ମୁମ୍ବାଇ,୨।୧୧: ମୁମ୍ବାଇର ଡ୍ରଗ୍ସ ମାମଲାରେ ମହାରାଷ୍ଟ୍ର ମନ୍ତ୍ରୀ ନବାବ ମଲିକ ପୁଣି ବର୍ଷିଛନ୍ତି। ମଙ୍ଗଳବାର ଏକ ଖବରଦାତା ସମ୍ମିଳନୀ ଡକାଇ ସେ ଭାଜପା ନେତା ଦେବେନ୍ଦ୍ର ଫଡନଭିସ ଏବଂ ଏନସିବି ଜୋନାଲ ନିର୍ଦ୍ଦେଶକ ସବୀର ଓ୍ବାଙ୍ଖଡେଙ୍କୁ ଟାର୍ଗେଟ କରିଥିତ୍ଲେ। ସେ କହିଛନ୍ତି, ଆମେ ଶୁଖିଲାରେ କାହାକୁ ଦୋଷାରୋପ କରିନାହୁଁ କିନ୍ତୁ ଏହାକୁ ତଥ୍ୟ ସହ ଆଣିଛୁ। ମୁଁ ପୁଣି ଥରେ କହିବାକୁ ଚାହେଁ ଯେ ସମୀର ୱାଙ୍ଖଡେ ଦେବେନ୍ଦ୍ର ଫଡନାଭିସଙ୍କ ନିକଟତର। ୱାଙ୍ଖଡେ ଡ୍ରଗ୍ସ ଖେଳ ଖେଳି କୋଟି ଟଙ୍କା ସଂଗ୍ରହ କରନ୍ତି। ତାଙ୍କର ଅବଶିଷ୍ଟ ଅଧିକାରୀମାମାନେ କେବଳ ୭୦୦ରୁ ୧୦୦୦ଟଙ୍କା ମୂଲ୍ୟର ଶର୍ଟ ପିନ୍ଧନ୍ତି, କିନ୍ତୁ ୱାଙ୍ଖଡେ ୭୦ ହଜାର ଟଙ୍କା ମୂଲ୍ୟର ଶର୍ଟ ପିନ୍ଧନ୍ତି। ୱାଙ୍ଖଡେ ପ୍ରତିଦିନ ଏକ ନୂଆ ଶର୍ଟ ବଦଳାଇ ଆସନ୍ତି। ସେ ପୋଷାକ ବଦଳାଇବାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ପଛରେ ପକାଇ ଦେଇଛନ୍ତି। କେବଳ ଏତିକି ନୁହେଁ,ୱାଙ୍ଖଡେ ଦୁଇ ଲକ୍ଷ ମୂଲ୍ୟର ଜୋତା ପିନ୍ଧନ୍ତି, ୨୫ ଲକ୍ଷ ମୂଲ୍ୟର ଘଣ୍ଟା ପିନ୍ଧନ୍ତି। ଜଣେ ସାଧାରଣ ଅଧିକାରୀଙ୍କ ନିକଟକୁ ଏସବୁ କେଉଁଠୁ ଆସିଲା ବୋଲି ନବାବ ପ୍ରଶ୍ନ କରିଛନ୍ତି।
ସୂଚନାଯୋଗ୍ୟ, ନବାବ ମଲିକ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କୁ ଟାର୍ଗେଟ କରିଛନ୍ତି। ଡ୍ରଗ୍ସ ପେଡ୍ଲରଙ୍କ ସହ ତାଙ୍କ ସମ୍ପର୍କ ଥିବା ସେ ଅଭିଯୋଗ ଆଣିଛନ୍ତି। ଟୁଇଟ୍ କରି ନୱାବ ମଲିକ ଏକ ଫଟୋ ପୋଷ୍ଟ କରିଛନ୍ତି। ଏହି ଫଟୋରେ ଦେବେନ୍ଦ୍ର ଫଡନାଭିସ, ତାଙ୍କ ସ୍ତ୍ରୀ ଅମୃତା ଫଡନଭିସ ଏବଂ ଡ୍ରଗ୍ସ କାରବାର ମାମଲାରେ ବର୍ତ୍ତମାନ ଜେଲରେ ଥିବା ଜୟଦୀପ ରାଣା ନଜର ଆସିଛନ୍ତି।
