କରୋନା ବଦଳାଇବ ଖାଦ୍ୟ ଅଭ୍ୟାସ

ନୂଆଦିଲ୍ଲୀ,୨୨ା୪: କରୋନା ଭାଇରସ୍‌ର ପ୍ରଭାବ ଆମ ଜୀବନଶୈଳୀକୁ ବହୁଳ ଭାବରେ ବଦଳାଇ ଦେଇଛି। ଘରେ ରହିବାଠାରୁ ଆରମ୍ଭ କରି ଲକ୍‌ଡାଉନ ସହିତ ମୁକାବିଲା କରିବା ପର୍ଯ୍ୟନ୍ତ, ଗତ ପ୍ରାୟ ୪ ସପ୍ତାହ ମଧ୍ୟରେ ଆମେ ସମସ୍ତେ ଜୀବନଶୈଳୀ ପରିବର୍ତ୍ତନର ନୂତନ ଧାରାରେ ଗତି କରୁଛୁ। ଏହି କ୍ରମରେ ବଦଳିବାରେ ଲାଗିଛି ଆମର ଖାଦ୍ୟ ଅଭ୍ୟାସ। ସାଧାରଣତଃ ନିଜସ୍ବ ରୁଚି ଅନୁଯାୟୀ ଖାଦ୍ୟାଭ୍ୟାସ ଦୀର୍ଘ ସମୟ ଧରି ପ୍ରତ୍ୟେକଙ୍କ ଜୀବନ ସହ ଯୋଡ଼ି ହୋଇରହିଥାଏ। ହେଲେ କରୋନା ମହାମାରୀର ଆତଙ୍କ ଯେଭଳି ବ୍ୟାପିଛି ସେଥିରୁ ବର୍ତ୍ତିବା ପାଇଁ ଲୋକେ ଅନେକ କ୍ଷେତ୍ରରେ ସଚେତନ ହୋଇ ଚଳିବାକୁ ବାଧ୍ୟ ହୋଇଛନ୍ତି, ଯାହାର ପ୍ରଭାବ ଆମ ଖାଦ୍ୟାଭ୍ୟାସରେ ପଡ଼ିଛି।

ବଢ଼ୁଛି ଘରେ ରାନ୍ଧି ଖାଇବା ଅଭ୍ୟାସ
ଏକ ଅନୁସନ୍ଧାନରୁ ମିଳିଥିବା ତଥ୍ୟ ଅନୁଯାୟୀ ୩୨% ବୟସ୍କ ବ୍ୟକ୍ତି ପ୍ରାୟତଃ ରେଷ୍ଟୁରାଣ୍ଟରେ ଖାଇବାକୁ ଯୋଜନା କରନ୍ତି। ରୋଷେଇର ଅନିଚ୍ଛା, ନିୟମିତ ଘରୋଇ ଖାଦ୍ୟ କିମ୍ବା ସ୍ବାଦର ପରିବର୍ତ୍ତନ ଖୋଜିବା ଏହାର କାରଣ ହୋଇପାରେ। କିନ୍ତୁ ଲକ୍‌ଡାଉନ ଯୋଗୁୁ ଲୋକମାନେ ଘରେ ରାନ୍ଧି ଖାଇବାକୁ ବାଧ୍ୟ ହେଉଛନ୍ତି, ଯାହା ଭବିଷ୍ୟତରେ ମଧ୍ୟ ନିୟମିତ ରାନ୍ଧି ଖାଇବା ଅଭ୍ୟାସକୁ ବଢ଼ାଇବ।

ରୋଗ ପ୍ରତିରୋଧକ ଶକ୍ତି ବଢ଼ାଉଥିବା ଖାଦ୍ୟ ପ୍ରତି ଆଗ୍ରହ
କରୋନା ଭାଇରସ୍‌ ଯେଭଳି ବ୍ୟାପୁଛି ସେଥିରେ ଲୋକେ ଆତଙ୍କିତ ହୋଇପଡ଼ିଛନ୍ତି। ଏହି ମହାମାରୀର କୌଣସି ଔଷଧ କିମ୍ବା ଟିକା ଏଯାଏ ବାହାରିନାହିଁ। ତେଣୁ ଏହାକୁ ପ୍ରତିରୋଧ କରିବା ପାଇଁ ସାମାଜିକ ଦୂରତ୍ୱ, ବାରମ୍ବାର ହାତ ସଫା କରିବା ଭଳି କେତେକ ଉପାୟ ଅବଲମ୍ବନ କରିବା ନିହାତି ଜରୁରୀ। ଏହି କ୍ରମରେ ଲୋକଙ୍କ ମଧ୍ୟରେ ରୋଗ ପ୍ରତିରୋଧକ ଶକ୍ତି ବଢ଼ାଉଥିବା ଖାଦ୍ୟ ଖାଇବାକୁ ଆଗ୍ରହ ବଢ଼ିଛି। ଭବିଷ୍ୟତରେ ଏହା ନିଶ୍ଚିତ ଭାବରେ ଏକ ଅଭ୍ୟାସରେ ପରିଣତ ହେବ ବୋଲି କୁହାଯାଉଛି।

ଖାଦ୍ୟ ନିରାପତ୍ତାକୁ ଗୁରୁତ୍ୱ
କୋଭିଡ୍‌-୧୯ ସଂକ୍ରମଣ ଯୋଗୁ ଖାଦ୍ୟର ସୁରକ୍ଷା ବିଷୟରେ ଲୋକେ ଅଧିକ ସଚେତନ ହୋଇଛନ୍ତି। ଅସୁରକ୍ଷିତ ଖାଦ୍ୟ କିଣିବାଠାରୁ ଲୋକେ ଦୂରେଇ ରହିବା ସହ ସିଲ୍‌ ହୋଇଥିବା କିମ୍ବା ଡବାରେ ମିଳୁଥିବା ଖାଦ୍ୟକୁ ଅଧିକ ପସନ୍ଦ କରୁଛନ୍ତି। ବାଛିଛନ୍ତି। ଏହା ଲୋକଙ୍କୁ ଫୁଡ୍‌ ପଇଜନିଂଠାରୁ ମୁକ୍ତି ପାଇଁ ସହାୟକ ହେବ।

ବିଦେଶୀ ଖାଦ୍ୟକୁ ଭୟ

ଅନେକ ଲୋକ ବିଦେଶୀ ଖାଦ୍ୟକୁ ଭଲ ପାଆନ୍ତି। ବିଶେଷକରି ବିଦେଶୀ ମାଂସ ପାଇଁ ଇଚ୍ଛା କରନ୍ତି। ଅନେକେ କହୁଛନ୍ତି ଯେ, ଚାଇନାର ଉହାନ ସହରରେ ଥିବା ମାଛମାଂସ ବଜାର ହେଉଛି କରୋନା ଭାଇରସ୍‌ର ଉତ୍ପତ୍ତିସ୍ଥଳ। ସେଠାରେ ବହୁଳ ଭାବେ ସାମୁଦ୍ରିକ ଖାଦ୍ୟ ଓ ବିଦେଶୀ ମାଂସ ଉପଲବ୍ଧ ହୋଇଥାଏ। ତାହାକୁ ବିଭିନ୍ନ ସ୍ଥାନକୁ ରପ୍ତାନି ବି ହୋଇଥାଏ। ସେଥିପାଇଁ ବିଦେଶୀ ମାଂସ ଏବଂ ଅନ୍ୟ ଖାଦ୍ୟ ପ୍ରତି ଲୋକଙ୍କ ମଧ୍ୟରେ ଭୟ ସୃଷ୍ଟି ହୋଇଛି। ସେସବୁ ଖାଦ୍ୟଠାରୁ ଦୂରେଇ ରଖିବାକୁ ଲୋକେ ଉଚିତ ମଣୁଛନ୍ତି।

ସ୍ଥାନୀୟ ଖାଦ୍ୟର ଚାହିଦା
ଖାଦ୍ୟ ଅଭ୍ୟାସ ପରିବର୍ତ୍ତନ ହେବାର ସର୍ବାଧିକ କାରଣ ହେଉଛି ସ୍ଥାନୀୟ ଖାଦ୍ୟର ପ୍ରତ୍ୟାବର୍ତ୍ତନ। ଲୋକେ ଏବେ ଖାଇବା ପୂର୍ବରୁ ଖାଦ୍ୟର ଉତ୍ସ, ଗୁଣବତ୍ତା ସାଙ୍ଗକୁ କେତେ ପୁଷ୍ଟିକର ଓ ସୁରକ୍ଷିତ ତାହା ଜାଣିବାକୁ ଚାହୁଁଛନ୍ତି। କରୋନାର ଭୟ ଯୋଗୁ ଲୋକେ ଅଧିକ ବାଛବିଚାର କରୁଛନ୍ତି। ବିଶେଷକରି ଚାଷଜମିରୁ ସିଧା ଖାଦ୍ୟ ସାମଗ୍ରୀ ପାଇବାକୁ ଇଚ୍ଛା କରୁଛନ୍ତି। ଏହାସାଙ୍ଗକୁ ଲକ୍‌ଡାଉନ ଯୋଗୁ ସୀମା ବନ୍ଦ ରହିଥିବାରୁ ଯୋଗାଣ ଶୃଙ୍ଖଳ ବାଧାପ୍ରାପ୍ତ ହୋଇଛନ୍ତି। ଅନ୍ୟ ଅଞ୍ଚଳର ଖାଦ୍ୟ ସାମଗ୍ରୀ ଆମଦାନୀରେ ହ୍ରାସ ଘଟିଛି। ବିଦେଶରୁ ଖାଦ୍ୟ ସାମଗ୍ରୀ ଆମଦାନୀ ପ୍ରାୟତଃ ବନ୍ଦ ହୋଇଯାଇଛି। ଏସବୁର ପ୍ରଭାବରେ ସ୍ଥାନୀୟ ଖାଦ୍ୟ ଚାହିଦା ଓ ଉତ୍ପାଦନ ବୃଦ୍ଧିପାଇବାରେ ଲାଗିଛି। ଅନ୍ୟପକ୍ଷରେ ଖାଇବା ଅଭ୍ୟାସ ଉପରେ ଏଭଳି ହଠାତ୍‌ ପ୍ରଭାବ ଆମର ସାମଗ୍ରିକ ଜୀବନଶୈଳୀରେ ଏକ ସକାରାତ୍ମକ ପରିବର୍ତ୍ତନ ଆଣିପାରେ।


Enter your email to get our daily news in your inbox.

All Right Reserved By Dharitri.Com

ବିବାହ ବାର୍ଷିକୀରେ ପ୍ଲାଜମା ଦାନ କଲେ କରୋନାରୁ ସୁସ୍ଥ ହୋଇଥିବା ବ୍ୟକ୍ତି

ନୂଆଦିଲ୍ଲୀ,୨୮।୪: ଏବେ କରୋନା ମହାମାରୀ କବଳରୁ ରକ୍ଷା ପାଇବାକୁ ସାରା ବିଶ୍ୱ ଏକ ପ୍ରକାର ଅଦୃଶ୍ୟ ଯୁଦ୍ଧରେ ଲଢୁଥିବା ବେଳେ ବିଶେଷଜ୍ଞମାନେ ଏହାର ଚିକିତ୍ସା ଖୋଜି...

ଚିମୁଟାଏ ଲୁଣ ବଦଳାଇ ଦେବ ଭାଗ୍ୟ, ଘରେ ରହିବନି ଟଙ୍କାର ଅଭାବ

ଲୁଣ ସହିତ ପ୍ରାୟ ସମସ୍ତେ ପରିଚିତ। ମାତ୍ର ଆପଣ କ’ଣ ଏହା ଜାଣନ୍ତି ଲୁଣ ଘରେ ନକାରାତ୍ମକ ଶକ୍ତି ଦୂର କରିଥାଏ। ବାସ୍ତୁ ଅନୁଯାୟୀ ଲୁଣ...

କରୋନାରେ ପ୍ରାଣ ହରାଇଥିଲେ ୨ ସାମ୍ବାଦିକ: ପରିବାରକୁ ୧୫ ଲକ୍ଷ ଟଙ୍କା ଲେଖାଏ ମଞ୍ଜୁର କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୩୦।୭(ବ୍ୟୁରୋ): କରୋନାରେ ମୃତ ଦୁଇ ସାମ୍ବାଦିକଙ୍କ ପରିବାରକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସହାୟତା ରାଶି ଘୋଷଣା କରିଛନ୍ତି। ଉଭୟ ସାମ୍ବାଦିକଙ୍କ ପରିବାର ପିଛା ୧୫ ଲକ୍ଷ...

ଏପରି ଲୋକଙ୍କ ପାଖ ମାଡ଼ନ୍ତିନି ଧନଦେବୀ ମା’ ଲଷ୍ମୀ

ଆଚାର୍ଯ୍ୟ ଚାଣକ୍ୟ ତାଙ୍କ ନୀତି ଶାସ୍ତ୍ରରେ ମାନବ ଜୀବନ ସହ ଜଡ଼ିତ ଅନେକକଥା ବିଷୟରେ ଉଲ୍ଲେଖ କରିଛନ୍ତି। ଯାହା ମାଧ୍ୟମରେ ଜଣେ ବ୍ୟକ୍ତି ତାଙ୍କ ଜୀବନକୁ...

ଖେଳାଳିଙ୍କୁ ପାଉଣା ଦେଲା ବିସିସିଆଇ: କଷ୍ଟକର ସମୟରେ କାହାକୁ ଅଣଦେଖା କରାଯିବନି

ନୂଆଦିଲ୍ଲୀ, ୧୦।୪ (ପି.ଟି.)- କୋଭିଡ୍‌-୧୯ ମହାମାରୀର ଆତଙ୍କ ଜାରି ରହିଥିବା ବେଳେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) କିନ୍ତୁ ଦାୟିତ୍ୱରେ ହେଳା କରିନାହିଁ। କେନ୍ଦ୍ରୀୟ...

କରୋନା ସଂକ୍ରମଣରେ ଖବରଦାତାଙ୍କ ମୃତ୍ୟୁ

ଆଗ୍ରା,୮।୫: ନିକଟରେ ଉତ୍ତରପ୍ରଦେଶ ଆଗ୍ରାର ଜଣେ ଖବରଦାତା କରୋନାରେ ସଂକ୍ରମିତ ହୋଇଥିବା ଜଣାପଡିବା ପରେ ତାଙ୍କୁ ଏସ୍‌ଏନ୍‌ ମେଡିକାଲ କଲେଜରେ ଭର୍ତ୍ତି କରାଯାଇଥିଲା। ଗତ ବୁଧବାରଠାରୁ...

ବନ୍ଧୁତାର ଅନ୍ୟ ନାଁ ମକର

ସଙ୍ଗାତ, ମିତ, ସାଙ୍ଗ, ସହି ଏମିତି କିଏ କେତେ ପ୍ରକାରରେ ଡାକନ୍ତି ବନ୍ଧୁମାନଙ୍କୁ। ଆତ୍ମୀୟତା ଆଉ ଆପଣାପଣର ଏକ ଭିନ୍ନ ପରିଭାଷା ରହିଥାଏ ବନ୍ଧୁତାରେ। ଠିକ୍‌...

ରୁଷୁଡା ପଞ୍ଚାୟତ ୭୨ ଘଣ୍ଟା ଶଟ୍‌ଡାଉନ

ଗୁଡ୍‌ଭେଲା,୧୮।୮(ଡି.ଏନ୍‌.ଏ.): ବଲାଙ୍ଗୀର ଜିଲା ଗୁଡଭେଲା ବ୍ଲକ ଅନ୍ତର୍ଗତ ରୁଷୁଡା ଗ୍ରାମପଞ୍ଚାୟତ ଅଧୀନ ଚାଣ୍ଟିପଦର ଗ୍ରାମରେ ତିନି ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଏହା ପରେ...

Play 250+ Trending Games
Archives

Model This Week

Why Dharitri