ବ୍ରହ୍ମପୁର ଅଫିସ,୩୦ା୫-ପୁଣି ପୂର୍ବ ରେକର୍ଡକୁ ଭାଙ୍ଗି ଚର୍ଚ୍ଚାକୁ ଆସିଛନ୍ତି ବ୍ରହ୍ମପୁରର ଶିଳ୍ପୀ ସତ୍ୟ ମହାରଣା। ଚଳିତ ରଥ ଯାତ୍ରା ପୂର୍ବରୁ ସେ ନିଜ ପୂର୍ବ ରେକର୍ଡକୁ ଭାଙ୍ଗି କାଠରେ ନିର୍ମାଣ କରିଛନ୍ତି ବିଶ୍ୱର ସର୍ବ କ୍ଷୁଦ୍ରତମ ରଥ ା ଜଗନ୍ନାଥଙ୍କ ନନ୍ଦିଘୋଷ ରଥ ଢାଞ୍ଚାରେ ନିର୍ମିତ ଏହି ରଥ ଉଚ୍ଚତା ୧.୩ ସିଏମ୍ ରହିଛି ା ସତ୍ୟ ଏହାକୁ ମାତ୍ର ୪ ଘଣ୍ଟା ୩୦ ମିନିଟ ମଧ୍ୟରେ ପ୍ରସ୍ତୁତ କରିଥିବା କହିଛନ୍ତି ା ଏହି ରଥ ଜଗନ୍ନାଥଙ୍କ ନନ୍ଦିଘୋଷ ରଥ ସଦୃଶ ୧୬ ଚକ, ୪ ଘୋଡା, ଦୁଇଟି ଓଲଟ ଶୁଆ ଖଞ୍ଜା ଯାଇଥିବା ବେଳେ ଏହାର ଓଜନ ମାତ୍ର ୬୦୦ ମିଲିଗ୍ରାମ ରହିଥିବା ସେ କହିଛନ୍ତି ା ଆଗକୁ ଏହି ରଥ ବିଶ୍ୱର ବିଭିନ୍ନ ରେକର୍ଡରେ ସ୍ଥାନ ପାଇବା ନେଇ ସତ୍ୟ ଆଶା ରଖିଛନ୍ତି।
ସୂଚନାଯୋଗ୍ୟ, ୨୦୧୯ ରଥଯାତ୍ରା ଅବସରରେ ଶିଳ୍ପୀ ସତ୍ୟ କାଠରେ ୧.୪ ଇଞ୍ଚର ବିଶ୍ୱର କ୍ଷୁଦ୍ରତମ ରଥ ନିର୍ମାଣ କରି ରେକର୍ଡ ସୃଷ୍ଟି କରିଥିଲେ ା ଉକ୍ତ ରଥ ବିଶ୍ୱର ସବୁଠାରୁ କ୍ଷୁଦ୍ରତମ ରଥ ଭାବେ ଏସିଆ ବୁକ ଅଫ୍ ରେକର୍ଡ, ଇଣ୍ଡିଆ ବୁକ ଅଫ୍ ରେକର୍ଡ, ନେସନାଲ ବୁକ ଅଫ୍ ରେକର୍ଡ, ୱାଲ୍ଡ ବୁକ ଅଫ୍ ରେକର୍ଡରେ ସ୍ଥାନୀତ ହୋଇଥିଲା ା
