ଲାଭ ଦେବନି ଆର୍‌ବିଆଇ ଘୋଷଣା

ଭୁବନେଶ୍ୱର, ୧୫।୪(ବ୍ୟୁରୋ): କରୋନା ପ୍ରଭାବରେ ସାରା ଦେଶରେ ଲକ୍‌ଡାଉନ ଜାରି ରହିଛି। ଫଳରେ ଏବେ ସରକାରୀ, ବେସରକାରୀ କାର୍ଯ୍ୟାଳୟଠାରୁ ଆରମ୍ଭକରି ଛୋଟ, ବଡ଼ ଦୋକାନ ବଜାର ସବୁକିଛି ବନ୍ଦ କରିଦିଆଯାଇଛି। ଲକ୍‌ଡାଉନ ଘୋଷଣା ପରେ ସ୍ବଳ୍ପ ଆୟକାରୀ ଲୋକମାନେ ନିଜର ବ୍ୟାଙ୍କ ଋଣ ପରିଶୋଧକୁ ନେଇ ଗଭୀର ଚିନ୍ତାରେ ପଡିଛନ୍ତି। କିଛିଦିନ ତଳେ ଆର୍‌ବିଆଇ ଲୋକମାନଙ୍କୁ ବ୍ୟାଙ୍କ କିସ୍ତି ଦାଖଲ କ୍ଷେତ୍ରରେ ୩ ମାସର ମୋରାଟୋରିୟମ ମିଳିବ ବୋଲି ଘୋଷଣା କରିଥିଲା। କେନ୍ଦ୍ରୀୟ ବ୍ୟାଙ୍କର ଏହି ଘୋଷଣା ପରେ ସାଧାରଣ ଲୋକମାନେ ୩ ମାସର କିସ୍ତି ନ ଦେଲେ ଚଳିଯିବ ଭାବି ଆଶ୍ୱସ୍ତ ହୋଇଗଲେ। ମାତ୍ର ସେହି ସ୍ବଳ୍ପ ଆୟକାରୀଙ୍କ ଏହି ଭାବନା ବର୍ତ୍ତମାନ ଭୁଲ୍‌ ପ୍ରମାଣିତ ହୋଇଛି। ଆର୍‌ବିଆଇର ଘୋଷଣା ଋଣ ନେଇଥିବା ଗରିବ ଏବଂ ମଧ୍ୟବିତ୍ତଙ୍କ ଆର୍ଥିକ ସମସ୍ୟା ଆହୁରି ବଢିଯିବ ବୋଲି ବିଭିନ୍ନ ଆଡୁ ମତ ପ୍ରକାଶ ପାଇବାରେ ଲାଗିଛି।
ଆର୍‌ବିଆଇ ପକ୍ଷରୁ କରାଯାଇଥିବା ଘୋଷଣା ଅନୁଯାୟୀ ଯେଉଁମାନେ ବ୍ୟାଙ୍କରୁ ଋଣ ନେଇ କିସ୍ତି ଶୁଝୁଥିଲେ, ସେମାନେ ଯଦି ଆସନ୍ତା ୩ ମାସ ପର୍ଯ୍ୟନ୍ତ ଏହା ବନ୍ଦ ରଖିବାକୁ ଚାହିଁବେ ସେମାନଙ୍କ ସିଭିଲ ସ୍କୋର ଉପରେ ପ୍ରଭାବ ପକାଇବ ନାହିଁ। ହେଲେ ଏହି ୩ ମାସର ସୁଧ କିନ୍ତୁ ବ୍ୟାଙ୍କ ନେବ। ଏନେଇ ସର୍ବଭାରତୀୟ ବ୍ୟାଙ୍କ କର୍ମଚାରୀ ମହାସଂଘ ସଭାପତି ଦାମୋଦର ନନ୍ଦ କହିଛନ୍ତି ଯେ, ଆର୍‌ବିଆଇ ଯେଉଁ ଘୋଷଣା କରିଛି, ତାହା ଲୋକଙ୍କ ସମସ୍ୟା କମାଇବନି ବରଂ ବଢାଇଦେବ। ଯେଉଁମାନେ ଏବେ କାମଧନ୍ଦା ବନ୍ଦ କାରଣରୁ ବ୍ୟାଙ୍କରୁ ନେଇଥିବା ଋଣ ନ ଶୁଝିବେ, ସେମାନେ ଆଗକୁ ଅଧିକ ଟଙ୍କା ସୁଧ ଗଣିବେ। ଏହା ମଧ୍ୟବିତ୍ତ ଏବଂ ଗରିବ ଲୋକଙ୍କ ଲାଗି ଅଧିକ କଷ୍ଟଦାୟକ ହେବ। ଲକ୍‌ଡାଉନ ଖୋଲିବା କ୍ଷଣି ସବୁ ସଂସ୍ଥା ନିଜ ବ୍ୟବସାୟକୁ ହଠାତ୍‌ ସ୍ବାଭାବିକ ସ୍ଥିତିକୁ ଆଣିପାରିବେ ନାହିଁ। ସେହି ଅନୁଯାୟୀ କର୍ମଚାରୀଙ୍କ ଦରମା ପ୍ରଦାନ କ୍ଷେତ୍ରରେ ମଧ୍ୟ ବ୍ୟାପକ ସମସ୍ୟା ସୃଷ୍ଟି ହେବ। ଏପରି ହେଲେ ସ୍ବଳ୍ପ ଆୟକାରୀଙ୍କୁ କିସ୍ତି ଦେବାରେ ଆହୁରି ଅସୁବିଧା ହୋଇପାରେ। ତେଣୁ ଆର୍‌ବିଆଇ ବିନା ସୁଧ ଆଦାୟରେ ଆହୁରି ୬ମାସ ମୋରାଟୋରିୟମ ପ୍ରଦାନ କରିବା ଜରୁରୀ ବୋଲି ନନ୍ଦ କହିଛନ୍ତି।
ଏହି ଘଟଣା ସମ୍ପର୍କରେ ସାଧାରଣ ଲୋକମାନେ କିଛିଦିନ ତଳେ ଜାଣିପାରି ନ ଥିବାବେଳେ ଋଣ ପରିଶୋଧ ସମୟ ଆସିବାପରେ ଧୀରେ ଧୀରେ ଆର୍‌ବିଆଇ ଘୋଷଣା ସମ୍ପର୍କରେ ଜାଣି ଅଧିକ ଚିନ୍ତାରେ ପଡିଯାଇଛନ୍ତି। ଏକ ଘରୋଇ କମ୍ପାନୀରେ ସାଧାରଣ ଚାକିରି କରିଥିବା ସଞ୍ଜୟ ମିଶ୍ରଙ୍କୁ ପଚାରିବାରୁ ସେ କହିଛନ୍ତି ଯେ, ଲକ୍‌ଡାଉନ ଘୋଷଣା ପରେ ୩ ମାସର ବ୍ୟାଙ୍କ କିସ୍ତି ବର୍ତ୍ତମାନ ଦେବାକୁ ପଡିବନି ଜାଣି ବହୁ ଖୁସି ଲାଗିଥିଲା। ହେଲେ ୩ ମାସର କିସ୍ତି ନ ଦେଲେ ବ୍ୟାଙ୍କ ସୁଧ ନେବା କଥା ଜାଣି ନ ଥିଲୁ। ଯେହେତୁ ବାହାରକୁ ଯିବା ଆସିବା ବନ୍ଦ ଅଛି ସେନେଇ ବ୍ୟାଙ୍କ ପାଖରେ ମଧ୍ୟ ପହଞ୍ଚିପାରିଲୁ ନାହୁଁ। ଏବେ ହଠାତ୍‌ ସୁଧ ଦେବା ଜରୁରୀ ବୋଲି ଜାଣିବା ବେଳକୁ ପାଖରେ ଟଙ୍କା ନ ଥିବା କଥା ମିଶ୍ର କହିଛନ୍ତି। ସେହିପରି ରାଜଧାନୀରେ ଘରଭଡ଼ା ନେଇ ଏକ ଘରୋଇ ସଂସ୍ଥାରେ କାର୍ଯ୍ୟ କରୁଥିବା ତପନ ବେହେରା କହିଛନ୍ତି, ବର୍ତ୍ତମାନ ତାଙ୍କ ଅଫିସ ବନ୍ଦ ରହିଛି। ଲକ୍‌ଡାଉନ ଘୋଷଣା ପରେ ସବୁ ଜିନିଷର ଦରଦାମ୍‌ ହଠାତ୍‌ ବଢିଯାଇଛି। ଅଫିସ ବନ୍ଦ ହେବା କାରଣରୁ ପୂର୍ବ ମାସର ଦରମା ମଧ୍ୟ ମିଳିନାହିଁ। ଆଗକୁ କେବେ ସବୁକିଛି ସ୍ବାଭାବିକ ହେବ ସେକଥା ଜଣାନାହିଁ। ଏଭଳି ଏକ ପରିସ୍ଥିତି ସୃଷ୍ଟି ହେବ ବୋଲି ଜଣା ନ ଥିଲା। ପୁଣି ପାଖରେ ସଞ୍ଚୟ ମଧ୍ୟ ନାହିଁ। ଯେତେବେଳେ ସବୁ ସ୍ବାଭାବିକ ହେବ ପିଲାଙ୍କ ପାଠପଢା ଖର୍ଚ୍ଚ, ଘରଭଡ଼ା ଓ ଅନ୍ୟାନ୍ୟ ଖର୍ଚ୍ଚ ହଠାତ୍‌ ବଢିଯିବ। ତେଣୁ ଏହି ସମୟରେ ବ୍ୟାଙ୍କ ଋଣ ଶୁଝିବା ଆହୁରି କଷ୍ଟକର ହୋଇପଡିବ। ତେଣୁ ଆର୍‌ବିଆଇ ପରେ କିସ୍ତି ନ ନେଇ ଯଦି ଏତିକି ଦିନର ସୁଧ ଏବେ ନିଏ ତେବେ ନିମ୍ନ ମଧ୍ୟବିତ୍ତଙ୍କ ପାଇଁ ବୋଝ ଉପରେ ନଳିତାବିଡ଼ା ସଦୃଶ ହେବ ବୋଲି ବେହେରା କହିଛନ୍ତି।
ସ୍ଥାନୀୟ ଏକ ବ୍ୟାଙ୍କ ମ୍ୟାନେଜର ନିଜ ନାମ ଗୋପନ ରଖିବା ସର୍ତ୍ତରେ କହିଛନ୍ତି, ଲୋକମାନେ ୩ ମାସ କିସ୍ତି ନ ଦେଲେ ସୁଧ ବଢ଼ିଯିବ ବୋଲି ଜାଣି ନ ଥିଲେ। ସେହି ଅନୁଯାୟୀ ଋଣ ପରିଶୋଧ ସମୟ ବିଷୟ ନେଇ ଚର୍ଚ୍ଚା ହେବାପରେ ଆସିବାପରେ ଉପଭୋକ୍ତାଙ୍କ ଅଧିକ ଫୋନ ଆସିବାରେ ଲାଗିଛି। କେହି ହେଲେ ବୁଝିବାକୁ ରାଜି ନାହାନ୍ତି, ଆର୍‌ବିଆଇ ଘୋଷଣାରେ ସେମାନଙ୍କୁ ୩ ମାସର ସୁଧ ଦେବାକୁ ପଡ଼ିବ ବୋଲି। ଏହା ବ୍ୟାଙ୍କଗୁଡିକ ପାଇଁ ମଧ୍ୟ ସମସ୍ୟା ବଢାଇ ଦେଇଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ମହିଳାଙ୍କୁ ଯୌତୁକ ନିର୍ଯାତନା: ବନ୍ଧା ହେଲେ ଶାଶୁ-ଶ୍ୱଶୂର, ଦେଢଶୂର

ବଡବିଲ, ୨୯।୧: କେନ୍ଦୁଝର ଜିଲା ବଡବିଲ ଥାନା ଅନ୍ତର୍ଗତ ପିଏଚ୍‌ଡି ଅଞ୍ଚଳରେ ଜଣେ ମହିଳାଙ୍କୁ ଯୌତୁକ ଜନିତ ନିର୍ଯାତନା ଓ ତଣ୍ଟି ଚିପି ହତ୍ୟା ଉଦ୍ୟମ...

ରାଜ୍ୟରେ ସୁସ୍ଥ ହେଲେ ଆଉ ୩୩୦୩ କରୋନା ଆକ୍ରାନ୍ତ

ଭୁବନେଶ୍ୱର,୨।୯(ବ୍ୟୁରୋ)-ରାଜ୍ୟରେ ବୁଧବାର ଆଉ ୩୩୦୩ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। କଟକ ଜିଲାରୁ ସର୍ବାଧିକ ୬୫୦ ଆକ୍ରାନ୍ତ ସୁସ୍ଥ ହୋଇଥିବାବେଳେ ଖୋର୍ଦ୍ଧାରୁ ୪୯୩, ଯାଜପୁରରୁ ୨୧୩,...

ରାଜ୍ୟରେ ଖସୁଛି କରୋନା ଗ୍ରାଫ୍‌: ଆଜି ୩୬୮ ପଜିଟିଭ୍‌ ଚିହ୍ନଟ, ୭ ଜଣଙ୍କ ଜୀବନ ଗଲା

ଭୁବନେଶ୍ୱର,୭ା୧୨(ବ୍ୟୁରୋ): ସୋମବାର ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଇଛି। ଆଜି ୩୬୮ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ବର୍ତ୍ତମାନ ମୋଟ୍‌ କରୋନା...

୬୪ ବର୍ଷରେ ପୁରୁଣାଷ୍ଟେଶନ ବଜାର ଦୁର୍ଗାପୂଜା: ଏଥର ତୋରଣରେ ଔରଙ୍ଗାବାଦର ଅଜନ୍ତା-ଏଲୋରା ଗୁମ୍ଫା

କଟକ ରୋଡ : ଶାରଦୀୟ ଦୁର୍ଗାପୂଜା ପାଇଁ ଚଳଚଞ୍ଚଳ ହେଉଛି ରାଜଧାନୀ। ବିଭିନ୍ନ ପୂଜାମଣ୍ଡପରେ ଆରମ୍ଭ ହୋଇଛି ତୋରଣ। ମୃଣ୍ମୟୀ ମୂର୍ତ୍ତି ତିଆରିରେ ଲାଗିଛନ୍ତି ଶିଳ୍ପୀ...

ବିଦେଶୀ ପାଳିଲେ ଦୀପାବଳି: ଶବ୍ଦ, ପ୍ରଦୂଷଣ ମୁକ୍ତ ପରିବେଶର ବାର୍ତ୍ତା ବାଣ୍ଟିଲେ

କୋଣାର୍କ, ୨୭ା୧୦(ଡି.ଏନ୍‌.ଏ.): କୋଣାର୍କସ୍ଥିତ କାମତ ହୋଟେଲ ଇଣ୍ଡିଆ ଲିମିଟେଡ୍‌ ସହଯୋଗରେ ରାମଚଣ୍ଡୀସ୍ଥିତ ଲୋଟସ ରିସୋର୍ଟ ପକ୍ଷରୁ ବିଦେଶୀ ପଯର୍‌ୟଟକମାନଙ୍କୁ ନେଇ ଦୀପାବଳି ପାଳନ କରାଯାଇଛି। ଏକ...

‘ରାଜ୍ୟରେ କରୋନା ସଂକ୍ରମଣ କମୁଛି’

ଭୁବନେଶ୍ୱର,୨୫।୧(ବ୍ୟୁରୋ): ରାଜ୍ୟରେ କରୋନା ସ୍ଥିତି ନେଇ ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ପ୍ରତିକ୍ରିୟା ରଖିଛନ୍ତି। ରାଜ୍ୟରେ କରୋନା ସଂକ୍ରମଣ କମୁଛି ବୋଲି ସ୍ବାସ୍ଥ୍ୟ ନିର୍ଦ୍ଦେଶକ କହିଛନ୍ତି।...

ସ୍କୁଲ ପିଲାଙ୍କୁ ହୋମିଓପ୍ୟାଥି ଇମ୍ୟୁନିଟି ବୁଷ୍ଟର ଦେବା ପ୍ରସ୍ତାବ, ବିରୋଧ କରି ହାଇକୋର୍ଟର ଦ୍ୱାରସ୍ଥ ହେଲେ ଡାକ୍ତର…

ଥିରୁଭାନନ୍ତପୁରମ୍‌,୨୧।୧୦: ସ୍କୁଲ ପିଲାଙ୍କୁ କରୋନା ମହାମାରୀ ଲଢ଼େଇରେ ହୋମିଓପ୍ୟାଥି ଇମ୍ୟୁନିଟି ବୁଷ୍ଟର ଦିଆଯିବା ପ୍ରସ୍ତାବକୁ ବିରୋଓ କରି କେରଳର ଜଣେ ଡାକ୍ତର ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି।...

କଟକ ସହରରୁ ୨ କରୋନା ପଜିଟିଭ୍‌ ଚିହ୍ନଟ: ଆକ୍ରାନ୍ତଙ୍କ ସଂଖ୍ୟା ୩୨ରେ ପହଞ୍ଚିଲା

କଟକ ଅଫିସ,୨୪।୬: କଟକ ସହରରୁ ଦୁଇ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ନେଇ ବୁଧବାର କଟକ ମହାନଗର ନିଗମ ପକ୍ଷରୁ ସୂଚନା ଦିଆଯାଇଛି। ୨...

Advertisement
Archives

Model This Week