ନିରାଡ଼ମ୍ବରରେ ପ୍ରତିଷ୍ଠା ଦିବସ ପାଳିବ ବିଡିଏ: ଉଦ୍‌ଘାଟନ ପାଇଁ କୌଣସି ପ୍ରକଳ୍ପ ନାହିଁ

ଭୁବନେଶ୍ୱର,୧ା୯(ବ୍ୟୁରୋ):ଲୋକଙ୍କ ଉନ୍ନତ ଜୀବନଶୈଳୀକୁ ଦୃଷ୍ଟିରେ ରଖି ସହରର ବିକାଶ ଓ ସୌନ୍ଦର୍ଯ୍ୟକରଣ କରିବା ସହ ସବୁଜିମାକୁ ବଜାୟ ରଖିବା ଉନ୍ନୟନ କର୍ତ୍ତୃପକ୍ଷଙ୍କ ଦାୟିତ୍ୱ। ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ) ମଧ୍ୟ ବିଗତ ବର୍ଷଗୁଡ଼ିକରେ ଏନେଇ ବହୁ ପ୍ରତିଶ୍ରୁତି ଦେଇଛି। କିନ୍ତୁ ପ୍ରତିଶ୍ରୁତିକୁ ପୂରଣ କରିବାରେ ବିଫଳ ହୋଇଥିବା ଲୋକେ ଅଭିଯୋଗ କରୁଛନ୍ତି। ସେହିପରି ଭୁବନେଶ୍ୱରକୁ ବିଶ୍ୱସ୍ତରରେ ପରିଚିତ କରାଇବା ପାଇଁ ପ୍ରୟାସ କରାଯାଇଛି ସତ, କିନ୍ତୁ ଏଥିରେ ବେପରୁଆ କାର୍ଯ୍ୟ ଦେଖିବାକୁ ମିଳିଛି। ଗତବର୍ଷ ହକି ବିଶ୍ୱକପ୍‌ ସମୟରେ ହୋଇଥିବା ସହର ସୌନ୍ଦର୍ଯ୍ୟକରଣର ମାସେ ମଧ୍ୟରେ ଫୁଟପାଥରୁ ରଙ୍ଗ ଲିଭିଗଲା। କଳିଙ୍ଗନଗରରେ ହୋଇଥିବା ବର୍ଜ୍ୟବସ୍ତୁ ସଂଗ୍ରହାଳୟର ସ୍ଥିତି ଏବେ ନକହିବା ଭଲ। ସେହିପରି ସହରବାସୀଙ୍କୁ ଭଲ ବିଲ୍ଡିଂ ପ୍ଲାନ ଦେବା ବାହାନାରେ ଲକ୍ଷ ଲକ୍ଷ ଲୋକଙ୍କ ଘର କରିବା ସ୍ବପ୍ନ ନାଲି ଫିତା ତଳେ ବନ୍ଦ ହୋଇପଡ଼ିଛି। କୌଣସି ପ୍ର୍ରକଳ୍ପ ହେଉ ଅଥବା ବିକାଶମୂଳକ କାର୍ଯ୍ୟ, ଯାହାବି ବିଡିଏ ହାତକୁ ନେଇଛି ତା’ର ସଫଳ ରୂପାୟନ କରିପାରିନାହିଁ ବୋଲି ଲୋକେ ଅଭିଯୋଗ କରୁଛନ୍ତି।

ରବିବାର ବିଡିଏ ତା’ର ୩୭ ତମ ପ୍ରତିଷ୍ଠା ଦିବସ ପାଳନ କରିବାକୁ ଯାଉଛି। ହେଲେ ଚଳିତବର୍ଷ ଏହାକୁ ନିରାଡ଼ମ୍ବରରେ ପାଳନ କରାଯିବ ବୋଲି ବରିଷ୍ଠ ଅଧିକାରୀ କହିଛନ୍ତି। ବିଡିଏ ପାଖରେ ବର୍ତ୍ତମାନ ଉଦ୍‌ଘାଟନ କରିବା ଲାଗି କିଛି ପ୍ରକଳ୍ପ ନ ଥିବା ବେଳେ ପୁରୁଣା ଯୋଜନା ଓ ପ୍ରକଳ୍ପଗୁଡ଼ିକ ଅଧାପନ୍ତରିଆ ହୋଇ ଅଟକି ରହିଛି। ବିଡିଏ ଅନେକ ସ୍ବପ୍ନ ଦେଖାଇଥିବାବେଳେ ତା’ର କାର୍ଯ୍ୟଧାରା ଉପରେ ରାଜଧାନୀ ବାସିନ୍ଦା ଅନେକ ପ୍ରଶ୍ନ ଉଠାଇଛନ୍ତି।

ବସ୍‌ ଟର୍ମିନାଲ କୁଆଡ଼େ ଗଲା
ବରମୁଣ୍ଡାରେ ଅନ୍ତର୍ଜାତୀୟ ବସ୍‌ ଟର୍ମିନାଲ କରିବା ଲାଗି ବିଡିଏ ପ୍ରତିଶ୍ରୁତି ଦେଇଥିଲା। ଏହାକୁ ୨୦୧୯ ମାର୍ଚ୍ଚ ମଧ୍ୟରେ ସାରିବାକୁ କହିଥିଲା। ଅନ୍ତର୍ଜାତୀୟ ତ ଛାଡ଼ ବରମୁଣ୍ଡା ବସ୍‌ଷ୍ଟାଣ୍ଡ ଏବେ ଗଁା ବସ୍‌ଷ୍ଟାଣ୍ଡରୁ ବି ହୀନ ହୋଇଗଲାଣି। ଖାଲି କଥାରେ ନୁହେଁ, ସହର ପାଇଁ ଟିକେ କାମ ବି କରିବା ଜରୁରୀ।
– ରାଧାଗୋବିନ୍ଦ ରାଉତରାୟ, ବରମୁଣ୍ଡା ବାସିନ୍ଦା

ଘର ପ୍ଲାନ୍‌ ଆପ୍ରୁଭ୍‌ କରିବାରେ ମାସ ମାସ ଲଗାଉଛନ୍ତି
ଘର ଲାଗି ଗୋଟିଏ ପ୍ଲାନ ଆଣିବାକୁ ହେଲେ ବାରମ୍ବାର ବିଡିଏ ଅଫିସ୍‌କୁ ଦୌଡ଼ିବାକୁ ପଡ଼ୁଛି। ତା ପରେ ବି ସେମାନଙ୍କୁ କିଛି ଫରକ ପଡ଼ୁନି। ଆମ ପ୍ଲାନ ସେମାନଙ୍କୁ ଭଲ ଲାଗୁନି କିମ୍ବା ସେମାନେ ମଧ୍ୟ କିଛି ନୂଆ ପ୍ଲାନ ଦେଉନାହାନ୍ତି। ବହୁ ଦିନ ଅଟକାଇ ରଖିବା ପରେ ଯେତେବେଳେ ଆମେ ଘର କରିବାକୁ ଯାଉଛୁ, ମଝିରେ ଆସି ବାଟ ଓଗାଳୁଛନ୍ତି।
– ସୁଶାନ୍ତ ରାଉତ, ବ୍ୟବସାୟୀ

ଉଚ୍ଛେଦ କରିବାରେ ବିଫଳ
ଘର ପାଚେରିକୁ ଲଗେଇ ପାନଦୋକାନ କରିଛନ୍ତି। ରାତି ଅଧଯାଏ ଖୋଲା ରହୁଛି, ଅଶ୍ଳୀଳ ଭାଷାରେ ମଦ ପିଇ ଲୋକେ ଗାଳିଗୁଲଜ କରୁଛନ୍ତି। ଦୋକାନ ଉଚ୍ଛେଦ କରିବାକୁ ବାରମ୍ବାର ଦରଖାସ୍ତ ଦେଲେ ବି କେହି ଆମ କଥା ଶୁଣିବାକୁ ନାରାଜ। ଯାହାକୁ ପଚାରିଲେ ସେ କହୁଛି ଅଞ୍ଚଳରେ କାମ କରୁଥିବା ବିଏମ୍‌ସି ଅଧିକାରୀଙ୍କୁ ଜଣାଅ, ତା ପରେ କାର୍ଯ୍ୟ ହେବ। ହେଲେ କିଛି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନି।
– ପବିତ୍ର ବ୍ରହ୍ମପୁତ୍ର ନାୟକ,
ୟୁନିଟ-୪ ବାସିନ୍ଦା

ରକ୍ଷଣାବେକ୍ଷଣର ଅଭାବ
ବହୁ ପ୍ରକଳ୍ପର ଉଦ୍‌ଘାଟନ ବିଡିଏ କରୁଛି। ହେଲେ ତା’ର ରକ୍ଷଣାବେକ୍ଷଣ ଠିକ୍‌ ଭାବେ କରିପାରୁନାହିଁ। ଉଦାହରଣ ସ୍ବରୂପ ପାର୍କରେ ଲାଗିଥିବା ଉପକରଣଠାରୁ ଆରମ୍ଭ କରି ହକି ବିଶ୍ୱକପ୍‌ ସମୟରେ ସହରରେ ଲାଗିଥିବା ‘ଆଇ ଲଭ୍‌ ଭୁବନେଶ୍ୱର’ର ବୋର୍ଡ ଯାଏ, ସବୁକୁ ଉଦ୍‌ଘାଟନ କରିଛନ୍ତି। ପରେ ତା’ର ଯତ୍ନ ନେବା କଥା ଆସିଲେ ବିଡିଏ ଅଧିକାରୀ ପଛଘୁଞ୍ଚା ଦେଉଛନ୍ତି।
– ବଳରାମ ବେହେରା,
ୟୁନିଟ-୬ ବାସିନ୍ଦା

 

-ସ୍ଥିତପ୍ରଜ୍ଞ ମିଶ୍ର


Enter your email to get our daily news in your inbox.

All Right Reserved By Dharitri.Com

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

ରାଜ୍ୟର ୬ଟି ଲୋକ ସଭା ଆସନରେ କାହାକୁ ଟିକେଟ ଦେବ ବିଜେଡି, ଚର୍ଚ୍ଚାରେ ଏହି ନାଁ

ଭୁବନେଶ୍ୱର,୨୮।୩: ୨୦୨୪ ସାଧାରଣ ନିର୍ବାଚନ ପାଇଁ ଓଡ଼ିଶାର ୨୧ଟି ଲୋକ ସଭା ନିର୍ବାଚନ ମଣ୍ଡଳୀ ଭିତରୁ ୧୮ଟି ସ୍ଥାନରେ ନିଜର ପ୍ରାର୍ଥୀ ଘୋଷଣା କରିଥିବା ବେଳେ...

ଓଡ଼ିଶା ପାଇଁ ଏପ୍ରିଲ ପ୍ରଥମ ସପ୍ତାହରେ ପ୍ରାର୍ଥୀ ଘୋଷଣା କରିବ କଂଗ୍ରେସ

ଭୁବନେଶ୍ୱର,୨୮।୩: ଓଡ଼ିଶା ପାଇଁ ଭାରତୀୟ ଜନତା ପାର୍ଟି(ଭାଜପା) ୧୮ ଟି ଲୋକ ସଭା ଆସନ ପାଇଁ ପ୍ରାର୍ଥୀ ଘୋଷଣା କରିଥିବା ବେଳେ ବିଜୁ ଜନତା ଦଳ(ବିଜେଡି)...

୩୦ ହଜାର ଟଙ୍କା ଲାଞ୍ଚ ନେବା ବେଳେ ସିଟିଓ-ଜିଏସଟି ଅଧିକାରୀଙ୍କୁ ବାନ୍ଧିଲା ଭିଜିଲାନ୍ସ

ଭୁବନେଶ୍ୱର,୨୮।୩: ପୁରୀରେ ଲାଞ୍ଚ ନେଉଥିଲା ବେଳେ ବାଣିଜ୍ୟିକ ଟିକସ ଅଧିକାରୀ (ସିଟିଓ) ଏବଂ ଦ୍ରବ୍ୟ ଏବଂ ସେବା କର (ଜିଏସଟି) ଅଧିକାରୀଙ୍କୁ ଗିରଫ କରିଛି ଓଡ଼ିଶା...

କଟକରେ ହେବ ବଡ଼ ଲଢେଇ, ମୁହାଁମୁହିଁ ହୋଇପାରନ୍ତି ଭର୍ତ୍ତୃହରି-ସଂତୃପ୍ତ

ଭୁବନେଶ୍ୱର,୨୮।୩: ଆସନ୍ତା ସାଧାରଣ ନିର୍ବାଚନରେ ଭାଜପାର ଭର୍ତ୍ତୃହରି ମହତାବ ଏବଂ ବିଜେଡିର ସଂତୃପ୍ତ ମିଶ୍ରଙ୍କ ମଧ୍ୟରେ କଟକ ଲୋକ ସଭା ଆସନରୁ ଦେଖିବାକୁ ମିଳିପାରେ ବଡ଼...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri