କ୍ରିକେଟ ଏବଂ ବଲିଉଡ୍ର ଦୁନିଆର ସମ୍ପର୍କ ବହୁତ ପୁରୁଣା। ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କଠାରୁ ଆରମ୍ଭ କରି ହରବଜନ ସିଂହ ଏବଂ ଗୀତା ବସ୍ରାଙ୍କ ପର୍ଯ୍ୟନ୍ତ ଏମିତି ଅନେକ ଯୋଡି ରହିଛନ୍ତି ଯେଉଁମାନେ କ୍ରିକେଟ ଏବଂ ବଲିଉଡ୍କୁ ସଂଯୋଗ କରୁଛନ୍ତି। ଏବେ ଏହି ତାଲିକାରେ ଆଉ ଏକ ନାମ ଯୋଡି ହୋଇଯାଇଛି। ସୁନୀଲ ସେଟ୍ଟୀଙ୍କ ଝିଅ ଆଥିଆ ଏବଂ ଭାରତୀୟ ଦଳର ଯୁବ ଖେଳାଳି କେ ଏଲ୍ ରାହୁଲଙ୍କ ନାମ । ସୋସିଆଲ ମିଡିଆରେ ଏହି ଯୋଡିଙ୍କ ପ୍ରେମକୁ ନେଇ ଚର୍ଚ୍ଚା ଜୋର୍ ଧରିଛି।
ରାହୁଲ ତାଙ୍କର ଖେଳ ସାଙ୍ଗକୁ ବ୍ୟକ୍ତିଗତ ଜୀବନକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି। ତେବେ ରାହୁଲଙ୍କ ନାମ ଅନେକ ସେଲିବ୍ରିଟିଙ୍କ ସହ ଯୋଡି ହୋଇଛି। ମାତ୍ର ସେ ଆଥିୟା ଶେଟ୍ଟୀଙ୍କୁ ଡେଟ୍ କରୁଥିବା କୁହାଯାଉଛି। ନିକଟରେ ଆଥିୟା ନିଜର ଇନ୍ଷ୍ଟାଗ୍ରାମ୍ରେ ଏକ ଫଟୋ ଶେୟାର କରିଛନ୍ତି। ଉକ୍ତ ଫଟୋରେ ରାହୁଲ ଲଭ୍ ଇମୋଜି ଦେଇଛନ୍ତି। ଏହାକୁ ନେଇ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ରହିଥିବା ଚର୍ଚ୍ଚା ହେଉଛି। ଉକ୍ତ ଫଟୋରେ ଡାୟନା ପେଣ୍ଟି, କଟ୍ରିନା କୈଫ୍ଙ୍କ ଭଉଣୀ ଇସାବେଳ ଏବଂ ଟାଇଗର ଶ୍ରଫ୍ଙ୍କ ଭଉଣୀ କୃଷ୍ଣା ଶ୍ରଫ୍ ମଧ୍ୟ କମେଣ୍ଟ କରିଛନ୍ତି। ଆଥିୟାଙ୍କ ଏହି ଫଟୋକୁ ୧.୫ ଲକ୍ଷ ଲୋକ ଲାଇକ୍ କରିସାରିଛନ୍ତି।
