ଆଜି ବିଶ୍ୱ ଏଡ୍‌ସ ଦିବସ: ଗଞ୍ଜାମରେ ରାଜ୍ୟର ଏକତୃତୀୟାଂଶ ଆକ୍ରାନ୍ତ

ବ୍ରହ୍ମପୁର ଅଫିସ୍‌,୧ା୧୨-ଗଞ୍ଜାମ ଜିଲାରେ ଏଡ୍‌ସ ଆକ୍ରାନ୍ତଙ୍କ ସଂଖ୍ୟା କମୁଥିଲେ ମଧ୍ୟ ସ୍ଥିତି ସଙ୍ଗିନ ରହିଛି। ରାଜ୍ୟର ମୋଟ ଆକ୍ରାନ୍ତଙ୍କ ସଂଖ୍ୟା ଦେଖିଲେ, ସେଥିରୁ ଏକ ତୃତୀୟାଂଶ ଆକ୍ରାନ୍ତ କେବଳ ଗଞ୍ଜାମ ଜିଲାରେ ରହିଛନ୍ତି। ୪୯,୬୬୧ଜଣ ଆକ୍ରାନ୍ତ ସାରା ରାଜ୍ୟରେ ଥିବା ବେଳେ ସେଥିରୁ କେବଳ ଗଞ୍ଜାମ ଜିଲାରେ ରହିଛନ୍ତି ୧୬୦୧୧ ଆକ୍ରାନ୍ତ । ରାଜ୍ୟରେ ୨୭୨୯ ଗର୍ଭବତୀ ଏଡ୍‌ସ ଦ୍ୱାରା ଆକ୍ରାନ୍ତ ହୋଇଥିବା ବେଳେ ଗଞ୍ଜାମ ଜିଲାରେ ୮୮୭ ଗର୍ଭବତୀ ଏଡ୍‌ସରେ ଆକ୍ରାନ୍ତ ହୋଇଛନ୍ତି। ଏ ଜିଲାକୁ ରାଜ୍ୟ ସରକାରଙ୍କ ତରଫରୁ ସର୍ବାଧିକ ଫୋକସ୍‌ ଦିଆଯାଉଥିଲେ ମଧ୍ୟ ସ୍ଥିତି ଚିନ୍ତାଜନକ ରହିଛି। ତେବେ ଏଡ୍‌ସ ନିୟନ୍ତ୍ରଣରେ ଗଞ୍ଜାମ ଜିଲାକୁ ଅନେକ ସଫଳତା ମିଳିଛି । କାରଣ ୨୦୦୦ରେ ଯେତିକି ନମୁନା ପରୀକ୍ଷା କରାଯାଉଥିଲା, ସେଥିରୁ ୨୬.୨୨ ପ୍ରତିଶତ ନମୁନାରେ ଏଚ୍‌ଆଇଭି ଚିହ୍ନଟ ହେଉଥିଲା।
୨୦୧୯ରେ ଏହି ସଂଖା ମାତ୍ର ୦.୪୨ପ୍ରତିଶତ ରହିଛି।
ଏଡ୍‌ସ ନିବାରଣ ଓ ନିୟନ୍ତ୍ରଣ କମିଟି(ଡିଏପିସିୟୁ) କାର୍ଯ୍ୟାଳୟରୁ ମିଳିଥିବା ସୂଚନା ଅନୁଯାୟୀ, ୨୦୦୦ରୁ ଜିଲାରେ ଏଚ୍‌ଆଇଭି ଚିହ୍ନଟ ଆରମ୍ଭ ହୋଇଥିଲା। ସେବେଠାରୁ ଅକ୍ଟୋବର ଶେଷ ସୁଦ୍ଧା ଜିଲାରେ ମୋଟ ୧୬୦୧୧ ଏଡ୍‌ସ ରୋଗୀ ଚିହ୍ନଟ ହୋଇଛନ୍ତି। ମୋଟ ୧୧ଲକ୍ଷ ୫୨ହଜାର ୨୬୩ ରକ୍ତ ନମୁନା ପରୀକ୍ଷା କରାଯାଇଛି। ପରୀକ୍ଷା ତୁଳନାରେ ଚିହ୍ନଟ ପ୍ରତିଶତ ମାତ୍ର ୧.୩୮ପ୍ରତିଶତ ରହିଛି । ଚଳିତ ବର୍ଷ ମୋଟ ୧ ଲକ୍ଷ ୧୭ହଜାର ୫୨୯ ନମୁନା ପରୀକ୍ଷା କରାଯାଇଥିବା ବେଳେ ମାତ୍ର ୫୦୫ ନମୁନାରେ ଏଚ୍‌ଆଇଭି ମିଳିଛି। ୨୦୧୮ରେ ୧ ଲକ୍ଷ ୨୬ହଜାର ୨୩୯ ପରୀକ୍ଷା ହୋଇଥିବା ବେଳେ ୬୭୧ ନମୁନାରେ ଏଚ୍‌ଆଇଭି ମିଳିଥିଲା ।
ସେହିଭଳି ୨୦୧୭ରେ ୧ ଲକ୍ଷ ୩୪ହଜାର ୧୬ରୁ ୬୫୯, ୨୦୧୬ରେ ୧ ଲକ୍ଷ ୪ହଜାର ୨୦୫ରୁ ୮୧୦ ନମୁନାରେ ଏଚ୍‌ଆଇଭି ମିଳିଥିଲା। ତେବେ ୨୦୦୭ ରୁ ୨୦୧୪ ରେ ସବୁ ବର୍ଷ ମୋଟ ଚିହ୍ନଟଙ୍କ ସଂଖ୍ୟ ୧ ହଜାରରୁ ଅଧିକ ରହିଥିଲା। ବ୍ଲକ ଅନୁଯାୟୀ ଦେଖିଲେ, ୨୦୦୦ରୁ ପୋଲସରା ବ୍ଲକରେ ୧୩୪୮, ଆସିକାରେ ୧୨୧୫ ଓ ବେଗୁନିଆପଡ଼ା ବ୍ଲକରେ ୧୧୧୨ଆକ୍ରାନ୍ତ ହୋଇଛନ୍ତି। ଏହି ୩ ବ୍ଲକରେ ସ୍ଥିତି ସଙ୍ଗିନ ରହିଛି । ତାଲିକାରେ ସବୁଠୁ ତଳେ ରହିଛି ଜଗନ୍ନାଥପ୍ରସାଦ ।
ଏହି ବ୍ଲକରେ ମାତ୍ର ୨୧୬ଜଣ ଚିହ୍ନଟ ହୋଇଛନ୍ତି । ସେହିଭଳି ଗଞ୍ଜାମରେ ୨୮୧, ଚିକିଟିରେ ୨୮୫ ଏବଂ ପାତ୍ରପୁରରେ ୩୧୫ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଚିନ୍ତାଜନକ ବିଷୟ ଥିଲା ଗର୍ଭବତୀମାନେ ଏଡ୍‌ସରେ ଆକ୍ରାନ୍ତ ଏବଂ ସେମାନଙ୍କଠାରୁ ନବଜାତକଙ୍କୁ ସଂକ୍ରମିତ ହେବା । ତଥ୍ୟ କହୁଛି ବର୍ତ୍ତମାନ ସୁଦ୍ଧା ଜିଲାରେ ମୋଟ ୮୮୭ ଗର୍ଭବତୀ ଏଡ୍‌ସରେ ଆକ୍ରାନ୍ତ ହୋଇଛନ୍ତି । ଗତ କିଛି ବର୍ଷ ତୁଳନାରେ ୨୦୧୮ ଏବଂ ୨୦୧୯ରେ ଆକ୍ରାନ୍ତ ଗର୍ଭବତୀଙ୍କ ସଂଖ୍ୟା ଖୁବ୍‌ କମ୍‌ ରହିଛି । ଗତ ବର୍ଷ ୨୮ ଏବଂ ଚଳିତ ବର୍ଷ ମାତ୍ର ୨୬ ଚିହ୍ନଟ ହୋଇଛନ୍ତି। ଏପରିକି ଗତ ୨ ବର୍ଷ ହେଲା ଗର୍ଭବତୀଙ୍କଠାରୁ ନବଜାତ ଶିଶୁଙ୍କୁ ସଂକ୍ରମଣରୁ ରୋକାଯାଇ ପାରିଛି। ଫଳରେ ନବଜାତ ଶିଶୁମାନଙ୍କ ଜୀବନ ରକ୍ଷା କରାଯାଇଛି। ଗର୍ଭଧାରଣ ସମୟରେ ଏଚ୍‌ଆଇଭି ପରୀକ୍ଷା କରିବା ବାଧ୍ୟତାମୂଳକ କରିଦିଆଯାଇଛି। ଏଥି ସହ ଗର୍ଭଧାରଣ ସମୟରେ ଯଦି ନମୁନା ପଜିଟିଭ୍‌ ବାହାରେ ତେବେ, ନିୟମିତ ଔଷଧ ଦିଆଯାଉଛି। ନବଜାତ ଶିଶୁଙ୍କୁ ୧୮ମାସ ପର୍ଯ୍ୟନ୍ତ ନିୟମିତ ଫୋଲଅପ୍‌ କରାଯାଉଛି । ପ୍ରସୂତି ଏବଂ ଶିଶୁମାନଙ୍କ ଯନତ୍ ଦିଗରେ ପଦକ୍ଷେପ ନିଆଯାଉଛି। ସମସ୍ତ ପ୍ରକାର ଚିକିତ୍ସା ସୁବିଧା ପ୍ରଦାନ କରାଯାଉଥିବା ଡିଏପିସିୟୁର ଜିଲା ପ୍ରକଳ୍ପ ପରିଚାଳକ ହେମନ୍ତ କୁମାର ଦାସ ସୂଚନା ଦେଇଛନ୍ତି । ସେହିଭଳି ଆକ୍ରାନ୍ତମାନଙ୍କୁ ନିୟମିତ ମାଗଣା ଔଷଧ ପ୍ରଦାନ କରାଯାଉଛି । ମଧୁବାବୁ ପେନ୍‌ସନ୍‌ ଯୋଜନାରେ ୧୨,୧୯୫ ମାସିକ ୫ଶହ ଟଙ୍କା ଲେଖାଏ ପାଉଛନ୍ତି ।
ଜିଲାବାସୀଙ୍କୁ ଏଡ୍‌ସ ସମ୍ପର୍କରେ ସଚେତନ କରିବା ପାଇଁ ଅନେକ ପ୍ରକାର କାର୍ଯ୍ୟକ୍ରମ ଆୟୋଜିତ ହେଉଛି। ଦାସାକାଠିଆ ଏବଂ ପାଲା ସହ କଲେଜଗୁଡ଼ିକରେ ଛାତ୍ରୀଛାତ୍ରଙ୍କୁ ଏଡ୍‌ସର କାରଣ ଏବଂ ନିରାକରଣ ସମ୍ପର୍କରେ ସଚେତନ କରାଯାଉଛି ବୋଲି ଡିପିଏମ୍‌ ଦାସ ପ୍ରକାଶ କରିଛନ୍ତି ।


Enter your email to get our daily news in your inbox.

All Right Reserved By Dharitri.Com

ଅକ୍ବାନ ପ୍ରଭାବରେ ଦିଗପହଣ୍ଡି ଜଳବନ୍ଦୀ, ବସ୍‌ଷ୍ଟାଣ୍ଡ ସମେତ ବିଭିନ୍ନ ସାହିରେ ପଶିଲା ନର୍ଦ୍ଦମା ପାଣି

ଦିଗପହଣ୍ଡି,୨୦।୧୧(ଅଶେଷ ନାଥ ମିଶ୍ର): ଅକ୍ୱାନ ପ୍ରଭାବରେ ଦିଗପହଣ୍ଡିରେ ତୁହାକୁ ତୁହା ବର୍ଷା ଜାରି ରହିଛି । ଲଗାଣ ବର୍ଷା ଯୋଗୁଁ ଶୁକ୍ରବାର ଦିଗପହଣ୍ଡି ସହର ଉବୁ ଟୁବୁ…

ବାତ୍ୟା ‘ଅକ୍ୱାନ’ ପାଇଁ ସଜାଗ ଗଞ୍ଜାମ ଏନ୍‌ଏସି: ଥଇଥାନ ବ୍ୟକ୍ତିଙ୍କୁ କମ୍ବଳ ବାଣ୍ଟିଲେ ଇଓ, ୧୦୨ ଜଣଙ୍କୁ ଦିଆଯାଉଛି ରନ୍ଧା ଖାଦ୍ୟ

ଗଞ୍ଜାମ, ୧୯।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’ ବେଳକୁ ବେଳ ଉଗ୍ର ରୂପ ଧାରଣ କରୁଥିବା ବେଳେ ଆସନ୍ତାକାଲି ପୂର୍ବାହ୍ନରେ ଏହା ସ୍ଥଳଭାଗ ଛୁଇଁବ ବୋଲି…

ବାତ୍ୟା ‘ଅକ୍ୱାନ’ ପାଇଁ ବଡ଼ ନିଷ୍ପତ୍ତି: ଗଞ୍ଜାମରେ ଆସନ୍ତାକାଲି ଗଡ଼ିବନି ବସ୍ କି ଟ୍ରକ୍

ଛତ୍ରପୁର, ୧୯।୧୧ (ଦିଲ୍ଲୀପ ସାମଲ): ସମ୍ଭାବ୍ୟ ବାତ୍ୟା ‘ଅକ୍ୱାନ’ର ମୁକାବିଲା ଏବଂ ଜନସାଧାରଣଙ୍କ ଧନଜୀବନ ସୁରକ୍ଷାକୁ ଦୃଷ୍ଟିରେ ରଖି ଗଞ୍ଜାମ ଜିଲା ପ୍ରଶାସନ ପକ୍ଷରୁ ବଡ଼ ପଦକ୍ଷେପ…

ବାତ୍ୟା ପାଇଁ ହାଇଆଲର୍ଟ: ଡହ-ଭଞ୍ଜନଗର ଜଳଭଣ୍ଡାର ପରିଦର୍ଶନ ସ୍ଥିତି ପରଖିଲେ ପରିବହନ ମନ୍ତ୍ରୀ

ଭଞ୍ଜନଗର, ୧୯।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଗୁରୁବାର ରାତିରେ ଗୋପାଳପୁର ନିକଟରେ ସ୍ଥଳଭାଗ ଛୁଇଁବାର ଆଶଙ୍କା ଥିବାରୁ ପ୍ରଶାସନ ପକ୍ଷରୁ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ…

ମାଡ଼ି ଆସୁଛି ବାତ୍ୟା ‘ଅକ୍ୱାନ’: ଆତଙ୍କିତ ସମୁଦ୍ର ତଟବର୍ତ୍ତୀ ଅଞ୍ଚଳବାସୀ

ଗଞ୍ଜାମ,୧୯।୧୧(ବିଦ୍ୟାଧର ସାହୁ ): ବାତ୍ୟା ଅର୍ଣ୍ଣବର ତାଣ୍ଡବ ଲୋକଙ୍କ ମନରୁ ଲିଭି ନ ଥିବା ବେଳେ ବାତ୍ୟା ଅକ୍ୱାନକୁ ନେଇ ଚିନ୍ତାରେ ଅଞ୍ଚଳବାସୀ l ବାତ୍ୟା ଅକ୍ୱାନ…

ଅଶାନ୍ତ ସମୁଦ୍ରରେ ଫସିଲେ ଆନ୍ଧ୍ର ମତ୍ସ୍ୟଜୀବୀ, ସହଯୋଗର ହାତ ବଢ଼ାଇଲା ଗଞ୍ଜାମ ପ୍ରଶାସନ

ଛତ୍ରପୁର,୧୯।୧୧(ଦିଲ୍ଲୀପି ସାମଲ): ସମ୍ଭାବ୍ୟ ବାତ୍ୟା ଓ ସମୁଦ୍ରର ଅଶାନ୍ତ ପରିସ୍ଥିତି ଯୋଗୁ ନିଜ ଅଞ୍ଚଳକୁ ଫେରି ନ ପାରି ଓଡ଼ିଶା ଉପକୂଳରେ ଆଶ୍ରୟ ନେଇଛନ୍ତି ଆନ୍ଧ୍ରପ୍ରଦେଶର ମତ୍ସ୍ୟଜୀବୀ।…

ଅକ୍ବାନ ପ୍ରସ୍ତୁତି ସମୀକ୍ଷା କଲେ ମନ୍ତ୍ରୀ ବିଭୂତି ଜେନା; ଗଞ୍ଜାମରେ ହାଇଆଲର୍ଟ, ୮୪ ହଜାରରୁ ଊର୍ଦ୍ଧ୍ୱ ଲୋକ ସ୍ଥାନାନ୍ତର

ଛତ୍ରପୁର,୧୯ା୧୧( ଦିଲ୍ଲୀପ ସାମଲ): ସମ୍ଭାବ୍ୟ ବାତ୍ୟା ଅକ୍ବାନର ମୁକାବିଲା ପାଇଁ ଗଞ୍ଜାମ ଜିଲା ପ୍ରଶାସନର ପ୍ରସ୍ତୁତି ସମୀକ୍ଷା କରିଛନ୍ତି ବାଣିଜ୍ୟ ଓ ପରିବହନ, ଇସ୍ପାତ ଓ ଖଣି…

ବାତ୍ୟା ମୁକାବିଲା ପାଇଁ ସମସ୍ତ ବିଭାଗ ତତ୍ପର: ଚାଷୀଙ୍କୁ ସଚେତନ କଲା କୃଷି ବିଜ୍ଞାନ କେନ୍ଦ୍ର, ରାତି ଉଜାଗର ପରେ…

ଭଞ୍ଜନଗର,୧୯ା୧୧(ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ମୁକାବିଲା କରିବା ପାଇଁ ଭଞ୍ଜନଗର ଉପଖଣ୍ଡ ପ୍ରଶାସନ ସମେତ ସମସ୍ତ ବିଭାଗ ତତ୍ପର ହୋଇପଡ଼ିଛନ୍ତି। ଲୋକଙ୍କ ଧନଜୀବନ ସୁରକ୍ଷାକୁ ପ୍ରାଥମିକତା ଦେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?