ଖଇରା,୩୦।୫(ଡି.ଏନ.ଏ)-କରୋନା ଯୋଦ୍ଧାଙ୍କ ମନୋବଳ ବୃଦ୍ଧି ଲାଗି ବନ୍ଦେ ଉତ୍କଳ ଜନନୀ ସଙ୍ଗୀତ ଗାନ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆହ୍ବାନ ଦେଇଥିବା ବେଳେ ବାଲେଶ୍ୱର ଜିଲା ଖଇରା ବ୍ଲକର ପୁରପଲ୍ଲୀରେ ପିଲା ଠାରୁ ବୁଢା ସମସ୍ତେ ଏଥିରେ ସାମିଲ ହୋଇଛନ୍ତି ା ଖଇରା ବ୍ଲକ ବାଉଁଶଗଡିଆ ପଞ୍ଚାୟତ ବରପଦା ଗ୍ରାମରେ ବନ୍ଦେ ଉତ୍କଳ ଜନନୀ ପରିବେଷଣରେ ପର୍ଯ୍ୟଟନ ସଂସ୍କୃତି ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ସରପଞ୍ଚ ବିଷ୍ଣୁ ଘଡେଇ ଓ ସ୍ଥାନୀୟ ସ୍କୁଲ ଛାତ୍ରୀଛାତ୍ରଙ୍କ ସହ ସାମିଲ ହେଇଥିଲେ। ମନ୍ତ୍ରୀ ନିଜ ବକ୍ତବ୍ୟରେ ଓଡିଶାରେ କରୋନାକୁ ସଫଳ ଭାବେ ମୁକାବିଲା କରାଯାଇ ପାରିଥିବାରୁ ଏଥିଲାଗି ରାଜ୍ୟ ସରକାର ତଥା କୋଭିଡ-୧୯ ଯୋଦ୍ଧା ସାଜିଥିବା ଡାକ୍ତର, ନର୍ସ ଓ ସଫେଇ କର୍ମଚାରୀ,ପୋଲିସଙ୍କୁ କୃତଜ୍ଞତା ଜ୍ଞାପନ କରିଥିଲେ। ଖଇରା ବ୍ଲକ ପରିସରରେ ବିଡିଓ ଦେବେନ୍ଦ୍ର ପ୍ରସାଦ ବଳଙ୍କ ପୌରୋହିତ୍ୟରେ ଆୟୋଜିତ କାର୍ଯ୍ୟକ୍ରମରେ ଅଧକ୍ଷା ଅଭିଲିପ୍ସା ସାହୁ ଯୋଗ ଦେଇଥିଲେ। ଜାଗୃତି ମହାସଂଘ ପକ୍ଷରୁ ବନ୍ଦେ ଉତ୍କଳ ଜନନୀ ଆବୃତ୍ତି କରାଯାଇଥିଲା। ସିଡିପିଓ ନର୍ମଦା ଦେଓ, ଓଏଲଏମର ବ୍ଲକ ସଂଯୋଜିକା ଶୋଭନା ମହାନ୍ତି ତଥା ସମସ୍ତ ବ୍ଲକ କର୍ମଚାରୀ ଉପସ୍ଥିତ ଥିଲେ। ସେହିଭଳି ଖଇରା ହାଇସ୍କଲରେ ଚାଲିଥିବା ଅସ୍ଥାୟୀ ସ୍ବାସ୍ଥ୍ୟ ଶିବିରରେ ସରପଞ୍ଚ ସୁଦର୍ଶନ ସେଠୀଙ୍କ ନେତୃତ୍ୱରେ ସମସ୍ତ ପ୍ରବାସୀ, ଶିକ୍ଷୟତ୍ରୀ, ଶିକ୍ଷକ ସଙ୍ଗୀତ ଆବୃତ୍ତିରେ ସାମିଲ ହୋଇଥିଲେ। ବ୍ଲକର ସମସ୍ତ ୩୭ ପଞ୍ଚାୟତରେ ଏହି ସଙ୍ଗୀତ ସମସ୍ତେ ହୃଦୟର ସହ ଆବୃତ୍ତି କରିଥିଲେ ା ଖଇରା ତହସିଲ, ଖଇରା ଥାନା, ବିଇଓ ଅଫିସ, ଜଳସେଚନ ବିଭାଗ କାର୍ଯ୍ୟାଳୟରେ, ଗଣ୍ଡିବେଡ ବଜାର କମିଟି ପକ୍ଷରୁ ଏହି ସଙ୍ଗୀତ ଗାନ କରାଯାଇଥିଲା ା ଫଟୋ-ଖଇରା୨-
ବରପଦାରେ ମନ୍ତ୍ରୀ ପାଣିଗ୍ରାହୀ ବନ୍ଦେ ଉତ୍କଳ ଜନନୀ ଗାନ କରୁଛନ୍ତି
