ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଏବଂ ଅନୁଷ୍କା ଶର୍ମା ୧୧ ଜାନୁୟାରୀ, ୨୦୨୧ରେ ମା’ବାପା ହେବାର ସୌଭାଗ୍ୟ ଅର୍ଜନ କରିଛନ୍ତି। ଏହି ଦମ୍ପତି ତାଙ୍କ ଝିଅର ଗୃହ ପ୍ରବେଶରେ କୌଣସି ଅଭାବ ରଖିବାକୁ ଚାହୁଁ ନାହାନ୍ତି। ଏମିତିରେ ସେ ଝିଅର କେଉଁଠାରେ ଗୃହ ପ୍ରବେଶ କରାଇବେ ତାହା ଜାଣିବା ପାଇଁ ଲୋକଙ୍କ ମନରେ ଉତ୍ସୁକତା ଲାଗି ରହିଛି। ଖୁବ୍ଶୀଘ୍ର ଏହି ଦମ୍ପତି ଝିଅକୁ ନେଇ ଘରେ ପହଞ୍ଚିବେ। ମୁମ୍ବାଇ ବର୍ଲିରେ ଥିବା ବିଳାସପୂର୍ଣ୍ଣ ଫ୍ଲାଟରେ ବିରୁଷ୍କାଙ୍କ ଅଲିଅଳି ରହିବେ ବୋଲି ଜଣାପଡ଼ିଛି।
ଏହି ଫ୍ଲାଟ୍କୁ ବିରାଟ ୨୦୧୬ ମସିହାରେ କିଣିଥିଲେ। ୭,୧୭୧ ସ୍କୋୟାର ଫୁଟ୍ରେ ବ୍ୟାପିଥିବା ‘ଓମକାର’ ନାମକ ଏହି ଆପାର୍ଟମେଣ୍ଟର ୩୫ତମ ଫ୍ଲୋର ହେଉଛି ବିରୁଷ୍କାଙ୍କର। ଏହା ୭୦ ଫ୍ଲୋର ବିଶିଷ୍ଟ ଆପାର୍ଟମେଣ୍ଟ। ଏହି ଫ୍ଲାର୍ଟରୁ ପୁରା ମୁମ୍ବାଇ ସହର ଦେଖାଯାଇଥାଏ। ଓମକାରରେ ଇନ୍ଡୋର ଟେନିସ କୋର୍ଟ, ପିଲାମାନଙ୍କ ପାଇଁ ଡେ କେୟାର ସେଣ୍ଟର ଆଦି ରହିଛି। ଏହି ଫ୍ଲାଟ୍କୁ ଆମେରିକାର ‘ରିଟେଲର୍ସ ଆଣ୍ଡ ଡେଭଲପର୍ସ’ ନିର୍ମାଣ କରିଛି। ଆପାର୍ଟମେଣ୍ଟ ସାଙ୍ଗକୁ ଫ୍ଲାଟ୍ରେ ଥିବା ଅନେକ ପ୍ରକାର ସୁବିଧା ପାଇଁ ସବୁବେଳେ ଏହାର ଚର୍ଚ୍ଚା ହୋଇଥାଏ।
ବିରୁଷ୍କା ୨୦୧୭ରେ ବିବାହ କରିଥିଲେ। କିନ୍ତୁ ଉଭୟ ୨୦୧୬ରେ ଏହି ଫ୍ଲାଟ୍ ପାଇଁ ଇନ୍ଭେଷ୍ଟ କରିଥିଲେ। ତେବେ ଫ୍ଲାଟ କିଣିବାର ଏକ ବର୍ଷ ପରେ ସେମାନେ ବିବାହ କଲେ। ଉକ୍ତ ସମୟରେ ଏହି ଫ୍ଲାଟ ୩୪ କୋଟି ଟଙ୍କାରେ କିଣାଯାଇଥିଲା। ଏବେ ଏହାର ମୂଲ୍ୟ ଆହୁରି ଅଧିକ ହେବ ବୋଲି କୁହାଯାଉଛି। ବିରୁଷ୍କାଙ୍କ ଫ୍ଲାଟରେ ୪ଟି ବେଡ୍ରୁମ୍ ରହିଛି। ଏହି ଫ୍ଲାଟ୍ରେ ଏକ ଉଦ୍ୟାନ କ୍ଷେତ୍ର ମଧ୍ୟ ରହିଛି। ବିରୁଷ୍କାଙ୍କ ଅନେକ ଇନ୍ଷ୍ଟା ପୋଷ୍ଟରେ ଏହି ସ୍ଥାନ ଦେଖିବାକୁ ମିଳେ।
୨୦୧୪ରେ କ୍ରିକେଟର ଯୁବରାଜ ସିଂହ ଏହି ଆପାର୍ଟମେଣ୍ଟର ୨୯ତମ ଫ୍ଲୋରରେ ଏକ ଫ୍ଲାଟ କିଣିଥିଲେ। ଅର୍ଥାତ୍ ବିରୁଷ୍କାଙ୍କ ଲାଡଲିଙ୍କ ପଡୋଶୀ ହେଉଛନ୍ତି ଯୁବରାଜ।
