ହିସାର,୨୮।୨: କୃଷି ଆଇନ ବିରୋଧରେ ଜାରି ରହିଥିବା ଆନ୍ଦୋଳନକୁ ହରିୟାଣା ଖାପ୍ ପଞ୍ଚାୟତର ସମର୍ଥନ ମିଳିଛି। ମାର୍ଚ୍ଚ ୧ରୁ କ୍ଷୀର ଲିଟର ପିଛା ୧୦୦ଟଙ୍କାରେ ବିକ୍ରି କରିବାକୁ ପଞ୍ଚାୟତ ପକ୍ଷରୁ ନିଷ୍ପତ୍ତି ଗ୍ରହଣ କରାଯାଇଛି। ସରକାରୀ ସମିତି ସମେତ ଡାଏରୀ କମ୍ପାନୀଗୁଡ଼ିକୁ ଦୁଗ୍ଧ ଉତ୍ପାଦନକାରୀ ଚାଷୀମାନଙ୍କୁ ପଞ୍ଚାୟତ ପକ୍ଷରୁ ଧାର୍ଯ୍ୟ ହୋଇଥିବା ଦାମ୍ରେ କ୍ଷୀର ବିକ୍ରି କରିବାକୁ ପଡ଼ିବ। ଏହାର ଉଲ୍ଲଂଘନ କରୁଥିବା ଚାଷୀଙ୍କୁ ୧୧ ହଜାର ଟଙ୍କାର ଜରିମାନା ଦଣ୍ଡାଦେଶ କରାଯିବ ବୋଲି ଖାପ୍ ପଞ୍ଚାୟତ କଡ଼ା ନିଷ୍ପତି ଗ୍ରହଣ କରିଛି। ତେବେ ସାଧାରଣ ଲୋକଙ୍କୁ ଲିଟର ପିଛା ୫୫ ରୁ ୬୦ ଟଙ୍କା ମଧ୍ୟରେ କ୍ଷୀର ଯୋଗାଇ ଦିଆଯିବ ବୋଲି ପଞ୍ଚାୟତ ପକ୍ଷରୁ କୁହାଯାଇଛି। ହିସାର ଅଞ୍ଚଳର ଥିବା ଗାଁଗୁଡ଼ିକରେ ଜନନାୟକ ଜନତା ପାର୍ଟି ଏବଂ ଭାଜପା ନେତାଙ୍କୁ ପ୍ରବେଶ ନ କରାଇଦେବାକୁ ପଞ୍ଚାୟତ ପକ୍ଷରୁ କୁହାଯାଇଛି। ପଞ୍ଚାୟତ ପକ୍ଷରୁ କ୍ଷୀରର ମୂଳ ଦାମ୍ ୩୫.୫ ଟଙ୍କା ଉପରେ ସବୁଜ ଘାସ ଟିକସ ୨୦.୩୫ ଟଙ୍କା, ଚୋକଡ ଟିକସ ୧୪.୧୫ ଟଙ୍କା, ଗୋବର ଟିକସ ୯ ଟଙ୍କା, ମୁଲିଆଙ୍କ ପାଇଁ ୧୫.୧୫ ଟଙ୍କା, ଚାଷୀ ଲାଭାଶଂ ୫.୮୫ ଟଙ୍କା ଆଦି ଯୋଡ଼ା ଯାଇଛି।
