ଅନୁଗୋଳ ଅଫିସ, ୨୭।୪- ଗହଣା ବ୍ରାଣ୍ଡ ରିଲାଏନ୍ସ ଜୁଏଲ୍ସ ପକ୍ଷରୁ ଅନୁଗୋଳର ଅମଲାପଡ଼ାଠାରେ ଥିବା ଅନୁଶପିଙ୍ଗ ମଲରେ ଏହାର ଫ୍ଲାଗ୍ଶିପ୍ ଶୋ ରୁମ୍ ଶୁକ୍ରବାର ଉଦ୍ଘାଟିତ ହୋଇଯାଇଛି। ୩୨ ଶହ ବର୍ଗଫୁଟ ପରିବ୍ୟାପ୍ତ ଏହି ଶୋ ରୁମ୍ରେ ଆକର୍ଷଣୀୟ ସୁନା ଓ ହୀରା ଗହଣା ସମ୍ଭାର ପ୍ରଦର୍ଶନ କରାଯାଇଛି। ଅନୁଗୋଳ ଷ୍ଟୋର୍ରେ ଆକର୍ଷଣୀୟ ଉଦଘାଟନୀ ଅଫର ଭାବେ ଏପ୍ରିଲ ୨୬ରୁ ମେ ୭ ପର୍ଯ୍ୟନ୍ତ ୫୦ ହଜାର ଟଙ୍କାରୁ ଊର୍ଦ୍ଧ୍ୱ ମୂଲ୍ୟର କ୍ରୟ ଉପରେ ପ୍ରଥମ ଶହେ ଜଣ ଗ୍ରାହକଙ୍କୁ ମାଗଣା ସ୍ବର୍ଣ୍ଣ ମୁଦ୍ରା ପ୍ରଦାନ କରାଯିବ ବୋଲି ଘୋଷଣା କରାଯାଇଛି। ଷ୍ଟୋର୍ ପକ୍ଷରୁ ସୁନା ଗହଣା ଗଢା ମୂଲ୍ୟ ଉପରେ ଫ୍ଲାଟ୍ ୨୫ ପ୍ରତିଶତ ରିହାତି ଓ ହୀରା ଗହଣା ଉପରେ ୨୫ ପ୍ରତିଶତ ପର୍ଯ୍ୟନ୍ତ ରିହାତି ପ୍ରଦାନ କରାଯାଉଛି। ସମ୍ପୂର୍ଣ୍ଣ ନୂଆ ମନ୍ଦିର ଗହଣା ସମ୍ଭାର ଅପୂର୍ବମ୍ ମଧ୍ୟ ଏହି ଷ୍ଟୋର୍ରେ ଉପଲବ୍ଧ ହେବ। ସ୍ବତନ୍ତ୍ର (ଷ୍ଟାଣ୍ଡଏଲୋନ) ଓ ସପ୍ ଇନ୍ ସପ୍ (ଏସଆଇଏସ୍) ଫର୍ମାଟ୍ରେ ଉପଲବ୍ଧ ହେବା ସହିତ ରିଲାଏନ୍ସ ଜୁଏଲ୍ସର ଏବେ ସାରା ଦେଶର ୬୬ରୁ ଅଧିକ ସହରରେ ଉପସ୍ଥିତି ରହିଛି। ରିଲାଏନ୍ସ ଜୁଏଲ୍ସ ପ୍ରବକ୍ତା କହିଛନ୍ତି ଯେ, ଗ୍ରାହକ ତଥା ପୃଷ୍ଠପୋଷକମାନେ ଏକ ଜାତୀୟ ଗହଣା ବ୍ରାଣ୍ଡ ପ୍ରଦାନ କରୁଥିବା ଗୁଣବତ୍ତା ଓ ଶୁଦ୍ଧତାର ପ୍ରତିଶ୍ରୁତି ବିଭିନ୍ନ ପ୍ରକାରର ମୂଲ୍ୟରେ ବିଭିନ୍ନ ଡିଜାଇନ୍ରେ ପାଇପାରିବେ। ଅନୁଗୋଳରେ ରିଲାଏନ୍ସ ଜୁଏଲ୍ସ ପଞ୍ଚମ ଶୋ ରୁମ୍ ଖୋଲିଥିବାବେଳେ ଏହା ପୂର୍ବରୁ ଭୁବନେଶ୍ୱରରେ ଦୁଇଟି, କଟକରେ ଗୋଟିଏ ଓ ରାଉରକେଲାରେ ଗୋଟିଏ ଶୋ ରୁମ୍ ରହିଛି। ଏହି କାର୍ଯ୍ୟକ୍ରମରେ ରାଜକୁମାର ଶୁକ୍ଲା, ଅଶୋକ ମୁରାକା, ଅଭୟ ରାୟ, ମହେଶ ଗାର୍ଗ, ପ୍ରଦୀପ ପଣ୍ଡା, ଗୌରବ ଶର୍ମା ପ୍ରମୁଖ ଉପସ୍ଥିତ ଥିଲେ।
