ଖାଦ୍ୟ ପ୍ରସ୍ତୁତ ବେଳେ ଯେତେ ମସଲା ପକାଇଲେ ବି ଲୁଣ ପକାଇବା ପରେ ତାର ସ୍ବାଦ ଆସିଥାଏ। ଯଦିଓ ଲୁଣକୁ ଖାଦ୍ୟପେୟର ଅଭିନ୍ନ ଅଙ୍ଗ କୁହାଯାଏ, ଏହାର ମହତ୍ତ୍ୱ ବାସ୍ତୁ ଶାସ୍ତ୍ରରେ ମଧ୍ୟ ସ୍ବତନ୍ତ୍ର ରହିଛି।
ଘରେ ସୁଖ-ଶାନ୍ତି ବଜାୟ ରଖିବା ପାଇଁ ଲୋକମାନେ ଅନେକ ପ୍ରଚେଷ୍ଟା କରିଥାନ୍ତି। ବାସ୍ତୁଶାସ୍ତ୍ରରେ ମଧ୍ୟ ସେଭଳି ଅନେକ ଉପାୟ ବିଷୟରେ ବର୍ଣ୍ଣନା କରାଯାଇଛି ଯାହା ଘରୁ ନକରାତ୍ମକ ଉର୍ଜାକୁ ଦୂର କରିବାରେ ସହାୟକ ହୋଇଥାଏ। କୁହାଯାଏ ଘରେ ସୁଖ ଶାନ୍ତି ଏବଂ ସମୃଦ୍ଧି ପାଇଁ ଲୁଣର ବ୍ୟବହାର କରାଯାଇପାରେ। ଆସନ୍ତୁ ଜାଣିବା ସେ ବିଷୟରେ…
ଲୋକମାନେ ସର୍ବଦା ପାଣିରେ ଲୁଣ ପକାଇ ଚଟାଣ ପୋଛିଥାନ୍ତି। ମାନ୍ୟତା ଅନୁସାରେ ଏପରି କରିବା ଦ୍ୱାରା ଘରେ ଥିବା ନକରାତ୍ମକତା ଏବଂ ଦରିଦ୍ରତା ଦୂର ହୋଇଯାଇଥାଏ। ହେଲେ ଗୁରୁବାର ଘର ପୋଛିବା ଉଚିତ ନୁହେଁ। ଏପରିକି ଘର ପୋଛୁଥିବା ସମୟରେ ସମୁଦ୍ର ଲୁଣ ବ୍ୟବହାର କଲେ ଶୁଭ ଫଳ ମିଳେ।
ଟଙ୍କାପଇସାକୁ ନେଇ ଲାଗି ରହିଥିବା ସମସ୍ୟା ଦୂର ହୁଏ: ଘରର ଆର୍ଥିକ ସ୍ଥିତି ଠିକ୍ କରିବା ପାଇଁ ଲୁଣର ବ୍ୟବହାର କରିପାରିବେ। ଧନ ଲାଭ ପାଇଁ ଗୃହର ନୈରୁତ କୋଣରେ ଏକ କାଚ ଗ୍ଲାସରେ ପାଣି ଏବଂ ତା ଭିତରେ କିଛି ଲୁଣ ପକାଇ ରଖନ୍ତୁ। ଏହା ପଛରେ ଲାଲ ରଙ୍ଗର ବଲ୍ ଲଗାଇଦିଅନ୍ତୁ। ହେଲେ ମନେରଖନ୍ତୁ ପାଣି ଶୁଖିଗଲେ ପୁଣି ଥରେ ଗ୍ଲାସଟିକୁ ସଫା କରି ତା ମଧ୍ୟରେ ପାଣିରେ ଲୁଣ ପକାଇ ପୁର୍ବବତ ରଖିବେ।
ମାନସିକ ସ୍ବାସ୍ଥ୍ୟ ଠିକ୍ ରହିବ: ଆଜିର କରୋନା କାଳରେ ମାନସିକ ସ୍ବାସ୍ଥ୍ୟର ଧ୍ୟାନ ରଖିବା ବହୁତ ଜରୁରୀ। କୁହାଯାଏ ଅବସାଦ ନଚେତ ଚିନ୍ତା କମ୍ କରିବା ପାଇଁ ଲୁଣର ବ୍ୟବହାର କରିପାରିବେ। ଏକ ବାଲ୍ଟି ପାଣିରେ ସୈନ୍ଧବ ଲବଣ ପକାଇ ସ୍ନାନ କଲେ ମନରେ ସକରାତ୍ମକ ଭାବନା ସଂଚାର ହୋଇଥାଏ।
ସୁଖ ଶାନ୍ତି ପାଇଁ ଏହି ଧାତୁରେ ରଖନ୍ତୁ ନାହିଁ ଲୁଣ: ବାସ୍ତୁ ଶାସ୍ତ୍ରରେ କୁହାଯାଇଛି ଯେ ଲୋକମାନଙ୍କୁ ଏହା ଧ୍ୟାନ ରଖିବା ଉଚିତ ଯେ ଲୁଣକୁ ଷ୍ଟିଲ ନଚେତ ଲୁହାର ପାତ୍ରରେ ରଖିବା ଉଚିତ ନୁହେଁ। ଏହା ବଦଳରେ କାଚର ଜାର୍ରେ ଆପଣ ରଖିପାରିବେ।
