ଭୁବନେଶ୍ୱର,୨୧।୬: ଆସନ୍ତା ଜୁଲାଇ ୪ରୁ ଆମାଜନ ଇଣ୍ଡିଆ ପକ୍ଷରୁ ପ୍ରାଇମ ଡେ’-୨୦୨୬ର ୧୦ମ ସଂସ୍କରଣ ଆରମ୍ଭ ହେବାକୁ ଯାଉଛି । ଏହା ୪ ଜୁଲାଇ ରାତି ୧୨ଟାରୁ ୬ ତାରିଖ ୧୧.୫୯ ମିନିଟ୍ ପର୍ଯ୍ୟନ୍ତ ପ୍ରାୟ ୭୨ ଘଣ୍ଟା ପର୍ଯ୍ୟନ୍ତ ଚାଲିବ । ଆମାଜନ ପ୍ରାଇମ ସଦସ୍ୟଙ୍କ ପାଇଁ ‘୧୦ମ ଆନିଭର୍ସାରି’ ଡିଲ୍ ସହ ବିଭିନ୍ନ ବର୍ଗରେ ଉତ୍ସାହଜନକ ଅଫର ରହିଥିବା କୁହାଯାଇଛି। ଏହାବ୍ୟତୀତ ଏସ୍ବିଆଇ, ଆକ୍ସିସ କ୍ରେଡିଟ୍ କାଡର୍ର୍ ଓ ଇଏମ୍ଆଇ ପେମେଣ୍ଟ ଉପରେ ଅତିରିକ୍ତ ୧୦% ସଞ୍ଚୟ ପ୍ରଦାନ ବ୍ୟବସ୍ଥା ରହିଛି।
ଏ ସମ୍ପର୍କରେ ପ୍ରାଇମ୍ ବିଭାଗର ନିର୍ଦ୍ଦେଶକ ଅଭିନବ ଅଗ୍ରୱାଲ ସୂଚନା ଦେଇ କହିଛନ୍ତି ‘ନୂଆ ଲଞ୍ଚଠାରୁ ଆରମ୍ଭକରି ବ୍ଲକ୍ବଷ୍ଟର ଅଫର, ପ୍ରାଇମ ଡେ’ ସବୁବେଳେ ଆମର ସଦସ୍ୟ, ସେଲର ଓ ବ୍ରାଣ୍ଡ ପାର୍ଟନରଙ୍କୁ ଅଧିକ ସୁବିଧା ଓ ସହଯୋଗ କରିଆସୁଛି । ସେହିପରି ଆମାଜନ ପେ’, ଆଇସିଆଇସିଆଇ ବ୍ୟାଙ୍କ କ୍ରେଡିଟ୍ କାର୍ଡ ସହ ପ୍ରାଇମ ସଦସ୍ୟମାନେ ଅସୀମିତ ୫% କ୍ୟାଶ୍ବ୍ୟାକ୍ ପାଇପାରିବେ ବୋଲି କୁହାଯାଇଛି। ଏହା ବ୍ୟତୀତ ସ୍ମାର୍ଟଫୋନ, ଲାପ୍ଟପ୍, ଫ୍ୟାଶନ, ହୋମ ଆଣ୍ଡ୍ କିଚେନ, ବିୟୁଟି ପ୍ରଡକ୍ଟ, ଖେଳନା, ଦୈନନ୍ଦିନ ସାମଗ୍ରୀ ଭଳି ବର୍ଗରେ ରହାତି ପ୍ରଦାନ କରାଯିବ ବୋଲି ଆମାଜନ୍ ପକ୍ଷରୁ କୁହାଯାଇଛି ।
