ଏସ୍‌ସିବିରେ ଶଢୁଛି ମୃତଦେହ

କଟକ ଅଫିସ, ୧୫ା୬: ୬ ମାସ ହେବ ଏସ୍‌ସିବି ଶବଗୃହରେ ମୃତଦେହ ଶଢୁଛି। ଶବଗୃହରେ ଥିବା ୬ଟିଯାକ ଫ୍ରିଜର ଏକସଙ୍ଗେ ଅଚଳ ହୋଇପଡ଼ିବାରୁ ଏଭଳି ପରିସ୍ଥିତି ଉପୁଜିଛି। ତେବେ ଏହି ଫ୍ରିଜର ଅଚଳ ହେବା ପଛରେ ଯେଉଁ ସବୁ କାରଣ ରହିଛି, ତାହାକୁ ଦେଖିଲେ ମେଡିକାଲର ଏକ ବଡ଼ ଦୁର୍ବଳତା ସାମ୍ନାକୁ ଆସୁଛି। ପୂର୍ବରୁ ମେଡିକାଲର ଶବଗୃହ ବ୍ଲଡ୍‌ ବ୍ୟାଙ୍କ ପରିସରରେ କାର୍ଯ୍ୟ କରୁଥିଲା। ଗୋଟିଏ ପୁରୁଣା କାଳିଆ ଫ୍ରିଜର ଭିତରେ ମୃତଦେହଗୁଡ଼ିକୁ ରଖାଯାଉଥିଲା। ସନ୍ଧ୍ୟା ସମୟରେ ଯଦି କୌଣସି ବ୍ୟକ୍ତିଙ୍କର ମେଡିକାଲରେ ଅପମୃତ୍ୟୁ ଘଟୁଥିଲା ସେ ସମୟରେ ମୃତଦେହ ବ୍ୟବଚ୍ଛେଦ କରାଯାଇ ନ ଥାଏ। ତେଣୁ ଏହାକୁ ସକାଳ ପର୍ଯ୍ୟନ୍ତ ରଖିବାକୁ ପଡ଼ିଥାଏ। ମୃତଦେହକୁ ସକାଳ ପର୍ଯ୍ୟନ୍ତ ଶବଗୃହରେ ସଂରକ୍ଷିତ କରି ରଖିବା ନିମନ୍ତେ ସେଠାରେ ବେପାର ଆରମ୍ଭ ହୋଇଥାଏ। ଗୋଟିଏ ରାତି ପାଇଁ ମୃତଦେହକୁ ଫ୍ରିଜରରେ ରଖିବା ଲାଗି ୫୦୦ରୁ ୧୦୦୦ ଏବଂ ଆବଶ୍ୟକ ସ୍ଥଳେ ୨୦୦୦ ଟଙ୍କା ଶବଗୃହରେ କାରବାର ହୋଇଥାଏ। ଯେଉଁ ଲୋକ ଟଙ୍କା ଦେବାରେ ଅସମର୍ଥ ହୁଏ ତାଙ୍କ ପରିବାର କିମ୍ବା ସମ୍ପର୍କୀୟଙ୍କ ମୃତଦେହକୁ ଫ୍ରିଜରରେ ନ ରଖି ଖୋଲାରେ ରଖାଯାଇଥାଏ। ଫଳରେ ମୃତଦେହ ଶଢିବା ସହିତ ସେଠାରେ ଦୁର୍ଗନ୍ଧମୟ ପରିବେଶ ସୃଷ୍ଟି ହୋଇଥାଏ। ବ୍ଲଡ୍‌ ବ୍ୟାଙ୍କକୁ ଲାଗିକରି ଏହି ଶବଗୃହ ରହିଥିବାରୁ ଏହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା। ଏପରି କି ବ୍ଲଡ୍‌ ବ୍ୟାଙ୍କ କର୍ତ୍ତୃପକ୍ଷ ଏହାର ପ୍ରତିବାଦ କରିବାରୁ ଶବଗୃହକୁ ମେଡିକାଲର ଆନାଟୋମି ବିଭାଗ ସାମ୍ନାକୁ ସ୍ଥାନାନ୍ତର କରାଯାଇଥିଲା। ସେଠାରେ ୨୦୧୬ରେ ଏକ ନୂତନ ଶବଗୃହ ନିର୍ମାଣ କରାଯାଇଥିଲା। ମେଡିକାଲରେ କାର୍ଯ୍ୟରତ ଏକ ଘରୋଇ ସଂସ୍ଥା ନୂତନ ଶବଗୃହକୁ ୬ଟି ଫ୍ରିଜର ଦାନ କରିଥିଲା। ୬ଟି ଫ୍ରିଜରରେ ଏକକାଳୀନ ୬ଟି ଶବ ସଂରକ୍ଷଣ କରି ରଖାଯିବାର ବ୍ୟବସ୍ଥା ହୋଇଥିଲା। ଫ୍ରିଜରର ରକ୍ଷଣାବେକ୍ଷଣ ମେଡିକାଲ ପକ୍ଷରୁ କରାଯିବା ପାଇଁ ସେ ସମୟରେ ବ୍ୟବସ୍ଥା ହୋଇଥିଲା। ମାତ୍ର ଏହି ଫ୍ରିଜର ଶବଗୃହକୁ ଆସିବା ପରେ ଶବକୁ ନେଇ ହେଉଥିବା ବେପାର ବନ୍ଦ ହୋଇଯାଇଥିଲା। ଫଳରେ ଫ୍ରିଜର କିଭଳି ଖରାପ ହେବ ସେ ନେଇ ଆରମ୍ଭ ହୋଇଥିଲା ଷଡ଼ଯନ୍ତ୍ର। ଏପରି କି ଫ୍ରିଜରକୁ ଗୋଇଠା ମାରି ଭାଙ୍ଗିଦେବାକୁ ମଧ୍ୟ ଚେଷ୍ଟା କରାଯାଇଥିବା ମେଡିକାଲର ଜଣେ ବରିଷ୍ଠ ଡାକ୍ତର ନିଜର ପରିଚୟ ଗୋପନ ରଖି କହିଛନ୍ତି। ଶେଷରେ ୬ଟିଯାକ ଫ୍ରିଜର ଏବେ ଅଚଳ ହୋଇପଡ଼ିଛି। ୬ ମାସ ହେବ ୬ଟି ଯାକ ଫ୍ରିଜର ଅଚଳ ହୋଇ ପଡ଼ିଥିଲେ ମଧ୍ୟ ଏଥିପ୍ରତି କାହାରି ନିଘା ନାହିଁ। ଶବଗୃହକୁ ଲାଗିକରି ମେଡିକାଲର ଚର୍ମରୋଗ ବିଭାଗ ସହିତ ଡାଇରିଆ ୱାର୍ଡ ରହିଛି। ଶବଗୃହର ସାମ୍ନାରେ ଆନାଟୋମି ବିଭାଗ ଓ ତତ୍‌ସଂଲଗ୍ନ ଅଞ୍ଚଳରେ ପୋଷ୍ଟମର୍ଟମ ରୁମ୍‌ ଓ ମେଡିକାଲର ଜୈବିକ ବର୍ଜ୍ୟବସ୍ତୁ ଟ୍ରିଟମେଣ୍ଟ ପ୍ଲାଣ୍ଟ ରହିଛି। ଫ୍ରିଜର ଅଚଳ ଯୋଗୁ ସେଠାରେ ଭୟଙ୍କର ଦୁର୍ଗନ୍ଧ ସୃଷ୍ଟି ହୋଇଛି। ଶବଗୃହ ବାଟଦେଇ ଯିବା ଆସିବା କରିବା କଷ୍ଟକର ହୋଇପଡ଼ିଛି। ଶୁକ୍ରବାର ଖବର ନେବାରୁ ଶବଗୃହରେ ୩ଟି ଶବ ଅସଂରକ୍ଷିତ ଅବସ୍ଥାରେ ଥିବାରୁ ଉକ୍ତ ଅଞ୍ଚଳ ଦୁର୍ଗନ୍ଧରେ ଫାଟି ପଡୁଥିଲା। ଘଟଣା ସମ୍ପର୍କରେ ଏସ୍‌ସିବି ମେଡିକାଲ ଅଧୀକ୍ଷକ ପ୍ରଫେସର ଡା. ସିବିକେ ମହାନ୍ତି କୁହନ୍ତି, ଫ୍ରିଜର ମରାମତି କାର୍ଯ୍ୟ ଆରମ୍ଭ ହୋଇଛି। ସୋମବାର ସୁଦ୍ଧା ଏହା ଶେଷ ହୋଇଯିବ। ତେବେ ଶବଗୃହ ଓ ଫ୍ରିଜରର ରକ୍ଷଣାବେକ୍ଷଣ ପୂର୍ତ୍ତ ବିଭାଗକୁ ହସ୍ତାନ୍ତର କରାଯାଇଛି। ଏଣିକି ପୂର୍ତ୍ତ ବିଭାଗ ଏହି ଦାୟିତ୍ୱ ବହନ କରିବ। ସୂଚନାଥାଉ କି, ଏସ୍‌ସିବିରେ ମୃତଦେହକୁ ନେଇ ଅତୀତରେ ଅନେକ ଅଘଟଣ ଘଟିଛି। ଶବଗୃହରୁ ମୃତଦେହର ଆଖି ତାଡ଼ିନେବା ଭଳି ଘଟଣା ଘଟିଥିବାବେଳେ ପୋଷ୍ଟମର୍ଟମ ରୁମ୍‌ରୁ ଘରୋଇ ମେଡିକାଲ କଲେଜକୁ କଙ୍କାଳ ଚାଲାଣ କରାଯାଉଥିବା ଭଳି ଅଭିଯୋଗ ରହିଛି। ଏବେ ଜାଣିଶୁଣି ଫ୍ରିଜରକୁ ଅଚଳ କରାଯାଇ ମୃତଦେହ ଷଢାଯିବା ଘଟଣା ବିରୋଧରେ ସାମାଜିକ ସଂଗଠକମାନେ ରାଜ୍ୟ ସ୍ବାସ୍ଥ୍ୟମନ୍ତ୍ରୀ, ସ୍ବାସ୍ଥ୍ୟ ସଚିବ ଓ ଜିଲାପାଳଙ୍କ ନିକଟରେ ଅଭିଯୋଗ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ବବିଙ୍କ କ୍ୱାର୍ଟର୍ସ ଦେଖିବା ପରେ ଜିଏ ଅଧିକାରୀଙ୍କ ବଡ଼ ସୂଚନା

ଭୁବନେଶ୍ୱର,୨୫।୬: ବିଜେଡି ନେନତା ପ୍ରଣବ ପ୍ରକାଶ ଦାସଙ୍କ କ୍ୱାର୍ଟର୍ସ ଦେଖିବା ପରେ ଜିଏ ଅଧିକାରୀ ବଡ଼ ସୂଚନା ଦେଇଛନ୍ତି। ଜିଏ ଅଧିକାରୀ କହିଛନ୍ତି, ନିର୍ମାଣ ପାଇଁ...

ସୃଷ୍ଟି ହେଲା ଘୂର୍ଣ୍ଣିବଳୟ, ୫ ଦିନ ଯାଏ ଲାଗି ରହିବ ବର୍ଷା

ଭୁବନେଶ୍ୱର,୨୫।୬: ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ଘୂର୍ଣ୍ଣିବଳୟ ସୃଷ୍ଟି ହୋଇଛି। ଫଳରେ ଆଗାମୀ ୫ ଦିନ ଯାଏ ରାଜ୍ୟରେ ବର୍ଷା ଲାଗି ରହିବ । ବିଜୁଳି...

ରଥଯାତ୍ରାକୁ ନେଇ ଆସିଲା ବଡ଼ ଖବର, ଏଥର ବନ୍ଦ ରହିବ ନବଯୌବନ ଦର୍ଶନ

ପୁରୀ,୨୫।୬: ଶ୍ରୀମନ୍ଦିର ପରିଚାଳନା କମିଟି ବୈଠକ ଶେଷ ହୋଇଛି । ଛତିଶା ନିଯୋଗ ବୈଠକରେ ହୋଇଥିବା ନିଷ୍ପତିକୁ ଅନୁରୂପ ରଖିବାକୁ ଏହି ବୈଠକରେ ନିଷ୍ପତ୍ତି ହୋଇଛି...

ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ସୂଚନା: ଟ୍ରାଫିକ ପୋଷ୍ଟରୁ ହଟିବ ରେଡ୍‌ ଲାଇଟ୍‌

ଭୁବନେଶ୍ବର,୨୫।୬: ଦୂର ହେବ ଟ୍ରାଫିକ ସମସ୍ୟା। ଟ୍ରାଫିକ ପୋଷ୍ଟରୁ ହଟିବ ରେଡ୍‌ ଲାଇଟ୍‌। ଲୋକଙ୍କୁ ଆଉ ଘଣ୍ଟା ଘଣ୍ଟା ଧରି ଟ୍ରାଫିକରେ ଅପେକ୍ଷା କରିବାକୁ ପଡ଼ିବନି।...

ଏସ୍‌ସିବିରେ ରୋଗୀ, ଡାକ୍ତରଙ୍କ ସହ ଆଲୋଚନା କଲେ ସ୍ବାସ୍ଥ୍ୟମନ୍ତ୍ରୀ

କଟକ,୨୫।୬(ଶିଳ୍ପା ପ୍ରିୟଦର୍ଶିନୀ): ରାଜ୍ୟ ସ୍ବାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗ ମଙ୍ଗଳବାର ଏସ୍‌ସିବି ମେଡିକାଲ ଗସ୍ତ କରିଛନ୍ତି। ମେଡିକାଲରେ ସମସ୍ତ ବିଭାଗ ଭ୍ରମଣ କରିବା ସହ ଏସ୍‌ସବି...

ଓଡ଼ିଆରେ ଶପଥ ନେଲେ ଓଡ଼ିଶା ସାଂସଦ

ନୂଆଦିଲ୍ଲୀ,୨୫।୬: ସଂସଦରେ ଶପଥ ନେଲେ ଓଡ଼ିଆ ସାଂସଦ। ସୋମବାର ଓଡ଼ିଶାର ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଜୁଏଲ ଓରାମ ଶପଥ ଗ୍ରହଣ କରିଥିଲେ। ମଙ୍ଗଳବାର...

ସମ୍ବଲପୁରରେ ଜଣ୍ଡିସ ସ୍ଥିତି ଅନୁଧ୍ୟାନ

ସମ୍ବଲପୁର,୨୦ା୬: ସମ୍ବଲପୁର ସହରରେ ପୁଣିଥରେ ଦେଖାଦେଇଛି ଜଣ୍ଡିସ ଆତଙ୍କ। ସହରର କୁମ୍ଭାରପଡ଼ା, ଶାଲିଆବଗିଚା ଓ ପେନସନପଡ଼ା ଅଞ୍ଚଳରେ ଆକ୍ରାନ୍ତଙ୍କୁ ଚିହ୍ନଟ କରାଯାଇଛି। ଆକ୍ରାନ୍ତଙ୍କ ବୟସ ୧୪ରୁ...

ଲୋକଙ୍କୁ ଭ୍ରମିତ କରନ୍ତୁ ନାହିଁ, ୧୦୦ ଦିନ ଭିତରେ ମହିଳାଙ୍କୁ ମିଳିବ ସୁଭଦ୍ରା ଯୋଜନା: ଉପମୁଖ୍ୟମନ୍ତ୍ରୀ

ଭୁବନେଶ୍ୱର,୨୫।୬: ଶହେ ଦିନ ଭିତରେ ମହିଳାଙ୍କୁ ସୁଭଦ୍ରା ଯୋଜନା ନିଶ୍ଚୟ ମିଳିବ। ଏନେଇ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ସୂଚନା ଦେଇଛନ୍ତି। ସେ କହିଛନ୍ତି, ଲୋକଙ୍କୁ ଭ୍ରମିତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri