ଲିଜ୍‌ଧାରୀଙ୍କୁ ୧୦ କୋଟି ଜରିମାନା

ଯାଜପୁର ଅଫିସ,୧୯।୧: ଯାଜପୁର ଜିଲା ଧର୍ମଶାଳା ତହସିଲ ଅନ୍ତର୍ଗତ ବହୁଚର୍ଚ୍ଚିତ ଆରୁହା ପାହାଡ଼ରୁ କଳାପଥର ଲୁଟ୍‌ ଓ ଜାଲିଆତି ଅଭିଯୋଗର ଲୋକାୟୁକ୍ତ ମାମଲା ଭିନ୍ନମୋଡ ନେଇଛି। ଏହି ମାମଲାରେ ପ୍ରାୟ ୧୦ ଅଧିକାରୀ ଓ କର୍ମଚାରୀ ଛନ୍ଦି ହୋଇଛନ୍ତି। ସେମାନେ ମାମଲାରୁ ମୁକ୍ତି ପାଇବାକୁ ଏକ ନୂଆ ଯୋଜନା ପ୍ରସ୍ତୁତ କରିଥିବା ଅନୁମାନ କରାଯାଉଛି। ଧର୍ମଶାଳା ତହସିଲ କାର୍ଯ୍ୟାଳୟରୁ ୨୯ା୯ା୨୦୨୧ରେ ଲିଜ୍‌ଧାରୀଙ୍କୁ ୨ଟି ନୋଟିସରେ ୧୦.୦୨ କୋଟି ଟଙ୍କା ଜରିମାନା ନିର୍ଦ୍ଦେଶ ହୋଇଛି। ତେବେ ଏହି ନୋଟିସକୁ ଫାଇଲରେ ଚାପି ରଖି ଗତ ୫ ଦିନ ହେଲା ଲିଜ୍‌ଧାରୀ ତ୍ରିନାଥ ଜେନାଙ୍କୁ ପ୍ରଦାନ କରାଯାଇଥିବା ସୂଚନା ମିଳିଛି। ପୁରୁଣା ତାରିଖରେ ଜରିମାନା ନୋଟିସ ଜାରି ହୋଇଛି କିମ୍ବା ଜାଣିଶୁଣି ସାଢେ ୩ ମାସ ପର୍ଯ୍ୟନ୍ତ ଏହି ନୋଟିସକୁ ଚାପି ରଖାଯାଇ ଲିଜ୍‌ଧାରୀଙ୍କୁ ସୁରକ୍ଷା ଦିଆଯାଉଥିଲା ବୋଲି ଅଭିଯୋଗକାରୀ ପ୍ରଶ୍ନ କରିଛନ୍ତି।
ଲୋକାୟୁକ୍ତରେ ଆରୁହା କଳାପଥର ଲୁଟ୍‌ ଅଭିଯୋଗକୁ ନେଇ ଏକ ମାମଲା(ନଂ.୧୩୫୫/୨୦୨୦)ରୁଜୁ ହୋଇଥିଲା। ଲୋକାୟୁକ୍ତ ନିର୍ଦ୍ଦେଶକ ଏହି ମାମଲାର ତଦନ୍ତ କରି ଗତ ନଭେମ୍ବରରେ ରିପୋର୍ଟ ଦାଖଲ କରିଥିଲେ। ରିପୋର୍ଟରେ ପୂର୍ବତନ ଜିଲାପାଳ, ୪ ପୂର୍ବତନ ତହସିଲଦାର, ୨ ଭୂତତ୍ତ୍ବବିତ୍‌, ୩ ରାଜସ୍ବ ନିରୀକ୍ଷକଙ୍କ ସମେତ ଲିଜ୍‌ଧାରୀ ଲୁଟ୍‌ କାରବାରରେ ସମ୍ପୃକ୍ତ ଥିବା ଦର୍ଶାଇଥିଲେ। ଏନେଇ ଉପରୋକ୍ତ ଅଧିକାରୀମାନଙ୍କୁ ଜବାବ୍‌ ତଲବ ହୋଇଥିଲା। ଗତ ୧୨ ତାରିଖରେ ସମ୍ପୃକ୍ତ ଅଧିକାରୀମାନେ ଲୋକାୟୁକ୍ତରେ ସତ୍ୟପାଠ ଦାଖଲ କରିଥିଲେ। ଏବେ ପୁଣି ଏକ ନୂଆ କଥା ସାମ୍‌ନାକୁ ଆସିଛି। ଧର୍ମଶାଳା ତହସିଲଦାର ସଇରାତ ନୋଟିସ ୩୭୪୯ ଓ ୩୭୪୮ରେ ଲିଜ୍‌ଧାରୀ ଜେନାଙ୍କୁ ଯଥାକ୍ରମେ ୨୪,୮୬,୬୫୨ ଟଙ୍କା ଏବଂ ୯,୭୭,୯୯,୭୩୦ ଟଙ୍କା ଜରିମାନା ତୁରନ୍ତ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି। ଉକ୍ତ ନିର୍ଦ୍ଦେଶ ପତ୍ରରେ ୨୨ା୭ା୨୦୨୧ରେ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ ଏବଂ ୩୦ା୭ା୨୦୨୧ରେ ଯାଜପୁର ଜିଲାପାଳଙ୍କ ନିର୍ଦ୍ଦେଶରେ ଲୋକାୟୁକ୍ତ ମାମଲା ଉପରେ ତଦନ୍ତ ହୋଇଥିଲା। ଅତିରିକ୍ତ ଜିଲାପାଳ(ରାଜସ୍ବ)ଙ୍କ ଅଧ୍ୟକ୍ଷତାରେ ଗଠିତ ଜିଲାସ୍ତରୀୟ ବିଶେଷଜ୍ଞ କମିଟି ମାମଲା ଉପରେ ଛାନ୍‌ଭିନ୍‌ କରି ୩୧,୫୪୮.୩୦ ଘନମିଟର ପଥର ଅନୁମତିଠାରୁ ଅଧିକ ଉତ୍ତୋଳନ ହୋଇଥିବା ଦୁଇଟି ରିପୋର୍ଟ ଦାଖଲ କରିଥିଲେ। ତଦନୁସାରେ ଘନମିଟର ପିଛା ୧୫୫୦ ଟଙ୍କା ଦରରେ ୪,୮୮,୯୯,୮୬୫ ଜରିମାନା ସହ ୧୦୦ ପ୍ରତିଶତ ରାଜସ୍ବକୁ ମିଶାଇ ୯,୭୭,୯୯,୭୩୦ ଟଙ୍କା ଦେବାକୁ ଧାର୍ଯ୍ୟ ହୋଇଥିଲା। ଅନ୍ୟ ଏକ ଜରିମାନା ନୋଟିସରେ ୫୯୨୦.୬୦ ଘନମିଟର ଅଧିକ ପଥର ଉତ୍ତୋଳନ ହୋଇଛି ା ଘନମିଟର ପିଛା ୨୧୦ ଟଙ୍କା ଦରରେ ୧୨,୪୩,୩୨୬ ଟଙ୍କା ଏବଂ ୧୦୦ ପ୍ରତିଶତ ରାଜସ୍ବକୁ ମିଶାଇ ୨୪,୮୬,୬୫୨ ଟଙ୍କା ଜରିମାନା ଧାର୍ଯ୍ୟ କରାଯାଇଛି।
ଏ ସଂକ୍ରାନ୍ତରେ ଅତିରିକ୍ତ ଜିଲାପାଳ(ରାଜସ୍ବ) ଅକ୍ଷୟ କୁମାର ମଲ୍ଲିକ ଏବଂ ଧର୍ମଶାଳା ତହସିଲଦାର ସ୍ବାଗତ ଦାସଙ୍କ ମତାମତ ନେବାକୁ ମଙ୍ଗଳବାର ଏକାଧିକ ଥର ଫୋନ କରିଥିଲେ ହେଁ ଉଭୟ ଫୋନ କଲ୍‌କୁ ଗ୍ରହଣ କରି ନ ଥିଲେ। ଅନ୍ୟପକ୍ଷେ ଲିଜ୍‌ଧାରୀ ଜେନାଙ୍କୁ ପଚାରିବାରୁ ସେ କହିଛନ୍ତି, ଲିଜ୍‌ ପାଇଥିବା ଅଞ୍ଚଳରେ ସେ ଧାର୍ଯ୍ୟ ଅନୁଯାୟୀ ପଥର ଉତ୍ତୋଳନ କରୁଛନ୍ତି। ଲିଜ୍‌ ବାହାରେ ଅନ୍ୟମାନେ ପଥର ଚୋରି କରିଥିବା ନେଇ ସେ ପୂର୍ବରୁ ପ୍ରଶାସନର ଦ୍ୱାରସ୍ଥ ହୋଇଥିଲେ। ଅନ୍ୟର ଦୋଷଦୁର୍ବଳତା ଲୁଚାଇବାକୁ ଯାଇ ସମସ୍ତ ଅଭିଯୋଗ ତାଙ୍କ ଉପରେ ଲଦି ଦିଆଯାଉଛି। ଲୋକାୟୁକ୍ତ ଛାନ୍‌ଭିନ୍‌ କରିବା ପରେ ଗତ ୫ଦିନ ହେଲା ଜରିମାନା ନୋଟିସ ସେ ପାଇଛନ୍ତି। ଏନେଇ ସେ ସାର୍ଟିଫାଏଡ କପି ଦେବାକୁ ଧର୍ମଶାଳା ତହସିଲଦାରଙ୍କୁ ଅନୁରୋଧ କରିଛନ୍ତି।
ଡଙ୍କାରୀ ପାହାଡ଼ରୁ ବେଆଇନ କଳାପଥର ଉତ୍ତୋଳନ ବାବଦକୁ ୫୮ କୋଟି ୬୨ ଲକ୍ଷ ୭୯ ହଜାର ୬୩୩ ଟଙ୍କା ରାଜସ୍ବ ଜମା କରିବାକୁ ୨୦୧୬ ମେ ରେ ନୋଟିସ ଜାରି ହୋଇଥିଲା। ଏହାବାଦ୍‌ ଏନ୍‌ଜିଟି ମଧ୍ୟ ୨୫ କୋଟି ଟଙ୍କାର ଜରିମାନା ଦାଖଲ କରିବାକୁ ନିର୍ଦ୍ଦେଶ ଦେଇଥିଲେ। ତା’ର ସୁଫଳ ଏଯାଏ ମିଳି ପାରିନାହିଁ।


Enter your email to get our daily news in your inbox.

All Right Reserved By Dharitri.Com

ସମବାୟ କର୍ମଚାରୀଙ୍କ କଲମ ଛାଡ଼ ଆନ୍ଦୋଳନ

ରାଜନଗର, ୧୮।୧୧(ଡି.ଏନ.ଏ.): ୫ଦଫା ଦାବି ନେଇ ରାଜନଗରବ୍ଲକର ୧୪ଟି ପ୍ରାଥମିକ କୃଷି ସେବା ସମବାୟ ସମିତିର ସମ୍ପାଦକ ଓ କର୍ମଚାରୀମାନେ ଆନ୍ଦୋଳନକୁ ଓହ୍ଲାଇଛନ୍ତି। ଗତ ୧୪...

ଧାନ, ମାଛ ଓ ପରିବା ଚାଷୀଙ୍କୁ ବିକ୍ରି ଚିନ୍ତା

ଜଗତ୍‌ସିଂହପୁର ଅଫିସ,୨୪।୮: ଜଗତ୍‌ସିଂହପୁର ଜିଲାର ଅଧିକାଂଶ ଚାଷୀ ମାଛ, ପନିପରିବା, ଧାନ, ମୁଗ, ବିରି ଆଦି ଚାଷ ଉପରେ ନିର୍ଭରଶୀଳ। ପ୍ରତି ବର୍ଷ ଜିଲାରେ ପ୍ରାକୃତିକ...

IIFL ଲୁଟ୍‌ ଘଟଣା: ଭାଇ, ସାଙ୍ଗଙ୍କୁ ଲଗାଇ ଡକାୟତି କରିଥିଲେ କର୍ମଚାରୀ

କଟକ ଅଫିସ, ୨୪।୧୧: କଟକ ନୟାସଡ଼କସ୍ଥିତ IIFL ବ୍ରାଞ୍ଚରେ ଗତ ୧୯ ତାରିଖରେ ଏକ ବଡ଼ ଧରଣର ଲୁଟ୍‌ ହୋଇଥିଲା। IIFLର ଲାଲା ଅମ୍ରିତ ରାୟ...

ଗୁଣପୁରରେ ବାଇକ୍‌ ଚଳାଚଳ ଉପରେ ପ୍ରଶାସନର କଡ଼ା ନଜର

ଗୁଣପୁର, ୨୫।୩(ଡି.ଏନ୍‌.ଏ.): କରୋନା(କୋଭିଡ୍‌-୧୯) ସାରା ବିଶ୍ୱରେ କାୟା ବିସ୍ତାର କରିବାରେ ଲାଗିଛି। ଏହାର ମୁକାବିଲା ଲାଗି ରାଜ୍ୟ ସରକାର ବିଭିନ୍ନ ପଦକ୍ଷେପ ନେଉଛନ୍ତି। ଏହି ପରିପ୍ରେକ୍ଷୀରେ...

କାଜୁ ବଗିଚାରୁ ବାର୍‌ହା ମୃତଦେହ ଉଦ୍ଧାର

ଭାପୁର,୨୬ା୯(ଡି.ଏନ.ଏ)-ଢେଙ୍କାନାଳ ଜିଲା ସଦର ରେଞ୍ଜ ଅଧୀନ ଭାପୁର ଅଞ୍ଚଳର ଶୁଳିଆ ଜଙ୍ଗଲ ପାଦ ଦେଶ ୨୬ ଘରିଆ କାଜୁ ବଗିଚାରୁ ଗୁରୁବାର ବନବିଭାଗ ଏକ ବାର୍‌ହା...

ମୁଖ୍ୟମନ୍ତ୍ରୀଙ୍କ ରିଲଫ ପାଣ୍ଠିକୁ ୨୫ ହଜାର ସହାୟତା

ବାରିପଦା ଅଫିସ, ୭ା୪- ମହାମାରୀ କରୋନା ମୁକାବିଲା ପାଇଁ ବାରିପଦାର ବାସିନ୍ଦା ତଥା ଓଡ଼ିଶା ପ୍ରଶାସନିକ ସେବାର ଅବସରପ୍ରାପ୍ତ ଅଧିକାରୀ ବୈଦ୍ୟନାଥ କର ମୁଖ୍ୟମନ୍ତ୍ରୀଙ୍କ ରିଲିଫ...

ଭଞ୍ଜନଗର ଉପଖଣ୍ଡରେ ୨ କରୋନା ଆକ୍ରାନ୍ତ

ଭଞ୍ଜନଗର,୨୨।୫(ଡି.ଏନ୍‌.ଏ.)- ଗଞ୍ଜାମ ଜିଲାର ବିଭିନ୍ନ କ୍ୱାରାଣ୍ଟାଇନ୍‌ ସେଣ୍ଟରରୁ ହିଁ ପୂର୍ବରୁ ପ୍ରାୟ କରୋନା ପଜିଟିଭ୍‌ ବାହାରୁଥିଲେ। ତେଣୁ ପ୍ରଶାସନ ପକ୍ଷରୁ ଭୟଭୀତ ନହେବାକୁ ଲୋକଙ୍କୁ ପରାମର୍ଶ...

ରାସ୍ତାରୁ ମାଟି ଖୋଳି ରାସ୍ତାରେ ପକାଯାଉଛି

ପଦ୍ମପୁର,୧୫।୫(ଡି.ଏନ.ଏ.): ଭଦ୍ରକ-ପଦ୍ମପୁର ଭାୟା ଇଚ୍ଛାପୁର ରାସ୍ତା ଏବେ ମରଣଯନ୍ତା ପାଲଟିଛି। ରାସ୍ତା ମରାମତି ନଁାରେ ପ୍ରତିବର୍ଷ ପିଚୁ ଢଳେଇ ପଡୁଛି। ମାତ୍ର ୬ମାସ ନ ପୂରୁଣୁ ରାସ୍ତାରେ...

Advertisement
Archives

Model This Week