଆହାଟି ଠାରୁ ୧୮୦ କିଲୋମିଟର ଦୂରରେ ଅବସ୍ଥିତ। ବାଗେଶ୍ୱରୀ ମନ୍ଦିର, ରକ କଟ୍ ଗୁମ୍ଫା ଭଳି ଅନେକ ପ୍ରସିଦ୍ଧ ସ୍ଥାନ ରହିଛି। ଏହି ସମସ୍ତ ସ୍ଥାନ ମଧ୍ୟରୁ ସବୁଠୁ ସ୍ବତନ୍ତ୍ର ହେଉଛି ଭାରତର ମାନଚିତ୍ର ପରି ଦିଶିବା ସ୍ଥାନ। ବ୍ରହ୍ମପୁତ୍ର ନଦୀ ଏବଂ ଚମ୍ପାବତୀ ନଦୀ ଏହି ସହର ନିକଟରେ ମିଶିଛନ୍ତି। ଏହି ମିଳନ ସ୍ଥଳରେ ଏକ ଲ୍ୟାଣ୍ଡ ସେଗମେଣ୍ଟ ଭାରତର ମାନଚିତ୍ର ପରି ଦେଖାଯାଉଛି। ସୋସିଆଲ ମିଡିଆରେ ଏହି ଅଞ୍ଚଳର ଫଟୋଗୁଡ଼ିକ ଭାଇରାଲ ହୋଇଛି, ଯେଉଁଥିରେ ଦେଖିପାରିବେ, ତଳ ଅଂଶଟି ଭାରତୀୟ ଉପଦ୍ୱୀପ ପରି ଦେଖାଯାଉଛି। ଭୂମି ଉପରେ ପର୍ବତଗୁଡିକ ଦୃଶ୍ୟମାନ। ଯାହା ହିମାଳୟ ପରି ଦେଖାଯାଏ।
ଗ୍ରୀନବେଲ୍ଟ ଏବଂ ରୋଡ ଇନଷ୍ଟିଚ୍ୟୁଟ୍ର ସଭାପତି ଏରିକ୍ ସୋଲହାଇମ ନିଜ ଟୁଇଟରରେ ଏହି ଫଟୋ ଶେୟାର କରିଥିଲେ, ଯାହା ଲୋକଙ୍କୁ ଆଶ୍ଚର୍ଯ୍ୟ କରିଥିଲା। ଜଣେ ୟୁଜର ଏହି ପୋଷ୍ଟରେ ଲେଖିଛନ୍ତି, ଭାରତୀୟ ହେବା ସତ୍ତ୍ୱେ ଆମ ଭାରତ ସହ ଜଡ଼ିତ ଏଭଳି ଜିନିଷ ବିଷୟରେ ଆମେ ଜାଣିନାହୁଁ। ପାଶ୍ଚାତ୍ୟ ଦେଶ ଅପେକ୍ଷା ଭାରତର ଲୋକମାନେ ଅଧିକ ଅନୁପ୍ରାଣୀତ ଅଟନ୍ତି। ଆଉ ଜଣେ ୟୁଜର ଲେଖିଛନ୍ତି, ଅବିଶ୍ୱସନୀୟ ଭାରତର ଦୃଶ୍ୟ, କିନ୍ତୁ ବନ୍ୟା ଦ୍ୱାରା ଏହି ଅଂଶ ଶୀଘ୍ର ଧୋଇଯିବ। ଅଧିକାଂଶ ଲୋକ ଫଟୋକୁ ସୁନ୍ଦର ବୋଲି କହିଛନ୍ତି।
