ଭୋପାଳ,୧୭।୯: ଅପେକ୍ଷାର ଅନ୍ତ ଘଟିଛି। ବିଲୁପ୍ତ ହୋଇଥିବା ଚିତା ବାଘ ପୁଣି ଭାରତକୁ ଫେରିଛି। ପ୍ରଥମ ପର୍ଯ୍ୟାୟରେ ନାମିବିୟାରୁ ସ୍ବତନ୍ତ୍ର ବିମାନ ଯୋଗେ ଆସୁଥିବା ୮ଟି ଚିତା ବାଘ ଶନିବାର ସକାଳେ ମଧ୍ୟପ୍ରଦେଶର ଗ୍ବାଲିୟର୍ରେ ପହଞ୍ଚିଛନ୍ତି। ସେଠାରୁ ବାୟୁସେନାର ଏକ ସ୍ବତନ୍ତ୍ର ହେଲିକପ୍ଟର ଯୋଗେ ୮ ଚିତାଙ୍କୁ କୁନୋ ନ୍ୟାଶନାଲ ପାର୍କକୁ ନିଆଯିବ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ଜନ୍କ ଦିନରେ ନାମିବିୟାରୁ ଆସିଥିବା ୮ ଚିତାଙ୍କୁ ସ୍ବାଗତ କରିବାକୁ ଉଜବେଜିସ୍ତାନରୁ ଫେରି ମଧ୍ୟପ୍ରଦେଶର କୁନୋ ନ୍ୟାଶନାଲ ପାର୍କରେ ପହଞ୍ଚିବେ। ଏହାପରେ ସେ ୮ ଚିତାଙ୍କ ସ୍ବାଗତ କରିବାର କାର୍ଯ୍ୟକ୍ରମ ରହିଛି। ନାମିବିୟାରୁ ଆସିଥିବା ୮ ଚିତାଙ୍କ ମଧ୍ୟରୁ ୫ ମାଇ ଚିତା ଏବଂ ୩ ପୁରୁଷ ଚିତା ରହିଛନ୍ତି।
