ଓ୍ବାଶିଂଟନ୍,୨୮।୮: ନେପାଳ-ଚାଇନା ସୀମାବର୍ତ୍ତୀ ଅଞ୍ଚଳରେ ହଠାତ୍ ଏବଂ ଭୟଙ୍କର ବନ୍ୟା ଯୋଗୁ ହୋଇଥିବା କ୍ଷୟକ୍ଷତି ମଧ୍ୟରେ, ଆମେରିକା ନେପାଳକୁ ସମସ୍ତ ପ୍ରକାରର ସହାୟତା ପ୍ରଦାନ କରିଛି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି, ନେପାଳକୁ ଯେକୌଣସି ପ୍ରକାରର ସାହାଯ୍ୟ ଆବଶ୍ୟକ ହେଲେ ଆମେରିକା ତାହା ଯୋଗାଇବାକୁ ପ୍ରସ୍ତୁତ।
ଆମେରିକା ନେପାଳ ସହିତ ଏକ ଭଲ ସମ୍ପର୍କ ରଖେ ଏବଂ ସେଠାରେ ହୋଇଥିବା କ୍ଷୟକ୍ଷତିକୁ ପ୍ରକୃତରେ ଭୟଙ୍କର ବୋଲି ଟ୍ରମ୍ପ ବର୍ଣ୍ଣନା କରିଛନ୍ତି। ନେପାଳରେ ବନ୍ୟା ପରେ ୯୦ ଜଣ ଆମେରିକୀୟ ନାଗରିକଙ୍କ ପତ୍ତା ମିଳୁନାହିଁ ବୋଲି ରିପୋର୍ଟ ପ୍ରକାଶ ପାଇଛି।
ଟ୍ରମ୍ପ କହିଛନ୍ତି, ଆମେ ନେପାଳ ସହିତ ଯୋଗାଯୋଗ କରିଛୁ ଏବଂ ସେମାନଙ୍କୁ ଆବଶ୍ୟକ ସମସ୍ତ ସାହାଯ୍ୟ ପ୍ରଦାନ କରିଛୁ। ନେପାଳ ସହିତ ଆମର ବହୁତ ଭଲ ସମ୍ପର୍କ ଅଛି, ଏବଂ ସେଠାରେ ଯାହା ଘଟିଥିଲା ତାହା ପ୍ରକୃତରେ ଭୟଙ୍କର ଥିଲା। ଏପରିକି ଦୃଢ଼, ଭଲ ଭାବରେ ନିର୍ମିତ କୋଠାଗୁଡ଼ିକ ମଧ୍ୟ ଭାସିଗଲା। ଏହା ଏକ ଭୟଙ୍କର ଘଟଣା। ଆମେ ସାହାଯ୍ୟ ପଠାଉଛୁ।
ଟ୍ରମ୍ପ ଆହୁରି ମଧ୍ୟ କହିଛନ୍ତି, ବନ୍ୟା ପ୍ରଭାବିତ ଅଞ୍ଚଳରେ ପ୍ରାୟ ୫୦ ରୁ ୬୦ ଆମେରିକୀୟ ନାଗରିକ ଥିଲେ। ଆମେରିକା ଏପର୍ଯ୍ୟନ୍ତ ଏହି ବ୍ୟକ୍ତିଙ୍କ ସମ୍ପୂର୍ଣ୍ଣ ତାଲିକା ପାଇନାହିଁ। ଆଶା ଅଛି ଆମେରିକୀୟ ନାଗରିକମାନେ ସୁରକ୍ଷିତ ଥିବେ।
Dharitri – Odisha’s No.1 Odia Daily
