ଭୁବନେଶ୍ୱର,୩୦ା୧୦(ବ୍ୟୁରୋ): ଶୁକ୍ରବାର ମୋଟ୍ ୩୦ ଜିଲାରୁ ୧୫୪୭ ନୂଆ ପଜିଟିଭ୍ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୨,୮୮,୬୪୬ରେ ପହଞ୍ଚିଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ସୂଚନା ଦେଇଛି। ଏଥିମଧ୍ୟରୁ କ୍ୱାରାଣ୍ଟାଇନ୍ରୁ ୮୯୧ ଜଣ ଚିହ୍ନଟ ହୋଇଥିବା ବେଳେ ୬୫୬ ଜଣ ସ୍ଥାନୀୟ ସଂକ୍ରମିତ ଅଟନ୍ତି।
ଆଜି ସର୍ବାଧିକ ଖୋର୍ଦ୍ଧା ଜିଲାରୁ ୧୫୯ ଆକ୍ରାନ୍ତ ଚିହ୍ନଟ ହୋଇଥିବା ବେଳେ କଟକରୁ ୯୮ ଏବଂ ଅନୁଗୋଳରୁ ୯୫ ଜଣ ଚିହ୍ନଟ ହୋଇଛନ୍ତି। ସେହିପରି ବାଲେଶ୍ୱର ୭୯, ବରଗଡ଼ ୩୫, ଭଦ୍ରକ ୪୩, ବଲାଙ୍ଗୀର ୭୯, ବୌଦ୍ଧ ୧୨, ଦେବଗଡ଼ ୧୭, ଢେଙ୍କାନାଳ ୪୦, ଗଜପତି ୮, ଗଞ୍ଜାମ ୨୪, ଜଗତସିଂହପୁର ୮୯, ଯାଜପୁର ୭୦, ଝାରସୁଗୁଡ଼ା ୩୭, କଳାହାଣ୍ଡି ୩୭, କନ୍ଧମାଳ ୨୪, କେନ୍ଦ୍ରାପଡ଼ା ୬୧, କେନ୍ଦୁଝର ୭୧, କୋରାପୁଟ ୩୭, ମାଲକାନଗିରି ୧୭, ମୟୂରଭଞ୍ଜ ୮୮, ନବରଙ୍ଗପୁର ୩୦, ନୟାଗଡ଼ ୩୪, ନୂଆପଡ଼ା ୫୯, ପୁରୀ ୫୯, ରାୟଗଡ଼ା ୯, ସମ୍ବଲପୁର ୨୩, ସୋନପୁର ୨୨ ଏବଂ ସୁନ୍ଦରଗଡ଼ରୁ ୫୮ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।
ସୂଚନାଯୋଗ୍ୟ, ରାଜ୍ୟରେ ବର୍ତ୍ତମାନ ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ୨,୮୮,୬୪୬ରେ ପହଞ୍ଚିଥିବା ବେଳେ ୨, ୭୨,୦୩୮ ଜଣ ସୁସ୍ଥ ହୋଇଛନ୍ତି। ୧୫,୨୪୭ ଜଣ ଚିକିତ୍ସିତ ହେଉଛନ୍ତି।
