କଣିହାଁ,୧୬।୯(ଡି.ଏନ୍.ଏ.): ଅନୁଗୋଳ ଜିଲା କଣିହାଁ ବ୍ଲକ ଉଠାଜଳସେଚନ ବିଭାଗ କାର୍ଯ୍ୟାଳୟରୁ ରାତ୍ର ଜଗୁଆଳଙ୍କ ମୃତଦେହ ସୋମବାର ଉଦ୍ଧାର କରାଯାଇଛି। ମୃତକ ହେଲେ ସ୍ଥାନୀୟ ଟୋଲକବେଡ଼ା ଗ୍ରାମର ହାଡ଼ିବନ୍ଧୁ ଗଡ଼ନାୟକ(୫୫)। ସୂଚନା ଯେ, ସବୁଦିନ ପରି ସେ ରବିବାର ରାତିରେ ଏକ କୋଠରି କବାଟ ବନ୍ଦ କରି ଶୋଇଥିଲେ। ସୋମବାର ୧୦ଟା ପର୍ଯ୍ୟନ୍ତ କବାଟ ନ ଖୋଲିବାରୁ ତାଙ୍କ ମୋବାଇଲକୁ କଲ୍ କରିଥିଲେ ମଧ୍ୟ ସେ ଉଠି ନ ଥିଲେ। ଫଳରେ ଏସ୍ଡିଓ ବଳରାମ ନାୟକ ପୋଲିସକୁ ଜଣାଇଥିଲେ। ଅତିରିକ୍ତ ତହସିଲଦାର ରବୀନ୍ଦ୍ର କୁମାର ସାମଲ ଓ ଆଇଆଇସି ପ୍ରଭାତ କୁମାର ତ୍ରିପାଠୀଙ୍କ ଉପସ୍ଥିତିରେ କବାଟ ଭଙ୍ଗାଯାଇଥିଲା। ବିଛଣାରେ ଶୋଇଥିବା ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ତେବେ ମୃଦଦେହ ବ୍ୟବଚ୍ଛେଦ ପରେ ପ୍ରକୃତ କାରଣ ଜଣାପଡ଼ିବ। ବର୍ତ୍ତମାନ ସୁଦ୍ଧା ମୃତଦେହ ସେଠାରେ ଅଛି। କ୍ଷତିପୂରଣ ପ୍ରଦାନ ପାଇଁ ଆଲୋଚନା ଚାଲିଥିବା ଆଇଆଇସି କହିଛନ୍ତି।
