ପୁରୀ,୨୫।୧୧(ଅଜିତ୍ କୁମାର ମହାନ୍ତି): ଶ୍ରୀମନ୍ଦିରରେ ଶୁକ୍ରବାର କାର୍ତ୍ତିକ ପୂର୍ଣ୍ଣିମାରେ ବଡ଼ ମହାସ୍ନାନ ଅନୁଷ୍ଠିତ ହୋଇଛି l ଶ୍ରୀମନ୍ଦିର ଜୟ ବିଜୟ ଦ୍ୱାର ଭିତର ପଟ ପାହାଚରେ ମଇଳା ପଡ଼ିଥିବା କାରଣରୁ ମହାପ୍ରଭୁଙ୍କ ବଡ଼ ମହାସ୍ନାନ ନୀତି କରାଯାଇଛି l କାର୍ତ୍ତିକପୂର୍ଣ୍ଣିମା ହେତୁ ମହାପ୍ରଭୁଙ୍କ ସୁନାବେଶ ଅନୁଷ୍ଠିତ ହୋଇଥିଲା । ମହାପ୍ରଭୁଙ୍କ ସୁନାବେଶ ଦେଖିବା ନିମନ୍ତେ ଭକ୍ତଙ୍କ ପ୍ରବଳ ଗହଳି ଲାଗିରହିଥିଲା । ତେବେ ଜୟ ବିଜୟ ଦ୍ୱାର ଭିତର ପାହାଚ ନିକଟରେ ମଇଳା ପଡ଼ିଥିବା ଦୃଷ୍ଟି ଗୋଚର ହେବାରୁ ବଡ଼ ମହାସ୍ନାନ କରାଯାଇଛି l ପ୍ରଥମ ଭୋଗମଣ୍ଡପ ଭୋଗଶେଷ ହେବା ପରେ ଭିତର କାଠ ଦର୍ଶନ ଆରମ୍ଭ ହୋଇଥିଲା l ସେହିସମୟରେ ଜୟ ବିଜୟ ଦ୍ୱାର ଭିତର ପଟ ପାହାଚରେ ମଇଳା ପଡ଼ିଥିବା ସେବାୟତଙ୍କ ଦୃଷ୍ଟି ଗୋଚର ହେବାରୁ ବଡ଼ ମହାସ୍ନାନ ହେଉଛି l ଏହି ବଡ଼ ମହାସ୍ନାନ ପ୍ରାୟ ପ୍ରାୟ ୨ଘଣ୍ଟା ଧରି ଅନୁଷ୍ଠିତ ହୋଇଥିଲା l ମହାସ୍ନାନ ପରେ ଚୂନ ପାଣି ପଡି ଶୋଧ କରାଯାଇ ଦର୍ଶନ ପୁନଃ ଆରମ୍ଭ ହୋଇଛି । ମହାସ୍ନାନ ସମୟରେ ସାଧାରଣ ଦର୍ଶନ ବନ୍ଦ ରହିଥିଲା ।
