ୱାଶିଂଟନ,୨୩ ।୮: ଆଫଗାନିସ୍ତାନରେ ତାଲିବାନ ରାଜ କରିବା ପରେ ଏବେ ଏହାକୁ ନେଇ ସାରା ବିଶ୍ୱରେ ଚର୍ଚ୍ଚା ଚାଲିଛି । ବିଭିନ୍ନ ଦେଶର ନେତା ଏହାକୁ ନେଇ ଚିନ୍ତା ପ୍ରକଟ କରିଛନ୍ତି । ଏହି କ୍ରମରେ ଆମେରିକାର ରିପବ୍ଲିକାନ୍ ସାଂସଦ ଓ କଂଗ୍ରେସି ନେତା ଷ୍ଟିୱ ଚାବୋଟ ଏଥିପାଇଁ ପାକିସ୍ତାନକୁ ଦାୟୀ କରିଛନ୍ତି । ସେ କହିଛନ୍ତି ଆଫଗାନିସ୍ତାନରେ ତାଲିବାନ ଠିଆ ହେବା ପଛରେ ପାକିସ୍ତାନ ଗୁଇନ୍ଦା ସଂସ୍ଥାର ହାତ ରହିଛି । ତାଙ୍କ ମତରେ ତାଲିବାନର ବିଜୟରେ ଇସଲାମାବାଦରେ ଯେଉଁଭଳି ଉତ୍ସବ ଦେଖାଯାଇଛି ତାହା ଅତ୍ୟନ୍ତ ନିନ୍ଦନୀୟ । ଏଥିରୁ ସ୍ପଷ୍ଟ ହେଉଛି କି ପାକିସ୍ତାନ ଆତଙ୍କବାଦୀଙ୍କୁ ପ୍ରୋତ୍ସାହିତ କରୁଛି । ଆମେ ସମସ୍ତେ ଜାଣିଛୁ ପାକିସ୍ତାନ ବିଶେଷ କରି ଏହାର ଗୁଇନ୍ଦା ସଂସ୍ଥା ଆଇଏସ୍ ତାଲିବାନକୁ ପ୍ରୋତ୍ସାହିତ କରିବାକୁ ବଡ ଭୂମିକା ନେଇଛି । ଯାହା ଫଳରେ ପାକିସ୍ତାନ ସହାୟତାରେ ତାଲିବାନ ଆଫଗାନିସ୍ତାନରେ ସହଜରେ କାୟା ବିସ୍ତାର କରିପାରିଛି ।
