ଆବଶ୍ୟକ ସାମଗ୍ରୀ : ଓଟ୍ସ ଓ ବାଦାମ – ୧ପ୍ୟାକେଟ୍, ବିଟ୍ – ୬ଟି, ଆଳୁ -୨ଟି, ପିଆଜ – ୩ଟି, ଚଣାଡ଼ାଲି – ୭୫ ଗ୍ରାମ, କର୍ନଫ୍ଲୋର୍ – ୩ ଟେବୁଲ ସ୍ପୁନ୍, ଧନିଆ ଚଟଣି – ୨ ଟେବୁଲ ସ୍ପୁନ୍, କଟା କଞ୍ଚା ଲଙ୍କା – ୧ ଟେବୁଲ ସ୍ପୁନ୍, ହଳଦିଆ ଲଙ୍କାଗୁଣ୍ଡ – ୧ଟି ସ୍ପୁନ୍, ଗରମ ମସଲା – ୧ଟି ସ୍ପୁନ୍, ଅଦା ପେଷ୍ଟ – ୧ଟି ସ୍ପୁନ୍, ଘିଅ – ୧ କପ୍, ଲୁଣିଆ ମଟର – ଅଧା କପ୍, ପୋଦିନା ଚଟଣି – ୬୦ ମିଲି, ଲୁଣ – ସ୍ବାଦ ଅନୁସାରେ।
ପ୍ରସ୍ତୁତି ପ୍ରଣାଳୀ: ପ୍ରଥମେ ଚଣା ଡାଲିକୁ ୧ଘଣ୍ଟା ପାଇଁ ପାଣିରେ ଭିଜାଇ ରଖନ୍ତୁ। ପରେ ଏହାକୁ ଭଲ ଭାବେ ସିଝାଇ, ଗ୍ରାଇଣ୍ଡିଙ୍ଗ୍ କରନ୍ତୁ। ଚୁଲାରେ ଏକ ପ୍ୟାନ୍ ବସାଇ ଏହି ପେଷ୍ଟକୁ ବାସ୍ନା ଆସିବା ପର୍ଯ୍ୟନ୍ତ ଭାଜନ୍ତୁ। ସେହିପରି ଆଳୁକୁ ମଧ୍ୟ କାଟି ଭାଜି ରଖନ୍ତୁ। ବିଟ୍ଗୁଡ଼ିକରୁ ଭଲ ଭାବେ ଚୋପା ଛଡ଼ାଇ ଛୋଟ ଛୋଟ କାଟି ସିଝାଇ ଦିଅନ୍ତୁ। ପରେ ସେଥିରେ ଅଦା, କଞ୍ଚା ଲଙ୍କା ଓ ଧନିଆ ପତ୍ର ପକାଇ ଗ୍ରାଇଣ୍ଡିଙ୍ଗ୍ କରନ୍ତୁ । ସେଗୁଡ଼ିକୁ ନେଇ ଭଜା ହୋଇ ପୂର୍ବରୁ ରଖା ଯାଇଥିବା ଆଳୁରେ ମିଶାଇ ପୁଣି ଗ୍ରାଇଣ୍ଡିଙ୍ଗ୍ କରନ୍ତୁ।
ଏବେ ଏକ ପ୍ୟାନ୍ରେ କିଛି ଘିଅ ନିଅନ୍ତୁ। ଘିଅ ଗରମ ହେବା ପରେ ପୂର୍ବ ପ୍ରସ୍ତୁତ ବିଟ୍ରୁଟ୍ର ମିଶ୍ରଣକୁ ପକାଇ ପାଣି କମିବା ପଯର୍ୟନ୍ତ ଘାଣ୍ଟନ୍ତୁ । ମିଶ୍ରଣ ଭଲ ଭାବେ ବହଳିଆ ହୋଇଯିବା ପରେ ଚୁଲା ବନ୍ଦ କରି ଥଣ୍ଡା ହେବାକୁ ଛାଡ଼ି ଦିଅନ୍ତୁ।
ଏବେ ସେଥିରେ ଓଟ୍ସ, ବାଦାମ, ପୂର୍ବରୁ ପ୍ରସ୍ତୁତ ହୋଇଥିବା ଚଣା ପେଷ୍ଟ, ଗରମ ମସଲା, ହଳଦୀ, ଲଙ୍କାଗୁଣ୍ଡ, କର୍ନଫ୍ଲୋର୍ ଓ ଆବଶ୍ୟକ ଅନୁସାରେ ଲୁଣ ପକାଇ ଭଲ ଭାବେ ଗୋଳାନ୍ତୁ। ଏବେ ଏହାକୁ ଗୋଲ ଗୋଲ ଆକାର କରି ଏଥିରେ ପପ୍ସିକଲ୍ କାଠି ଲଗାନ୍ତୁ। ପରେ ଏଥିରେ ଲୁଣି ମଟରକୁ ପକାଇ, ଅଳ୍ପ ଘିଅରେ ସାମାନ୍ୟ ଗରମ କରନ୍ତୁ। ଶେଷରେ ପିଆଜ ଓ ପୋଦିନା ଚଟଣି ଦେଇ ଖାଇବା ପରଷି ଦିଅନ୍ତୁ।
