ଅନୁଗୋଳ ଅଫିସ, ୭।୧୨ – ଅନୁଗୋଳ ଆଞ୍ଚଳିକ ପରିବହନ ଅଧିକାରୀ(ଆରଟିଓ) ଭାବେ ଜିତେନ୍ଦ୍ର କୁମାର ଭୋଇ ଶୁକ୍ରବାର କାର୍ଯ୍ୟରେ ଯୋଗ ଦେଇଛନ୍ତି। ପୂର୍ବରୁ ସେ କେନ୍ଦୁଝରରେ ଏମ୍ଭିଆଇ ଭାବେ କାର୍ଯ୍ୟ କରୁଥିଲେ। ଏଠାରେ ପୂର୍ବରୁ ଥିବା ଆରଟିଓ ଧନଞ୍ଜୟ ସେନାପତିଙ୍କ ପଦୋନ୍ନତି ହୋଇଥିବାରୁ ସେ ପରିବହନ ବିଭାଗର ଡେପୁଟି କମିଶନର ଭାବେ ସମ୍ବଲପୁର କାର୍ଯ୍ୟାଳୟକୁ ବଦଳି ହୋଇଛନ୍ତି। ୨୦୧୧ ଅକ୍ଟୋବର ୧୯ ତାରିଖରୁ ସେନାପତି ଅନୁଗୋଳ ଆର୍ଟିଓରେ ଯୋଗ ଦେଇଥିଲେ। ନୂତନ ଆରଟିଓ ଯୋଗଦେବା ପରେ ଅନୁଗୋଳ ଏମ୍ଭିଆଇ ଚିତ୍ତରଞ୍ଜନ ସେନାପତିଙ୍କ ସହ ଅନ୍ୟମାନେ ତାଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ କରିଥିଲେ।
