ଦିଗପହଣ୍ଡି,୧୬। ୧୨(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଳକ ଏସ.ଗୋପାଳପୁର ପଞ୍ଚାୟତ ଗୋଠବଣିଆ ଜଙ୍ଗଲରେ ବେଆଇନ ଭାବେ ରୋପଣ କରାଯାଇଥିବା ଗଞ୍ଜେଇ ଗଛଗୁଡ଼ିକୁ ସୋମବାର ଅବକାରୀ ଏବଂ ପୋଲିସ ଟିମ ଚଢ଼ାଉ କରି ନଷ୍ଟ କରିଦେଇଛନ୍ତି। ଏଥିସହ ସେଗୁଡିକୁ ଜାଳି ଦିଆଯାଇଥିବା ଜଣାପଡିଛି। ଗୋଇନ୍ଦା ସୂଚନାକୁ ଭିତ୍ତିକରି ଅବକାରୀ ଆୟୁକ୍ତ ନରସିଂହ ଭୋଳ ଏବଂ ଅବକାରୀ ଭାରପ୍ରାପ୍ତ ଅଧିକ୍ଷକ ପ୍ରବୀନ ପ୍ରଧାନଙ୍କ ନିର୍ଦ୍ଦେଶକ୍ରମେ ଭୋର ସମୟରେ ଚଢାଉ କରାଯାଇଥିଲା। ଚିକିଟି ଅବକାରୀ ଉପଅଧିକ୍ଷକ କୁଳମଣି କୁଁଅର,ବ୍ରହ୍ମପୁର ଅବକାରୀ ଉପ ଅଧିକ୍ଷକ ସ୍ନେହଲତା ନାୟକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଦିଗପହଣ୍ଡି ଅବକାରୀ ଥାନା ଓଆଇସି ଅନୀତା ପ୍ରଧାନଙ୍କ ନେତୃତ୍ୱରେ ପ୍ରାୟ ୨୨ କୋଟି ଟଙ୍କା ମୂଲ୍ୟର ଗଞ୍ଜେଇ ଗଛଗୁଡ଼ିକୁ କାଟି ସାନଖେମୁଣ୍ଡି ତହସିଲଦାର ତଥା ଏକଜିକ୍ୟୁଟିଭ ମାଜିଷ୍ଟ୍ରେଟ ରାମଚନ୍ଦ୍ର ପଟ୍ଟନାୟକଙ୍କ ଉପସ୍ଥିତିରେ ଜାଳି ଦିଆଯାଇଥିଲା। ପାଟପୁର ଥାନା ଆଇଆଇସି ଦୀପ୍ତି ରଞ୍ଜନ ବେହେରା, ବ୍ରହ୍ମପୁର ଅବକାରୀ ଉପ ନିରୀକ୍ଷକ ସଙ୍ଗୀତା ମହାପାତ୍ର,ସସ୍ମିତା ମଲ୍ଲିକ,ବିଶ୍ବମ୍ବର ବିଶ୍ବାଳ,ବି.ମନୋଜ କୁମାର, ଏଏସଆଇ ଏନ. ତ୍ରିପତି,ସନ୍ତୋଷ ପାଢ଼ୀ,ଭୁବୁନି ବେହେରା,କନେଷ୍ଟବଳ ଆଲଫଲତା ସାହୁ, ନୀର ବେହେରା, ସୂର୍ଯ୍ୟନାରାୟଣ ଜେନା, ମନୋରଞ୍ଜନ ମହାପାତ୍ର ଏବଂ ବଳରାମ ସାହୁଙ୍କ ସମେତ ପୋଲିସ ଏପିଆର ଫୋର୍ସ ଉପସ୍ଥିତ ଥିଲେ।
