କେନ୍ଦୁଝର,୩୦।୪(ସ୍ବ.ପ୍ର.)
ଓଡ଼ିଶା ପ୍ରସିଦ୍ଧ ସାନଘାଗରା ଜଳପ୍ରପାତର ବିକାଶ ପାଇଁ ପର୍ଯ୍ୟଟନ ବିଭାଗ ବହୁ ଅର୍ଥ ଖର୍ଚ୍ଚ କରିବା ସହ ପର୍ଯ୍ୟଟକ ମାନଙ୍କ ସୁବିଧା ପାଇଁ ବିଭିନ୍ନ ପ୍ରକାରର ବ୍ୟବସ୍ଥା କରୁଛି। କିନ୍ତୁ ଉପଯୁକ୍ତ ତଦାରଖ ଅଭାବରୁ କାମର ମାନକୁ ନେଇ ଏବେ ପ୍ରଶ୍ନ ଉଠୁଛି ା କାର୍ଯ୍ୟସ୍ଥଳୀରେ ବିଭାଗୀୟ ଯନ୍ତ୍ରୀ ଉପସ୍ଥିତ ରହୁ ନ ଥିବାରୁ କ’ଣ କାମ ହେଉଛି ଏବଂ କେଉଁ ମାନର ସାମଗ୍ରୀ ବ୍ୟବହାର ହେଉଛି ସେସବୁର ତଦାରଖ ଠିକ୍ ଭାବରେ ହୋଇପାରୁ ନ ଥିବା ଅଭିଯୋଗ ହୋଇଛି।
ଯେ, ସାନଘାଗରାର ବିକାଶ ପାଇଁ ପାଖାପାଖି ୪ କୋଟି ୨୬ ଲକ୍ଷ ଟଙ୍କାର କାମ ଚାଲିଛି ା ଏହି ଅର୍ଥରେ ପାର୍କିଂ ବ୍ୟବସ୍ଥା, ଶାୈଚାଳୟ, ପାଚେରୀ, ପ୍ରବେଶ ଗେଟ, ଚଲାପଥ, ପାରିପାର୍ଶ୍ୱିକ ଅଞ୍ଚଳ ବିକାଶ ଓ ସାୈନ୍ଦର୍ଯ୍ୟକରଣ, କଠିନ ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପ, କାଫେଟେରିଆ, ଫଟୋଗ୍ରାଫି ଜୋନ, ପାନୀୟ ଜଳ ବ୍ୟବସ୍ଥା, ଓ୍ବାଚ୍ଟାଓ୍ବାର, ବୋଟିଂ ଘାଟ, ବୁଲିବା ପଥ, ସାଇନବୋର୍ଡ ଆଦି କାମ ଚାଲିଛି ା
କଙ୍କ୍ରିଟ କାମ ଠିକ୍ ଭାଗମାପ ଓ ପେଭର ବ୍ଲକ ଠିକ ଟେଷ୍ଟ ନ କରି ଏବଂ ଠିକ ଭାବରେ ସମତୁଲ କରି କାମ କରାଯାଉ ନ ଥିବା ଅଭିଯୋଗ ହେଉଛି। ଫଳରେ ଗାଡ଼ି ପାର୍କିଂ ବେଳେ ଖଣ୍ଡ ଖଣ୍ଡ ଭାଙ୍ଗିଯିବା ସମ୍ଭାବନା ରହିଛି। ସାନଘାଗରାର ସୌନ୍ଦର୍ଯ୍ୟକରଣ ଓ ଉନ୍ନତିକରଣ ନାମରେ ଗଛକାଟି ପଦା କରାଯାଇଥିବାରୁ ପରିବେଶବିତମାନେ ଉଦ୍ବେଗ ପ୍ରକାଶ କରୁଛନ୍ତି ା ସେହିପରି ଏଠାରେ ବ୍ୟବହାର ହେଉଥିବା ସାମଗ୍ରୀର ମାନ ଠିକ ଯାଞ୍ଚ ହେଉ ନ ଥିବାରୁ କାମର ସ୍ଥାୟୀତ୍ୱକୁ ନେଇ ପ୍ରଶ୍ନବାଚୀ ସୃଷ୍ଟି ହେଉଛି। କେନ୍ଦ୍ର ପରିସରରୁ ମାଟି ତାଡି ନେଇ ଅନ୍ୟ କାମରେ ବ୍ୟବହାର କରାଯାଉଥିବାରୁ ମୃତ୍ତିକା କ୍ଷୟ ସହିତ ପରିବେଶ କ୍ଷତିଗ୍ରସ୍ତ ହେଉଛି ା ଫଳରେ ଏହା ମଧ୍ୟରେ ଥିବା ଗଛ ସବୁ ଧସି ପଡିବା ଆଶଙ୍କା ରହୁଛି ା ନୂଆ ପ୍ରବେଶ ଗେଟ ନିର୍ମାଣ ନ ହୋଇ ପୁରୁଣା ଗେଟ ଉପରେ କାମ କରାଯାଉଛି। ଏନ୍ଏଚ୍ ନଂ.୪୯ର କଙ୍କ୍ରିଟ ଗାର୍ଡ ଓ୍ବାଲ ଉପରେ ତାର ବାଡ ଦିଆଯାଇ ପାଚେରି କାମ କରାଯାଉଛି ା ଚଲାପଥରେ ଲଗାଯାଇଥିବା ପେଭର ବ୍ଲକ ଠିକ୍ ଭାବେ ବସା ଯାଉ ନ ଥିବା ବେଳେ ଠିକ ମାନର ବାଲି ମଧ୍ୟ ଫିଲିଂ ହେଉନାହିଁ। ଏଣୁ ସମସ୍ତ କାମର ତଦାରଖ ଏକ ଟେକ୍ନିକାଲ କମିଟି ଦ୍ୱାରା ଯାଞ୍ଚ କରିବାକୁ ଦାବି ହେଉଛି। ଏସମ୍ପର୍କରେ ଦାୟିତ୍ୱରେ ଥିବା ସହକାରୀ ଯନ୍ତ୍ରୀ ଶ୍ରୀଧର ମହଲା କହିଛନ୍ତି, କାମ ଠିକ ଭାବେ ଚାଲିଛି। ହ୍ବାଟସ ଆପ ଜରିଆରେ ପ୍ରତ୍ୟେକ କାମର ମାନ ନିରୀକ୍ଷଣ ଓ ତଦାରଖ କରାଯାଉଛି ା କାୈଣସି ଅନିୟମତତା ହେଉନାହିଁ। ପ୍ରକାଶ ଯେ, ସାନଘାଗରାକୁ ବିଶ୍ୱସ୍ତରୀୟ ପର୍ଯ୍ୟଟନ କେନ୍ଦ୍ରରେ ପରିଣତ କରିବା ପାଇଁ ବିଭିନ୍ନ ପ୍ରକାର ପଦକ୍ଷେପ ଗ୍ରହଣ କରାଯାଉଛି ।
