ଭବାନୀପାଟଣା,୬।୨: ଭବାନୀପାଟଣା ସ୍ଥିତ ଜିଲା ଯୋଜନା ପର୍ଯ୍ୟବେକ୍ଷଣ କାର୍ଯ୍ୟାଳୟ ସଭାଗୃହଠାରେ ଶନିବାର ବିଦ୍ୟୁତ୍ ବିଭାଗ ଅଧିକାରୀ, କମ୍ପାନୀ କର୍ମକର୍ତ୍ତାଙ୍କୁ ନେଇ ଶକ୍ତିମନ୍ତ୍ରୀ କ୍ୟାପ୍ଟେନ ଦିବ୍ୟ ଶଙ୍କର ମିଶ୍ର ଏକ ସମୀକ୍ଷା ବୈଠକ କରିଥିଲେ। ବୈଠକରେ ମନ୍ତ୍ରୀ ଆସନ୍ତା ମାର୍ଚ୍ଚ ୩୧ ସୁଦ୍ଧା ଜିଲାର ସମସ୍ତ ବିପିଏଲ୍ ଓ ଏପିଏଲ୍ ହିତାଧିକାରୀଙ୍କୁ ବିଦ୍ୟୁତ୍ ଯୋଗାଣ କରିବାକୁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ। ବୈଠକରେ ମନ୍ତ୍ରୀଙ୍କ ସହ ବିଦ୍ୟୁତ୍ ବିଭାଗ ଏସ୍ଇ ଧନଞ୍ଜୟ ରଣା, ନିର୍ବାହୀ ଯନ୍ତ୍ରୀ ପଶ୍ଚିମ ଲୋକନାଥ ଦାଶ, ପୂର୍ବ ନିର୍ବାହୀ ଯନ୍ତ୍ରୀ ଦେବଦତ୍ତ ଭୋଇ, ଜିଲାର ଅନ୍ୟ ଅଧିକାରୀ, ଏନ୍ଟିପିସି, ଏଲ୍ଏନ୍ଟି, ନୀଳଶିକ୍ଷା, ଲେଜର କମ୍ପାନୀ କର୍ମଚାରୀ ପ୍ରମୁଖ ଉପସ୍ଥିତ ଥିଲେ।
