କଥାଟା ଆଶ୍ଚର୍ଯ୍ୟ ଲାଗୁଥାଇ ପାରେ। କିନ୍ତୁ ୯୨ ଯାତ୍ରୀଙ୍କୁ ନେଇ ଉଡିଥିବା ଏକ ବିମାନ ପ୍ରାୟ ୩୭ ବର୍ଷ ପରେ ଅବତରଣ କରିଥିବା କୁହାଯାଏ। ସାଣ୍ଟିଆଗୋ ଏୟାର ଲାଇନ୍ସର ୫୧୩ ନମ୍ବର ବିମାନ ପଶ୍ଚିମ ଜର୍ମାନୀର ଆକେନ ଏୟାରପୋର୍ଟରୁ ଉଡାଣ ଆରମ୍ଭ କରିଥିବା ବେଳେ ଏହା ଲ୍ୟାଣ୍ଡିଂ କରିଥିବା କେହି ଦେଖି ନ ଥିବା କୁହାଯାଏ। ୪ ସେପ୍ଟେମ୍ବର ୧୯୫୪ରେ ଉକ୍ତ ବିମାନଟି ବ୍ରାଜିଲର ର୍ପୋଟୋ ଆଲିଗ୍ରି ବିମାନ ବନ୍ଦରରେ ଅବତରଣ କରିବାର ଥିଲା। ହେଲେ ଏହା ହୋଇ ନ ଥିଲା। ଉଡିବାର କିଛି ସମୟ ପରେ ଏହା ନିଖୋଜ ହୋଇଯାଇଥିଲା। ହେଲେ ଏହାର ଭଗ୍ନାବଶେଷ ବି କେଉଁଠି ମିଳିପାରି ନ ଥିଲା। କୁହାଗଲା ଆଟଲାଣ୍ଟିକ ମହାସାଗରେ ଏହା ବୋଧହୁଏ ଦୁର୍ଘଟଣା ଗ୍ରସ୍ତ ହୋଇଛି। ହେଲେ ଏହାର ସତ୍ୟାସତ୍ୟ ମଧ୍ୟ ଜଣାପଡି ନ ଥିବା କୁହାଯାଏ। ତେବେ ବିମାନଟି ଉଡିବାର ପ୍ରାୟ ୩୭ ବର୍ଷ ପରେ ର୍ପୋଟୋ ଆଲିଗ୍ରି ବିମାନ ବନ୍ଦରରେ ଏକ ଗୋଟିଏ ବିମାନ କୌଣସି ସୂଚନା ନ ଥାଇ ଅବତରଣ କରିବାକୁ ଉଦ୍ୟମ କରୁଥିଲା। ଏହି ସମୟରେ ବିମାନ ବନ୍ଦରର କର୍ମଚାରୀ ରନ୍ ଓ୍ବେକୁ ଖାଲି କରିଦେଇଥିଲେ। ବିମାନଟି ଅବତରଣ କରିବା ପରେ ଏହା ସାଣ୍ଟିଆଗୋ ଏୟାର ଲାଇନ୍ସର ବିମାନ ବୋଲି ଜଣାପଡିଥିଲା। ଯେଉଁ ବିମାନଟି ନିଖୋଜ ଥିଲା ଉକ୍ତ କମ୍ପାନୀର ବିମାନ ଉଡିବାର ୨ ବର୍ଷ ପରେ ଅର୍ଥାତ୍ ୧୯୫୪ରେ ବନ୍ଦ କରି ଦିଆଯାଇଥିଲା। ତେଣୁ ନିଖୋଜ ହେବାର ଦୀର୍ଘ ୩୭ ବର୍ଷ ପରେ ପୁଣି ବିମାନଟିକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ହେଲେ କେହି କିଛି ବୁଝିବା ପୂର୍ବରୁ ବିମାନଟି ପୁଣିଥରେ ଉଡିଯାଇଥିଲା ଓ ସେ କେଉଁଆଡେ ଯାଇଥିଲା ତା’ର ଏପର୍ଯ୍ୟନ୍ତ କୌଣସି ସୂଚନା ମିଳି ନ ଥିବା କୁହାଯାଏ।
