ଖଣ୍ଡପଡା,୨୧ା୧୨(ସ୍ବ.ପ୍ର.)-ନୟାଗଡ ଜିଲା ଖଣ୍ଡପଡା ବ୍ଲ୍ଳକ ଅଧୀନ ବୋଦସା ଗ୍ରାମରୁ ଶୁକ୍ରବାର ଏକ ମିନିଟ୍ରକ୍ ଯୋଗେ ଧାନ ଚୋରାଚାଲାଣ ହେଉଥିବାବେଳେ ନୟାଗଡ ଯୋଗାଣ ଅଧିକାରୀଙ୍କ ଦ୍ୱାରା ଧରାପଡିଛି । ବସନ୍ତ କୁମାର ମହାନ୍ତି ନାମକ ଜଣେ ବ୍ୟବସାୟୀ ଉକ୍ତ ଟ୍ରକ୍ରେ ଧାନ ବୋଝେଇ କରି ନେଉଥିଲେ। ଉକ୍ତ ଟ୍ରକ୍ ଜବତ କରାଯିବା ସହ ବସନ୍ତଙ୍କୁ ଯୋଗାଣ ବିଭାଗ ପକ୍ଷରୁ ପଚରାଉଚରା କରାଯାଉଛି।
ସମ୍ପୃକ୍ତ ବ୍ୟବସାୟୀ ବୋଦସା ଅଞ୍ଚଳର ଚାଷୀଙ୍କଠାରୁ ଶୁକ୍ରବାର (୧୪ଶହ ଟଙ୍କା) କମ୍ ମୂଲ୍ୟରେ ଧାନ କ୍ରୟ କରି ନେଉଥିଲେ। କୌଣସି ସୂତ୍ରରୁ ଖବର ପାଇ ଜିଲା ଯୋଗାଣ ଅଧିକାରୀ ଦେବବ୍ରତ ମହାପାତ୍ର, ସହକାରୀ ଯୋଗାଣ ଅଧିକାରୀ ଜୟନ୍ତ ଦାଶ, ଖଣ୍ଡପଡା ବ୍ଲ୍ଳକ ଯୋଗାଣ ନିରୀକ୍ଷକ ଅନିତା ରାଉତରାୟ ପ୍ରମୁଖ ଅଚାନକ ଚଢାଉ କରିଥିଲେ। ମିନିଟ୍ରକ୍ରେ ବୋଝେଇ ହୋଇଥିବା ୬୭ ବସ୍ତା ଧାନ(୪୯କୁଇଣ୍ଟାଲ ୨୩ କିଲୋ)କୁ ଯୋଗାଣ ଅଧିକାରୀମାନେ ନୟାଗଡ ନିକଟସ୍ଥ ଶୁକଳଗାଡିଆ ମିଲ୍ ମାଲିକଙ୍କୁ ହସ୍ତାନ୍ତର କରିଥିବା ଜଣାପଡିଛି ା ଏହି କାରବାରରେ ସଂପୃକ୍ତ ଥିବା ଅଭିଯୋଗରେ ବସନ୍ତଙ୍କୁ ଯୋଗାଣ ବିଭାଗ ଅଧିକାରୀମାନେ ଅଧିକ ତଦନ୍ତ ପାଇଁ ପଚରାଉଚରା କରୁଥିବା ବିଭାଗୀୟ କାର୍ଯ୍ୟାଳୟ ସୂତ୍ରରୁ ଜଣାପଡିଛି ା
