ମାଞ୍ଚେଷ୍ଟର, ୧୬।୬:ଓଲ୍ଡ ଟ୍ରାଫର୍ଡରେ ଭାରତ ଏବଂ ପାକିସ୍ତାନ ମଧ୍ୟରେ ଖେଳାଯାଉଥିବା ଏକ ମ୍ୟାଚ୍ରେ ଭାରତୀୟ ଦଳର ଅଧିନାୟକ ବିରାଟ କୋହଲି ଇତିହାସ ରଚିଛନ୍ତି। ଏକଦିବସୀୟ କ୍ରିକେଟରେ କମ୍ ମ୍ୟାଚ୍ ଏବଂ ଇନିଂସ(୨୩୦ ମ୍ୟାଚ୍, ୨୨୧ ଇନିଂସ) ଖେଳି ୧୧ ହଜାର ରନ୍ ପୂରଣ କରିବାରେ ସେ ବିଶ୍ୱର ପ୍ରଥମ ବ୍ୟାଟ୍ସମ୍ୟାନ୍ ହୋଇଛନ୍ତି। ସେ ଏହି କ୍ରମରେ କ୍ରିକେଟର ଭଗବାନ କୁହାଯାଉଥିବା ସଚିନ ତେନ୍ଦୁଲକରଙ୍କୁ ମଧ୍ୟ ପଛରେ ପକାଇଦେଇଛନ୍ତି। ପାକିସ୍ତାନ ବିପକ୍ଷ ମ୍ୟାଚ୍ରେ ୫୫ ରନ ସଂଗ୍ରହ କରିଥିବାବେଳେ କୋହଲି ଦିନିକିଆ ଅନ୍ତର୍ଜାତୀୟ କ୍ରିକେଟରେ ୧୧୦୦୦ ରନ ପୂରଣ କରିଛନ୍ତି। ଏଭଳି କୃତିତ୍ୱ ଅର୍ଜନ କରିବାରେ ସେ ତୃତୀୟ ଭାରତୀୟ ହୋଇଛନ୍ତି। ତାଙ୍କ ପୂର୍ବରୁ ସଚିନ ତେନ୍ଦୁଲକର ୧୧୦୦୦ ରନ ପୂରଣ କରିଛନ୍ତି। ସଚିନ ୨୭୬ ଇନିଂସ (୨୮୪ ମ୍ୟାଚ)ରେ ଏହି ସ୍କୋର ପୂରା କରିଥିଲେ। ତାଙ୍କ ପଛକୁ ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ ୨୮୬ ଇନିଂସ (୨୯୫ ମ୍ୟାଚ)ରେ ୧୧୦୦୦ ହଜାର ରନ ପୂରଣ କରିଥିବାବେଳେ ଭାରତର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି ୨୮୮ ଇନିଂସ (୨୯୮ ମ୍ୟାଚ୍)ରେ ୧୧ହଜାର ରନ୍ ପୂରଣ କରିଥିଲେ।
