ନୂଆଦିଲ୍ଲୀ, ୨୭ା୮ (ପି.ଟି.)- ପ୍ରୋ-କବାଡ଼ି ଲିଗ୍ (ପିକେଏଲ୍) ସିଜନ ୭ରେ ସୋମବାର ହରିୟାଣା ଷ୍ଟିଲର୍ସ ୩୬-୩୩ରେ ବେଙ୍ଗଲ ଓ୍ବାରିୟର୍ସକୁ ପରାସ୍ତ କରିଛି। ମ୍ୟାଚରେ ବିଜୟୀ ଦଳର ଷ୍ଟାର ଖେଳାଳି ଥିଲେ ବିକାଶ କାଣ୍ଡୋଲା। ସେ ୧୧ ପଏଣ୍ଟ ସ୍କୋର କରିଥିଲେ। ପିକେଏଲ କ୍ୟାରିୟରରେ ଏହା ଥିଲା ତାଙ୍କର ୧୦ମ ସୁପର -୧୦। ଥ୍ୟାଗରାଜା ସ୍ପୋଟର୍ସ କମ୍ପ୍ଲେକ୍ସଠାରେ ସୋମବାର ଖେଳାଯାଇଥିବା ଦ୍ୱିତୀୟ ମ୍ୟାଚରେ ପୁନେରୀ ପଲ୍ଟନ ବିପକ୍ଷରେ ୟୁପି ଯୋଦ୍ଧା ୩୫-୩୦ରେ ବିଜୟ ଲାଭ କରିଛି। ହରିୟାଣା ଦଳର ଏହାଥିଲା ୬ଷ୍ଟ ବିଜୟ। ଦଳ ବର୍ତ୍ତମାନ ୩୧ ପଏଣ୍ଟ ସହ ପଏଣ୍ଟ ଟେବୁଲର ୫ମ ସ୍ଥାନ ଅଧିକାର କରିଛି। ହରିୟାଣା ଏହାର ପରବର୍ତ୍ତୀ ମ୍ୟାଚ ଅଗଷ୍ଟ ୨୮ରେ ଗୁଜରାଟ ଫର୍ଚୁନ ବିପକ୍ଷରେ ଖେଳିବ।
