ମାଞ୍ଚେଷ୍ଟର, ୧୮।୭- ବର୍ଷା କାରଣରୁ ଇଂଲଣ୍ଡ-ଓ୍ବେ୍ଷ୍ଟଇଣ୍ଡିଜ ଦ୍ୱିତୀୟ ଟେଷ୍ଟର ତୃତୀୟ ଦିବସ ଖେଳ ବାତିଲ ହୋଇଛି। ଇଂଲଣ୍ଡ ପ୍ରଥମ ଇନିଂସକୁ ୪୬୯/୯ରେ ଘୋଷଣା କରିଥିବାବେଳେ ଦ୍ୱିତୀୟ ଦିବସ ଶେଷସୁଦ୍ଧା ଓ୍ବେଷ୍ଟଇଣ୍ଡିଜ ପ୍ରଥମ ଇନିଂସରେ ୧ ଉଇକେଟ ହରାଇ ୩୨ ରନ କରିଥିଲା। ଜନ୍ କ୍ୟାମ୍ପବେଲ ୧୨ ରନ କରି ଆଉଟ ହୋଇଥିବାବେଳେ କ୍ରେଗ୍ ବ୍ରାଥଓ୍ବେଟ ୬ ଓ ଆଲଜାରି ଜୋସେଫ ୧୪ ରନ କରି ଅପରାଜିତ ରହିଥିଲେ। ଇଂଲଣ୍ଡ ପକ୍ଷରୁ ସାମ୍ କୁରାନ ଏକମାତ୍ର ଉଇକେଟଟି ପାଇଥିଲେ। ଇଂଲଣ୍ଡ ପ୍ରଥମ ଇନିଂସରେ ଡୋମିନିକ୍ ସିବ୍ଲେ ୧୨୦ ଓ ବେନ୍ ଷ୍ଟୋକ୍ସ ୧୭୬ ରନ କରିଥିଲେ। ଓ୍ବେଷ୍ଟଇଣ୍ଡିଜ ବୋଲରଙ୍କ ମଧ୍ୟରେ ରଷ୍ଟନ ଚେଜ୍ ୫ଟି, କେମର ରୋଚ୍ ୨ଟି ଏବଂ ଆଲଜାରି ଜୋସେଫ ଓ ଜାସନ ହୋଲ୍ଡର ଗୋଟିଏ ଲେଖାଏ ଉଇକେଟ ନେଇଥିଲେ।
