ବେଙ୍ଗାଲୁରୁ,୨୫ା୧୦: ସୋସିଆଲ ମିଡିଆରେ ବେଳେବେଳେ ଏମିତି କିଛି ଭିଡିଓ ଭାଇରାଲ ହୁଏ, ଯାହାକୁ ଦେଖିଲେ ମନ ଖୁସିରେ ଭରିଉଠେ। ଏବେ ସେମିତି ଏକ ଭିଡିଓ ବେଙ୍ଗାଲୁରୁ ଏୟାରପୋର୍ଟରୁ ଭାଇରାଲ ହେଉଛି। ଯାହାକୁ ଦେଖିଲେ ଆପଣ ଭାବୁକ ହୋଇଉଠିବେ।
ଏୟାରପୋର୍ଟର ସୁରକ୍ଷା ପାଇଁ ସିଆଇଏସ୍ଏଫ୍ ଅଧିକାରୀଙ୍କୁ ଦେଖି ଜଣେ କୁନି ଶିଶୁ ତାଙ୍କ ଗାଡ଼ି ନିକଟରେ ପହଞ୍ଚି ସାଲ୍ୟୁଟ୍ କରିଥିଲା। ଶିଶୁଟିର ଏହି ଅଦ୍ଭୁତ କାରନାମା ଦେଖି ଅଧିକାରୀମାନେ ମଧ୍ୟ ଶିଶୁଟିକୁ ସଲାମ କରିଥିଲେ।
ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏହା ସହିତ ବ୍ୟାକ୍ଗ୍ରାଉଣ୍ଡରେ‘ତେରି ମିଟି ମେ ମିଲ୍ ଜାଓ୍ବା’ ଗୀତର ଧ୍ୱନି ଶୁଣିବାକୁ ମିଳିଛି। ଭିଡିଓଟି ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି। ଅଭିଷେକ କୁମାର ଝା ନାମକ ଜଣେ ୟୁଜର ପ୍ରଥମ ଥର ଏହି ଭିଡିଓଟି ଶେୟାର କରିଛନ୍ତି। ସେ ଏଥିରେ କ୍ୟାପଶନ ଲେଖିଛନ୍ତି, କାଲି ବାଙ୍ଗାଲୁରୁ ଏୟାରପୋର୍ଟରେ ମୋର ଜଣେ ସାଙ୍ଗ ଫଟୋଟିକୁ ଉଠାଇଛନ୍ତି।
