ବମ୍ବେ: ଟେଲିପରଦାରେ ନୁହେଁ ବରଂ ଓଟିଟି ପ୍ଲାଟଫର୍ମରେ ଦେଖିବାକୁ ମିଳିବ ନିର୍ଦ୍ଦେଶକ କରନ୍ ଜୋହରଙ୍କ ଲୋକପ୍ରିୟ ଶୋ’ ‘କଫି ଉଇଥ୍ କରନ୍’। ପ୍ରଥମେ ଏହା ଆଉ ଫେରିବ ନାହିଁ ବୋଲି କୁହାଯାଉଥିଲା। ହେଲେ ପରେ ଏହା ସ୍ବତନ୍ତ୍ର ଭାବେ ଡିଜ୍ନୀ ଆଣ୍ଡ ହଟ୍ଷ୍ଟାରରେ ଦେଖିବାକୁ ମିଳିବ। ଏହାକୁ ନେଇ ଚର୍ଚ୍ଚା ବଢ଼ୁଥିବା ବେଳେ ପ୍ରଥମ ଅତିଥି କିଏ ସାଜିବେ ସେ ନେଇ ନାନାଦି ଚର୍ଚ୍ଚା ହେଉଛି। ତେବେ ପ୍ରଥମେ ଆଲିଆ ଭଟ୍ଟ ଶୋ’ରେ ନଜର ଆସିବେ ବୋଲି କୁହାଯାଉଛି। ତାଙ୍କ ସହ ରହିବେ ରଣବୀର ସିଂହ।
କହିରଖୁଛୁ, ଦୀର୍ଘ ୫ ବର୍ଷ ପରେ କରନ୍ ନିର୍ଦ୍ଦେଶକ ଭାବେ ବଲିଉଡ୍କୁ ଫେରୁଛନ୍ତି। ‘ରକି ଆଣ୍ଡ ରାନି କି ପ୍ରେମ କାହାନି’ ଜରିଆରେ ସେ ପୁଣି ଫେରୁଛନ୍ତି। ଏଥିରେ ରଣବୀର ଏବଂ ଆଲିଆ ମୁଖ୍ୟ ଭୂମିକାରେ ନଜର ଆସିବେ। ଏଥିଲାଗି ଉଭୟ କରନ୍ଙ୍କ ଶୋ’ରେ ପ୍ରଥମ ଅତିଥି ସାଜିବେ।
