ନିଆରା ପଥର କାରିଗର ବୀରବର ବେହେରା: କାରିଗରି ପାଇଁ ଛାଡ଼ିଥିଲେ ଚାକିରି

ଛେଣ୍ଡିପଦା,୧୯ା୭ – ତାଙ୍କ ହାତ ଛୁଆଁରେ ପଥର ମୂର୍ତ୍ତି ହୋଇଉଠେ ଜୀବନ୍ତ। ଯେ କୌଣସି ଚେହେରାର ପୂରା ଅବିକଳ ନକଲ ସେ ଗଢ଼ି ଦେଇପାରନ୍ତି ପଥରରେ। ଏଥିପାଇଁ ତାଙ୍କୁ ମିଳିଛି ବହୁ ସମ୍ମାନ। ରାଜ୍ୟ ସରକାରଙ୍କ ଠାରୁ ପୁରସ୍କାର ମଧ୍ୟ ପାଇଛନ୍ତି ସେ। କେବଳ ପଥର ନୁହେଁ ବାଲୁକା କଳା ପ୍ରତି ବି ତାଙ୍କ ମଧ୍ୟରେ ରହିଛି ଅହେତୁକ ଆକର୍ଷଣ। ଅନେକ ସ୍ଥାନରେ ନିଜର ଏପରି କଳା ପ୍ରଦର୍ଶନ କରି ସେ ଉଚ୍ଚ ପ୍ରଶଂସିତ ହୋଇଛନ୍ତି। ଖାସ୍‌ ଏହି ପଥର କାରିଗରି ପାଇଁ ସେ ଶିକ୍ଷକତା ପରି ସମ୍ମାନଜନକ ଚାକିରି ମଧ୍ୟ ଛାଡ଼ିଦେଇଛନ୍ତି।
ଏହି ନିଆରା ପଥର ଶିଳ୍ପୀ ହେଉଛନ୍ତି ବୀରବର ବେହେରା। ୭୦ ବର୍ଷରେ ପହଞ୍ଚି ସାରିଥିବା ବୀରବରଙ୍କ ଘର ଛେଣ୍ଡିପଦା ବ୍ଲକ ବରସାହି ପଞ୍ଚାୟତ ଖମାର ଗ୍ରାମରେ। ସିମେଣ୍ଟ, ବାଲି, ମାଟିରେ ସେ ଗଢ଼ୁଥିବା ମୂର୍ତ୍ତି, ପ୍ରତିମୂର୍ତ୍ତି ଏତେ ଆକର୍ଷଣୀୟ ଯେ ଦେଖିଲା ଲୋକ କ୍ଷଣଟିଏ ଠିଆ ହୋଇଯାଆନ୍ତି। ଅନୁଗୋଳ, ଦେବଗଡ, ସୁନ୍ଦରଗଡ, ଢେଙ୍କାନାଳ, କୋରାପୁଟ, ଜଗତସିଂହପୁର, କଟକ ଆଦି ଜିଲାର ବିଭିନ୍ନ ସରକାରୀ, ବେସରକାରୀ କାର୍ଯ୍ୟାଳୟ ସହ ବହୁ ଛକରେ ତାଙ୍କ ହାତ ତିଆରି ପ୍ରତିମୂର୍ତ୍ତି ସ୍ଥାନ ପାଇଛି। ବିଶେଷକରି ଜାତିର ପିତା ମହାତ୍ମା ଗାନ୍ଧୀ, ନେତାଜୀ ସୁଭାଷ ଚନ୍ଦ୍ର ବୋଷ, ଲାଲବାହାଦୁର ଶାସ୍ତ୍ରୀ, ସର୍ଦ୍ଦାର ବଲ୍ଲଭ ଭାଇ ପଟେଲ, ଭଗତ ସିଂ, ଜବାହରଲାଲ ନେହେରୁ, ଉତ୍କଳମଣି ଗୋପବନ୍ଧୁ ଦାସ, ଉତ୍କଳ ଗୌରବ ମଧୁସୂଦନ ଦାସ ଓ ଆମ୍ବେଡକର ପ୍ରମୁଖ ମହାପୁରୁଷଙ୍କ ଆକର୍ଷଣୀୟ ପ୍ରତିମୂର୍ତ୍ତି ଗଢ଼ି ସେ ରାଜ୍ୟରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି। ସେହିପରି ମନ୍ଦିର ନିର୍ମାଣ, ଚତୁଃପାର୍ଶ୍ୱ କାରୁକାର୍ଯ୍ୟ କରିବାରେ ମଧ୍ୟ ସେ ସିଦ୍ଧହସ୍ତ। ଏହାସହିତ ବିଭିନ୍ନ ସମୟରେ ବାଲୁକା କଳାରେ ସଚେତନତାର ବାର୍ତ୍ତା ଦେଇ ସେ ବହୁ ପ୍ରଶଂସା ପାଇପାରିଛନ୍ତି।
ନିଜର ଏହି କଳା ସମ୍ପର୍କରେ ବୀରବର କୁହନ୍ତି, ସ୍କୁଲରେ ପଢିବା ବେଳୁ ସୁନ୍ଦର ଚିତ୍ରାଙ୍କନ କରୁଥିଲେ। ସମୟକ୍ରମେ ଏହା ତାଙ୍କର ନିଶା ପାଲଟି ଯାଇଥିଲା। ୧୯୬୮ରେ ମାଟ୍ରିକ ପାସ ପରେ ୧୯୭୨ରେ ସେଟଲମେଣ୍ଟ ଅଫିସରେ ଚାକିରି କରିଥିଲେ। ଏହି ସମୟରେ ଖଲ୍ଲିକୋଟର ଚାରୁକଳା ମହାବିଦ୍ୟାଳୟରେ କଳା ଉପରେ ଅଧିକ ଶିକ୍ଷାଲାଭ କରିଥିଲେ। ପରେ ଏକ ଘରୋଇ ସ୍କୁଲରେ କଳା ଶିକ୍ଷକ ଭାବେ କାର୍ଯ୍ୟ କରିବା ସହିତ ୧୯୯୪ରେ ସିଟି ପାସ କରିଥିଲେ। ୧୯୯୭ରେ ତାଙ୍କୁ ଶିକ୍ଷକତା ପାଇଁ ସୁଯୋଗ ମିଳିଥିଲା। କିନ୍ତୁ କଳା ପ୍ରତି ଥିବା ଆଗ୍ରହ ତାଙ୍କୁ ଶିକ୍ଷକତା କ୍ଷେତ୍ରରୁ ଟାଣି ଆଣିଥିଲା। ଏହାପରେ ସେ ଘରେ ବସି ବିଭିନ୍ନ ପ୍ରତିମୂର୍ତ୍ତି ନିର୍ମାଣ କଲେ। ୨୦୦୧ରେ ଅନୁଗୋଳର ତତ୍କାଳୀନ ଜିଲାପାଳ ପାତ୍ରପଡା ଯାଉଥିବା ବେଳେ ରାସ୍ତା ପାର୍ଶ୍ୱରେ ବୀରବରଙ୍କ ହାତତିଆରି ପ୍ରତିମୂର୍ତ୍ତି ଦେଖି ଅଟକି ଯାଇଥିଲେ। ଜିଲାପାଳ ସମସ୍ତ ପ୍ରତିମୂର୍ତ୍ତି ବୁଲି ଦେଖିବା ସହ ତାଙ୍କୁ ଏଥିପାଇଁ ଉତ୍ସାହିତ କରିଥିଲେ। ତାଙ୍କ ହାତ ତିଆରି ମହାପୁରୁଷମାନଙ୍କ ପ୍ରତିମୂର୍ତ୍ତି ଅନୁଗୋଳ ଜିଲା ଷ୍ଟାଡିୟମ ଓ ଜିଲାପାଳଙ୍କ କାର୍ଯ୍ୟାଳୟ ପରିସରରେ ଲଗାଇବାକୁ କହିଥିଲେ। ପରେ ଜିଲା ପ୍ରଶାସନ ଓ ରାଜ୍ୟ ସରକାରଙ୍କ ପକ୍ଷରୁ ତାଙ୍କୁ ସମ୍ମାନିତ କରାଯାଇଥିବା ବୀରବର ପ୍ରକାଶ କରିଛନ୍ତି।

(ଅଜିତ କୁମାର ଧଳ)


Enter your email to get our daily news in your inbox.

All Right Reserved By Dharitri.Com

ସହର ପ୍ରବେଶ ପଥରେ ଗାଡ଼ି ଯାଞ୍ଚ

ଅନୁଗୋଳ ଅଫିସ୍, ୧୦ା୩- ହୋଲିରେ ଚୋରି, ଡକାୟତି, ଲୁଟପାଟ ତଥା ଦୁର୍ଘଟଣା ରୋକିବାକୁ ଅନୁଗୋଳ ପୋଲିସ ପକ୍ଷରୁ ପଦକ୍ଷେପ ନିଆଯାଇଛି। ସହରର ବିଭିନ୍ନ ପ୍ରବେଶ ପଥରେ...

ମନ୍ଥର ଗତିରେ ଚାଲିଛି ଏମ୍‌ଜିଏନ୍‌ଆର୍‌ଇଜିଏସ୍‌

ବଅଁରପାଳ,୬।୮-ଗ୍ରାମାଞ୍ଚଳର ଗରିବ ଅଣକୁଶଳୀ ଶ୍ରମିକମାନଙ୍କୁ କାମ ଯୋଗାଇ ଦେବା ଉଦ୍ଦେଶ୍ୟରେ ଅତୀତରେ କେନ୍ଦ୍ର ସରକାରଙ୍କ ପକ୍ଷରୁ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି...

ତଳମୂଳରେ ହାତୀପଲ, ଲୋକେ ଆତଙ୍କିତ

ବଅଁରପାଳ,୧୩ା୬(ଡି.ଏନ୍‌.ଏ.): ଅନୁଗୋଳ ଜିଲା ବଅଁରପାଳ ବ୍ଲକ ଅନ୍ତର୍ଗତ ତଳମୂଳ ଓ ମହୀଧରପୁର ଅଞ୍ଚଳକୁ ବୁଧବାର ରାତିରୁ ୧୭ଟି ହାତୀ ପଳାଇ ଆସିଛନ୍ତି। ହାତୀପଲକୁ ଦେଖି ଅଞ୍ଚଳବାସୀ...

ବଢ଼ୁଛି ପାନୀୟଜଳ ସମସ୍ୟା: ଗ୍ରାମବାସୀଙ୍କ ବିକ୍ଷୋଭ

ତାଳଚେର,୨ା୬(ନି.ପ୍ର.)- ତାଳଚେର ବ୍ଲକ କଙ୍କିଳି ପଞ୍ଚାୟତର ନୂଆସାହି, କୃଷକସାହି ଓ ସଇନାଳି ଅଞ୍ଚଳରେ ପାନୀୟ ଜଳର ଘୋର ଅଭାବ ଦେଖାଦେଇଛି। ୨/୩ ହଜାର ଲୋକ ପାଣି...

ଜାତୀୟ ସ୍କୋଏ ମାର୍ଶଲ ଆର୍ଟ: ଅନୁଗୋଳକୁ ୨ ପଦକ

ଅନୁଗୋଳ ଅଫିସ, ୧୨।୭-ଷଷ୍ଠ ତମ ଜାତୀୟ ସ୍କୋଏ ମାର୍ଶଲ ଆର୍ଟ ପ୍ରତିଯୋଗିତା କଶ୍ମୀର ପହଲ ଗ୍ରାମ ଠାରେ ଜୁନ୍‌ ୧୬ ଠାରୁ ୨୦ ତାରିଖ ପର୍ଯ୍ୟନ୍ତ...

ଜନ୍ମଦିନରେ ଚାଲିଗଲା ଜୀବନ: ଟ୍ରକ୍‌ ଧକ୍କାରେ ମା’ଓ ପୁଅ ମୃତ

ଅନୁଗୋଳ ଅଫିସ, ୧୩।୧୨-ପୁଅର ଜନ୍ମଦିନ ଥିବାରୁ ଧରମ ଅଜାଙ୍କ ସହ ସ୍କୁଟିରେ ବୁଢ଼ୀ ଠାକୁରାଣୀ ମନ୍ଦିର ଆସିଥିଲେ ମା’ ଓ ପୁଅ। ସେଠାରେ ପୂଜାର୍ଚ୍ଚନା ସାରି...

ବାମୁର ଅଞ୍ଚଳରେ ଅଘୋଷିତ ବିଦ୍ୟୁତକାଟ

ବଇଣ୍ଡା,୨୭।୭(ଡି.ଏନ.ଏ.)-ଅନୁଗୋଳ ଜିଲା କିଶୋରନଗର ବ୍ଲକ ବାମୁର ବିଦ୍ୟୁତ୍‌ ସବଷ୍ଟେଶନ ଅଧିନସ୍ଥ ଧଉରାପାଲି, ଜଏରାଟ, ଝରାବେରେଣୀ, ହିମିତିରା, ସଞ୍ଜାମୁରା, ଅଙ୍ଗପଡ଼ା, ଧଡ଼ରପାଳ, ନାକିଚି, ଉରୁକୁଳା, ଠେଲକନାଳୀ, ଆମ୍ବପାଳ...

ଅନୁଗୋଳରେ ମୃଦୁ ଭୂକମ୍ପ, ସହରବାସୀ ଭୟଭୀତ

ଅନୁଗୋଳ ଅଫିସ, ୨୭।୮- ଅନୁଗୋଳର ବିଭିନ୍ନ ସ୍ଥାନରେ ମଙ୍ଗଳବାର ଅପରାହ୍ନରେ ମୃଦୁ ଭୂକମ୍ପ ଅନୁଭୂତ ହୋଇଛି। ୨ରୁ ୩ ସେକେଣ୍ଡ ପାଇଁ ହୋଇଥିବା ଏହି ଭୂକମ୍ପରେ...

Coronavirus Update


Archives

Model This Week

Why Dharitri