ନାରୀ ଓ ରଙ୍ଗ

ରଙ୍ଗ ଓ ଭାବକୁ ନେଇ ସାରା ଜୀବନ ଜିଏଁ ନାରୀଟିଏ। କେତେବେଳେ ସେ ରଙ୍ଗ ମୁହଁର ଅବିର ତ କେତେବେଳେ ସିନ୍ଥିର ସିନ୍ଦୂର। ପୁଣି କେତେବେଳେ ପାଦର ଅଳତା ତ ହାତର ବଜ୍ର। ମେହେନ୍ଦୀ ହେଉ କି ହଳଦୀ, ରଙ୍ଗ ବିନା
ନାରୀ ପାଇଁ ସଂସାର ଫିକା…

 

ଇତିହାସ କହେ ରଙ୍ଗଖେଳର ସୃଷ୍ଟି ନାରୀଙ୍କୁ ନେଇ। ବୃନ୍ଦାବନ କେଳିକୁଞ୍ଜରେ ସଖୀ ମାନଙ୍କୁ ରଙ୍ଗରେ ଜଡ଼ାଇ ପିଚକାରିରେ ଭିଜାଇ ମହାଭାବରେ ପ୍ଳାବିତ କରୁଥିଲେ ଭାବ ବିନୋଦିଆ। ଉଦ୍ଦେଶ୍ୟ ଥିଲା ପରିଚୟର ବନ୍ଧନକୁ ଡେଇଁ ସେ ଓ ମୁଁ ଏକ ବୋଲି ପ୍ରମାଣିତ କରିବା। ସେହି ରଙ୍ଗ ଓ ଭାବକୁ ନେଇ ସାରା ଜୀବନ ଜିଏଁ ନାରୀଟିଏ। କେତେବେଳେ ସେ ରଙ୍ଗ ମୁହଁର ଅବିର ତ କେତେବେଳେ ସିନ୍ଥିର ସିନ୍ଦୂର। ପୁଣି କେତେବେଳେ ପାଦର ଅଳତା ତ ହାତର ବଜ୍ର। ମେହେନ୍ଦୀ ହେଉ କି ହଳଦୀ, ରଙ୍ଗ ବିନା ନାରୀ ପାଇଁ ସଂସାର ଫିକା। ତେଣୁ ରଙ୍ଗର ମହୋତ୍ସବରେ ନାରୀଟିଏ ନିଜକୁ ନ ହଜେଇବ ବା କେମିତି ?
ନବପଲ୍ଲବର ସବୁଜିମା। ଦିଗନ୍ତରେ କୃଷ୍ଣଚୂଡ଼ାର ଲାଲିମା। ମୃଦୁମନ୍ଦ ପବନରେ ମଳୟର ଗନ୍ଧ। ସବୁରି ହୃଦୟରେ ବସନ୍ତର ପରଷ। ଏସବୁରୁ ଆଭାସ ମିଳୁଛି ଫଗୁଣ ଆସିଛି। ପରିବେଶର ଏତେସବୁ ରଙ୍ଗ ମନକୁ କରିଛି ରଙ୍ଗିନ। ତେଣୁ ଦେହ ବା ବାଦ୍‌ ଯିବ କିପରି! ଇଚ୍ଛା ହୁଏ ରଙ୍ଗ ଟିକେ ମାଖିବାକୁ, ମଖେଇ ହେବାକୁ। କାରଣ ଫଗୁଣର ଫଗୁରେ କେବଳ ରଙ୍ଗ ନ ଥାଏ ଭରିଥାଏ ଆତ୍ମୀୟତାର ସ୍ପର୍ଶ, ଭଲପାଇବାର ଭାବ ଆଉ ସମ୍ପର୍କର ମଧୁରତା। ରଙ୍ଗ ପରକୁ କରେ ଆପଣାର, ଅନ୍ୟକୁ କରେ ଅଭିନ୍ନ। ରଙ୍ଗ ଭୁଲାଇଦିଏ ପରିଚୟ, ହଜାଇଦିଏ ନିଜର ଅସ୍ତିତ୍ୱ। ସମସ୍ତଙ୍କ ଭିତରେ ନିଜକୁ ସାମିଲ କରି ଏକ ହୋଇଯିବାର ଭାବ ଆଣେ ଅବିର।
ରଙ୍ଗର ବିଜ୍ଞାନ: ସୌନ୍ଦର୍ଯ୍ୟ ପାଇଁ ନାରୀମାନେ ଅନେକ ପ୍ରକାରର ରଙ୍ଗ ବ୍ୟବହାର କରିଥାନ୍ତି। କେତେବେଳେ ତ୍ୱଚାର ବିଭିନ୍ନ ସମସ୍ୟା ଦୂର କରିବା ପାଇଁ ହଳଦୀ ବ୍ୟବହାର କରନ୍ତି ତ ପୁଣି ମେହେନ୍ଦୀରେ ବିଭିନ୍ନ ସୌନ୍ଦର୍ଯ୍ୟ ଉପଚାର କରିଥାନ୍ତି। ତେବେ ରଙ୍ଗ କରିବା ପାଇଁ ବ୍ୟବହାର ହେଉଥିବା ହଳଦୀ, ମେହେନ୍ଦୀ, ନିମ, ଅଳତା, ସିନ୍ଦୂର ଆଦି ବିଭିନ୍ନ ଦ୍ରବ୍ୟର ବୈଜ୍ଞାନିକ ଦୃଷ୍ଟିକୋଣ ବି ରହିଛି। ଏଇ ଯେମିତି ନାରୀମାନେ ତ୍ୱଚାର ଉଜ୍ଜ୍ୱଳତା ବୃଦ୍ଧି କରିବା ପାଇଁ ହଳଦୀ ବ୍ୟବହାର କରିଥାନ୍ତି, କିନ୍ତୁ ହଳଦୀରେ ଆଣ୍ଟିବାୟୋଟିକ୍‌ ଗୁଣ ରହିଥିବାରୁ ତାହା ତ୍ୱଚାର ବିଭିନ୍ନ ଇନ୍‌ଫେକଶନ୍‌ ଦୂର କରିଥାଏ। ଠିକ୍‌ ସେହିପରି ମେହେନ୍ଦୀ ଲଗାଇବା ଦ୍ୱାରା ତ୍ୱଚା ଏବଂ କେଶର ବିଭିନ୍ନ ସମସ୍ୟା ଦୂର ହୋଇଥାଏ। ପ୍ରାକୃତିକ ଉପାୟରେ ବିଭିନ୍ନ ସମୟରେ ଏଭଳି ଅନେକ ପ୍ରକାର ରଙ୍ଗ ରହିଛି, ଯାହାକୁ ବ୍ୟବହାର କରି ନାରୀମାନେ ସୌନ୍ଦର୍ଯ୍ୟ ବୃଦ୍ଧି କରିବା ସହିତ ବିଭିନ୍ନ ରୋଗର ଚିକିତ୍ସା କରି ନିଜ ଜୀବନକୁ ବି ରଙ୍ଗିନ କରିଥାନ୍ତି।
ରଙ୍ଗରେ ଆପଣାର କରେ: ରଙ୍ଗ ଲଗାଇ ପରସ୍ପରର ସମ୍ପର୍କକୁ ନିବିଡ଼ କରିବା କ୍ଷେତ୍ରରେ ବି ନାରୀମାନେ ବିଶେଷ ଭୂମିକା ଗ୍ରହଣ କରିଥାନ୍ତି। ପରକୁ ଆପଣାର କରିବା ପାଇଁ ଆମ ସାମାଜିକ ଚଳଣିରେ ବିଭିନ୍ନ ପ୍ରକାର ରଙ୍ଗ ଲଗାଯାଇଥାଏ। ନାରୀମାନଙ୍କ ପର୍ବ ରଜ, କୁମାର ପୂର୍ଣ୍ଣମୀ ହେଉ ଅବା ବନ୍ଧୁଘରକୁ ବୁଲି ଆସିବାବେଳେ ହେଉ ପାଦରେ ଅଳତା ଲଗାଇବାର ଏକ ବିଶେଷ ପରମ୍ପରା ରହିଛି। ନୂଆ ବୋହୂଟିଏ ବନ୍ଧୁବାନ୍ଧବଙ୍କ ଠାରୁ ଆରମ୍ଭ କରି ସାହିପଡ଼ିଶାର ସମସ୍ତଙ୍କୁ ଅଳତା ଲଗାଇ ଆଶୀର୍ବାଦ ନେଇଥାଏ। ପାଦରେ ଅଳତା ଟିକିଏ ଲଗାଇ ଦେଇ ପରକୁ ଆପଣାର କରିବାର ଏକ ସୁଯୋଗ ପାଇଥାଏ। ବେଳେବେଳେ ଏହିି ମାଧ୍ୟମରେ ଶତ୍ରୁକୁ ବି ଆପଣାର କରିହୁଏ। ତେଣୁ ପରକୁ ଆପଣାର କରିବା ଆଉ ମନର ବିଭେଦ ଦୂର କରିବା କ୍ଷେତ୍ରରେ ରଙ୍ଗର ଗୁରୁତ୍ୱପୂର୍ଣ୍ଣ ଭୂମିକା ରହିଛି। ରଙ୍ଗର ପର୍ବ ହୋଲିରେ ବି ନୂଆବୋହୂଟିଏ ବିଭିନ୍ନ ସମ୍ପର୍କର ମଧୁରତାକୁ ଅନୁଭବ କରି ବିଭିନ୍ନ ରଙ୍ଗର ଅବିର ଖେଳ ଖେଳିଥାଏ।
ପୂରା ପରିବାରକୁ ରଙ୍ଗିନ କରିପାରେ-
ବିନା ରଙ୍ଗରେ ନାରୀ ଅଧୂରା। ମୁଦ୍ରାର ଦୁଇଟି ପାର୍ଶ୍ୱ ଭଳି ନାରୀ ଜୀବନ ସହ ରଙ୍ଗର ସମ୍ପର୍କ। କହିବାକୁ ଗଲେ ତା’ ଜୀବନ ହିଁ ରଙ୍ଗିନ। ନାରୀଟିଏ ହିଁ ପୂରା ପରିବାରକୁ ବିଭିନ୍ନ ରୂପରେ ରଙ୍ଗିନ କରିଥାଏ। ସେଇଥିପାଇଁ ତ ତା’ ଜୀବନ ଯେତେବେଳେ ଦୁଃଖମୟ ହୋଇଯାଏ କହନ୍ତି ଜୀବନ ରଙ୍ଗହୀନ ହୋଇଗଲା। ରଙ୍ଗ ସହ ତା’ର ଆବେଗର ବି ସମ୍ପର୍କ ରହିଛି। ସେଥିପାଇଁ ତ ନାରୀର ବେଶଭୂଷାକୁ ଦେଖିଲେ ହିଁ ଜଣା ପଡ଼ିଯାଏ କି କୌଣସି ପୂଜାପର୍ବରେ ସେ ସାମିଲ ହେଉଛି ଅବା କୌଣସି ସାଂସ୍କୃତିକ ଉତ୍ସବରେ। ସେ ଯେତେବେଳେ ଶୁଭକାମ କରେ ହଳଦୀ ରଙ୍ଗ ଟିକିଏ ଲଗାଇଥାଏ। ଠିକ୍‌ ସେମିତି ନାଲି ଅଳତା ଓ ସିନ୍ଦୂର ବି ତା’ ପାଇଁ ସୌଭାଗ୍ୟର ସଙ୍କେତ ଦେଇଥାଏ। ଆଉ ସ୍ବାଗତ କରିବା ପାଇଁ ସେ ବିଭିନ୍ନ ରଙ୍ଗର ଟିକା ଲଗାଇଥାଏ। ରଙ୍ଗ ସହିତ ତା’ର ଅନେକ ସ୍ମୃତି ରହିଥାଏ। ସେଥିପାଇଁ ତ ନାରୀର ମନ ରଙ୍ଗିନ ଥିଲେ ପୂରା ପରିବାର ବି ରଙ୍ଗିନ ହୋଇଥାଏ।
– ଆସିଷ୍ଟାଣ୍ଟ ପ୍ରଫେସରକଳ୍ପନା ସାହୁ, ମନସ୍ତତ୍ତ୍ୱବିତ୍‌, ଜାଭିଅର ୟୁନିଭର୍ସିଟି
ସାବଧାନତା
ରଙ୍ଗର ପର୍ବ ହେଉ ଅବା ଯେକୌଣସି ସମୟରେ ରଙ୍ଗ ବ୍ୟବହାର କରିବା ପୂର୍ବରୁ ବିଭିନ୍ନ ପ୍ରକାର ସାବଧାନତା ଅବଲମ୍ବନ କରନ୍ତୁ। ବିଶେଷକରି ପ୍ରାକୃତିକ ଉପାୟରେ ପ୍ରସ୍ତୁତ ରଙ୍ଗ ବ୍ୟବହାର କରନ୍ତୁ। ତେବେ ରାସାୟନିକ ରଙ୍ଗ ବ୍ୟବହାର କରିବା ପୂର୍ବରୁ ପ୍ରଥମେ ତାହାର କୌଣସି ପାର୍ଶ୍ୱ ପ୍ରତିକ୍ରିୟା ଅଛି କି ନାହିଁ ଭଲ ଭାବରେ ପରୀକ୍ଷା କରନ୍ତୁ।
ପ୍ରାକୃତିକ ରଙ୍ଗ ବ୍ୟବହାର କରେ
ମୁଁ ପିଲାମାନଙ୍କୁ ହୋଲି ଖେଳିବା ସମୟରେ କୌଣସି ରାସାୟନିକ ରଙ୍ଗ ବ୍ୟବହାର କରିବାକୁ ଦିଏନି ଏବଂ ଅନ୍ୟ ସମସ୍ତଙ୍କୁ ବି ଅବିରରେ ହୋଲି ଖେଳିବାକୁ ପରାମର୍ଶ ଦିଏ। ଛୋଟ ପିଲାମାନଙ୍କର ସ୍କିନ ଖରାପ ହେଇଯିବ, ସେଥିପାଇଁ ଘରକୁ କେବଳ ଅବିର ହିଁ କିଣା ହୋଇ ଆସେ। ଆମେ ସାଙ୍ଗମାନେ ବି ହୋଲି ଖେଳିବାକୁ ଗଲେ କେବଳ ଅବିର ହିଁ ବ୍ୟବହାର କରୁ। ତା’ଛଡ଼ା ଏବେ ପ୍ରାୟ ସମସ୍ତେ ସଚେତନ ହେଲେଣି। ସେଥିପାଇଁ ଆଉ କେହି ବୋଧହୁଏ ରାସାୟନିକ ରଙ୍ଗ ବ୍ୟବହାର କରୁନାହାନ୍ତି।
-ସଂଯୁକ୍ତା ଦାସ, ଗୃହିଣୀ, ନୟାପଲ୍ଲୀ ବ୍ରିଟ କଲୋନୀ, ଭୁବନେଶ୍ୱର


Enter your email to get our daily news in your inbox.

All Right Reserved By Dharitri.Com

ଭଞ୍ଜନଗର ପ୍ରଶାସନ ତତ୍ପର: ପାହାଡ଼-ନଦୀକୂଳରେ ରହିବେନି ଲୋକେ

ଭଞ୍ଜନଗର, ୧୭।୧୧ (ବାବୁଲା ପ୍ରଧାନ):ବାତ୍ୟା ଅର୍ଣ୍ଣବ ଗଞ୍ଜାମ ଜିଲାବାସୀଙ୍କ ଆର୍ଥିକ ମେରୁଦଣ୍ଡକୁ ଦୋହଲାଇ ଦେଇଛି। ଏହି ବାତ୍ୟାଜନିତ ବନ୍ୟାର ୨୦ ଦିନ ନ ପୂରୁଣୁ ଆଉ ଏକ…

ବୈଭବ-ଅଭିଷେକଙ୍କ ବ୍ୟାଟରେ ହେବ ଛକା-ଚୌକା ବର୍ଷା! ତିଳକ ବର୍ମା ଅଧିନାୟକ, ଏସିଆ କପ ପାଇଁ କାତାରରେ ପହଞ୍ଚିଲା ଟିମ ଇଣ୍ଡିଆ

ନୂଆଦିଲ୍ଲୀ,୧୭।୧୧: ରାଇଜିଂ ଷ୍ଟାର୍ସ ଏସିଆ କପ ୨୦୨୬ ପାଇଁ ଟିମ ଇଣ୍ଡିଆ କାତାରରେ ପହଞ୍ଚିଛି। ତିଲକ ବର୍ମାଙ୍କ ଅଧିନାୟକତ୍ୱରେ ଖେଳିବାକୁ ଥିବା ଏହି ଦଳରେ ବୈଭବ ସୂର୍ଯ୍ୟବଂଶୀ…

ସରକାରଙ୍କ ବଡ଼ ଘୋଷଣା, ଏଣିକି ସରକାରୀ ଚାକିରି ପାଇଁ ମାଗଣା ଆବେଦନ!

କୋଲକାତା,୧୭।୧୧: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ସୋମବାର (ନଭେମ୍ବର ୧୬, ୨୦୨୬) ଏକ ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି। ସେ କହିଛନ୍ତି ଯେ, ସରକାରୀ ନିଯୁକ୍ତି ପରୀକ୍ଷାରେ ଅଂଶଗ୍ରହଣ…

ବଡ଼ ବିପଦରୁ ବର୍ତ୍ତିଲା ପଣ୍ୟବାହୀ ଜାହାଜ: ପାରାଦୀପ ବନ୍ଦର ପକ୍ଷରୁ ତତ୍କାଳ ପଦକ୍ଷେପ

ପାରାଦୀପ,୧୭।୧୧(ଶରତ ରାଉତ): ଅଶାନ୍ତ ସମୁଦ୍ରରେ ଭୟଙ୍କର ବିପଦର ସମ୍ମୁଖୀନ ହୋଇଥିବା ଏକ ବୃହତ୍‌ ପଣ୍ୟବାହୀ ଜାହାଜକୁ ସୁରକ୍ଷିତ ଉଦ୍ଧାର କରିଛି ପାରାଦୀପ ବନ୍ଦର। ବନ୍ଦର କର୍ତ୍ତୃପକ୍ଷଙ୍କ ତ୍ୱରିତ…

ମାହିଙ୍କ ଶେଷ IPL ହେବ କି ୨୦୨୭! CSKର ରିଟେନ୍ସନ ଲିଷ୍ଟରେ ଆଜି ହେବ ବଡ଼ ଖୁଲାସା

ନୂଆଦିଲ୍ଲୀ,୧୭।୧୧: ଇଣ୍ଡିଆନ ପ୍ରିମିୟର ଲିଗ (IPL) ୨୦୨୭ ପୂର୍ବରୁ ମିନି ଅକ୍ସନ ଆୟୋଜନ ହେବାକୁ ଯାଉଛି। ଡିସେମ୍ବର ମଧ୍ୟଭାଗରେ ଅକ୍ସନ ଜରିଆରେ ସମସ୍ତ ଦଳ ନିଜ ନିଜ…

ଛୋଟ ଦୋକାନୀଙ୍କ ପାଇଁ NPCIର ବଡ଼ ଉପହାର, UPI ଆପଣାଇଲେ ମିଳିବ ୭୫୦ ଟଙ୍କାର ଫାଇଦା! ଜାଣନ୍ତୁ ନୂଆ ଯୋଜନା

ନୂଆଦିଲ୍ଲୀ,୧୭।୧୧: ଦେଶର ଛୋଟ ଦୋକାନୀ ଏବଂ ସ୍ଥାନୀୟ ବ୍ୟବସାୟୀଙ୍କ ମଧ୍ୟରେ ଡିଜିଟାଲ ପେମେଣ୍ଟକୁ ପ୍ରୋତ୍ସାହନ ଦେବା ଉଦ୍ଦେଶ୍ୟରେ ନ୍ୟାସନାଲ ପେମେଣ୍ଟସ କର୍ପୋରେସନ ଅଫ ଇଣ୍ଡିଆ (NPCI) ଏକ…

ମହିଳା ଡାକ୍ତରଙ୍କୁ ମାନସିକ ନିର୍ଯାତନା ଅଭିଯୋଗ: ସିଡିଏମ୍ଓଙ୍କୁ ଚିଠିଲେଖିଲେ ୩ ଡାକ୍ତର

ସମ୍ବଲପୁର,୧୭।୧୧(ପ୍ରମୋଦ ବହିଦାର): ସମ୍ବଲପୁର ଜିଲା ମୁଖ୍ୟ ଚିକିତ୍ସାଳୟରେ କାର୍ଯ୍ୟରତ ମହିଳା ଡାକ୍ତରମାନଙ୍କୁ ମାନସିକ ନିର୍ଯାତନା ଏବଂ ଅପମାନଜନକ ବ୍ୟବହାର କରାଯାଉଥିବା ନେଇ ଏକ ସାଙ୍ଘାତିକ ଅଭିଯୋଗ ସାମ୍ନାକୁ…

ୱାର୍ମ-ଅପ ମ୍ୟାଚରେ ନ ଖେଳିବା ସତ୍ତ୍ୱେ ପନ୍ତଙ୍କ ଉପରେ ଆସ୍ଥା ଅକ୍ଷୁର୍ଣ୍ଣ ରହିଛି; ଟେଷ୍ଟ ସିରିଜ ପୂର୍ବରୁ ଟିମ ମ୍ୟାନେଜମେଣ୍ଟର ଗୁରୁତ୍ୱପୂର୍ଣ୍ଣ ନିଷ୍ପତ୍ତି

ନୂଆଦିଲ୍ଲୀ,୧୭।୧୧: ବିଶ୍ୱର ସବୁଠାରୁ ଅଧିକ ପବନ ବହୁଥିବା ସହରରେ ବଞ୍ଚିରହିବା ଏକ କଠିନ କାମ ଅଟେ। କେତେବେଳେ ପବନ ଏତେ ପ୍ରବଳ ହୋଇଯାଏ ଯେ ଲୋକମାନେ ମଧ୍ୟ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?