ହାତୀ ଫେରିଲେ ପଶୁଛି ଛନକା

ବଇଣ୍ଡା, ୨୭ା୭ (ପରିକ୍ଷିତ ସାହୁ): ଅନୁଗୋଳ ଜିଲା ହଣ୍ଡପା ରେଞ୍ଜରେ ଥମୁନି ହାତୀ ଉପଦ୍ରବ। ରେଢାଖୋଲ ବନାଞ୍ଚଳରୁ ଏକ ହାତୀପଲ ହଣ୍ଡପା ରେଞ୍ଜକୁ ବାରମ୍ବାର ପଶିଆସି ବ୍ୟାପକ କ୍ଷୟକ୍ଷତି ଘଟାଉଛନ୍ତି। ଗତ ୭ ବର୍ଷ ମଧ୍ୟରେ ୧୦୧୭ ଏକର ଜମିରେ ଫସଲ ନଷ୍ଟ କରିଛନ୍ତି। ଉକ୍ତ ପଲରେ ଥିବା ଏକ ଦନ୍ତା ୮ ଜଣଙ୍କ ଜୀବନ ନେଇଥିବାରୁ ହାତୀପଲ ହଣ୍ଡପା ଫେରିଲେ ଛାତିରେ ଛନକା ପଶୁଥିବା ଅଞ୍ଚଳବାସୀ ପ୍ରକାଶ କରିଛନ୍ତି।

୧୮ ହଜାର ୮୯୪ ହେକ୍ଟର ବିଶିଷ୍ଟ ହଣ୍ଡପା ରେଞ୍ଜ ଆଖପାଖରେ ରହିଛି ୧୫ଟି ପଞ୍ଚାୟତ। କିନ୍ତୁ କିଛିବର୍ଷ ହେଲା କାଠ ମାଫିଆଙ୍କ ପ୍ରାଦୁର୍ଭାବ ଓ ବନ ବିଭାଗର ବିଫଳତା ଯୋଗୁ ରେଞ୍ଜ ଅଞ୍ଚଳର ଅନେକ ଜଙ୍ଗଲ ପଦା ହେବାକୁ ବସିଲାଣି। ଫଳରେ ରେଢ଼ାଖୋଲ ଜଙ୍ଗଲରୁ ପଳାଇ ଆସୁଥିବା ହାତୀପଲ ହଣ୍ଡପା ଜଙ୍ଗଲରେ ଖାଦ୍ୟାଭାବର ଶିକାର ହୋଇ ଗାଁ ମୁହାଁ ହେଉଛନ୍ତି। ଉକ୍ତ ପଲରେ ଥିବା ଏକ ଦନ୍ତା ୨୦୧୪ ଫେବୃୟାରୀ ୨୭ରେ ହଣ୍ଡପା ଗ୍ରାମର ତାରା ବିଶ୍ୱାଳଙ୍କୁ ପାଦରେ ଦଳିଦେଇଥିଲା। ୨୦୧୬ ମେ ୩ରେ ପୁରୁଣାପାଣି ଗ୍ରାମର ଲୋଚନ ପ୍ରଧାନ, ଠେଲକନାଳୀ ଗ୍ରାମର ତରୁଣୀ ଦେହୁରୀଙ୍କୁ କଚାଡି ମାରିଥିଲା। ୨୦୧୭ ଏପ୍ରିଲ ୨୪ରେ କୁଣ୍ଡାଳୀ ଗ୍ରାମର ହାଡିବନ୍ଧୁ ନାଥ, ୨୦୧୯ ଅଗଷ୍ଟ ୧ରେ ପ୍ରତାପପୁର ଗ୍ରାମର ମଞ୍ଜୁଲତା ସାହୁ, ସେପ୍ଟେମ୍ବର ୧୫ରେ ବିଦ୍ୟାଧର ସାହୁ, ଡିସେମ୍ବର ୨୬ରେ ବାତ୍ରାଖୋଲ ଗ୍ରାମର ବିଚିତ୍ର ବେହେରା, ୨୦୨୦ ମାର୍ଚ୍ଚ ୫ରେ କମରେଇ ଗ୍ରାମର ଦେବକୀ ବେହେରାଙ୍କ ଜୀବନ ନେଇଥିଲା। ସେହିପରି ଏହି ହାତୀପଲ ୧୨୭ଟି ଚାଳ, ଆଜବେଷ୍ଟସ ଘର ଭାଙ୍ଗିରୁଜି ନଷ୍ଟ କରିଛନ୍ତି। ୧୫ଟି ପଞ୍ଚାୟତର ବିଭିନ୍ନ ଗ୍ରାମରେ ପଶି ୫୯୨ ଏକର ଜମିରେ ଧାନ, ୨୬୫ ଏକର ପରିବା ଚାଷ ଓ ୧୬୦ ଏକରରେ ଲାଗିଥିବା ଆମ୍ବ, କଦଳୀ, ପଣସ ଗଛ ନଷ୍ଟ କରିଛନ୍ତି। ବନ ବିଭାଗ ପକ୍ଷରୁ କାଁ ଭାଁ କ୍ଷତିଗ୍ରସ୍ତଙ୍କୁ ଚିହ୍ନଟ କରାଯାଇ କ୍ଷତିପୂରଣ ଦିଆଯାଇଥିବା ବେଳେ ଅଧିକାଂଶ ସହାୟତା ପାଇ ନ ଥିବା ଅଭିଯୋଗ କରିଛନ୍ତି। ବାରମ୍ବାର ଅଭିଯୋଗ ପରେ ବି ହାତୀ ଉପଦ୍ରବରୁ ସୁରକ୍ଷା ଦେବାରେ ବନ ବିଭାଗର ବିଫଳତା ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ସୃଷ୍ଟି କରିଛି। ଏ ସମ୍ପର୍କରେ ହଣ୍ଡପା ରେଞ୍ଜର ଚୈତନ୍ୟ ବେହେରା କୁହନ୍ତି, ଲୋକେ ଜଙ୍ଗଲ ନଷ୍ଟ କରୁଥିବାରୁ ହାତୀଙ୍କ ବାସସ୍ଥଳୀ ସହ ଖାଦ୍ୟ ନଷ୍ଟ ହେଉଛି। ଫଳରେ ହାତୀପଲ ଗ୍ରାମାଭିମୁଖୀ ହେଉଛନ୍ତି। ବିଭାଗ ପକ୍ଷରୁ ସ୍ବତନ୍ତ୍ର ଟିମ୍‌ କରାଯାଇ ହାତୀ ଘଉଡାଇବାକୁ ପଦକ୍ଷେପ ନିଆଯାଉଛି। ଏଥିସହ କ୍ଷତିପୂରଣ ମଧ୍ୟ ଯୋଗାଇ ଦିଆଯାଉଛି।

ବନ ବିଭାଗର ବିଫଳତା
ହଣ୍ଡପା ପଞ୍ଚାୟତରେ ଗୋଟିଏ ଦନ୍ତା ହାତୀ ଦୀର୍ଘବର୍ଷ ହେବ ଉପଦ୍ରବ କରୁଛି। ଫସଲ ନଷ୍ଟ, ଘର ଭାଙ୍ଗିବା ସହ ମଣିଷଙ୍କ ଜୀବନ ନେଉଛି। କ୍ଷତିଗ୍ରସ୍ତଙ୍କୁ ଠିକ୍‌ ଭାବେ କ୍ଷତିପୂରଣ ଦେଇପାରୁ ନ ଥିବା ବନ ବିଭାଗ ଏହା ରୋକିବାରେ ମଧ୍ୟ ବିଫଳ ସାବ୍ୟସ୍ତ ହୋଇଛି।
– ଅମିୟ ପ୍ରଧାନ, ସରପଞ୍ଚ, ହଣ୍ଡପା

ବହୁ ସମ୍ପତ୍ତି ନଷ୍ଟ ହୋଇଛି
ହାତୀ ଉପଦ୍ରବ ଯୋଗୁ ୬/୭ ବର୍ଷ ମଧ୍ୟରେ ବହୁ ସମ୍ପତ୍ତି ନଷ୍ଟ ହୋଇଛି। ଏ ନେଇ ରେଞ୍ଜ ଅଞ୍ଚଳରେ ଆତଙ୍କ ସୃଷ୍ଟି ହେଉଛି। ବନ ବିଭାଗ ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେଇ ସମସ୍ୟାର ସ୍ଥାୟୀ ସମାଧାନ କଲେ ଅଞ୍ଚଳବାସୀ ଉପକୃତ ହେବେ।
– ଅଜୟ କୁମାର ସାହୁ, ଲକ୍ଷ୍ମୀପ୍ରିୟାପୁର

ପାଟ୍ରୋଲିଂର ଅଭାବ
ଏହି ରେଞ୍ଜ ଅଞ୍ଚଳର ଗ୍ରାମଗୁଡ଼ିକରେ ଆବଶ୍ୟକ ମୁତାବକ ମୋବାଇଲ ଟାଓ୍ବାର ନ ଥିବାରୁ ହାତୀ ଉପଦ୍ରବ ସମୟରେ ବନ ବିଭାଗକୁ ଖବର ଦେଇହେଉ ନାହିଁ। ବନ ବିଭାଗ କର୍ମଚାରୀମାନେ ମଧ୍ୟ ଠିକ୍‌ ଭାବେ ପାଟ୍ରୋଲିଂ କରୁନାହାନ୍ତି।
– ସୁଜିତ ମହାପାତ୍ର, ରାଜନପାଳ

ଟ୍ରାଙ୍କୁଲାଇଜ୍‌ କରାଯାଉ
ରେଞ୍ଜ ଅଞ୍ଚଳର ଚାଷୀମାନେ ବର୍ଷ ବର୍ଷ ଧରି ଫସଲରେ କ୍ଷତି ସହୁଛନ୍ତି। ବିଶେଷକରି ପରିବା ଚାଷ ସହ କଦଳୀ ବଗିଚା ହାତୀ ନଷ୍ଟ କରୁଛି। କ୍ଷତି ଅନୁଯାୟୀ କ୍ଷତିପୂରଣ ଦିଆଯିବା ସହ ଉକ୍ତ ଦନ୍ତାହାତୀକୁ ଟ୍ରାଙ୍କୁଲାଇଜ୍‌ କରି ନନ୍ଦନକାନନ ପଠାଯାଉ।
– ପତି ସାହୁ, କଣ୍ଟେଇକୁଳିଆ

ରାତି ଉଜାଗର ହେଉଛନ୍ତି ଚାଷୀ
ହାତୀ ଉପଦ୍ରବ ରୋକିବା ପାଇଁ ବନ ବିଭାଗ ଉପଯୁକ୍ତ ପଦକ୍ଷେପ ନେଉନାହିଁ। ଗ୍ରାମବାସୀ ରାତି ଉଜାଗର ହୋଇ ନିଅଁା ହୁଳା ଧରି ଫସଲ ଜଗୁଥିବା ବେଳେ ନିଜ ପକେଟରୁ ଅର୍ଥ ଖର୍ଚ୍ଚ କରି ବାଣ କିଣି ଫୁଟାଇବାକୁ ବାଧ୍ୟ ହେଉଛନ୍ତି।
– ସୁନୀଲ ସେଠୀ, ଅଁଳାବେରେଣୀ

ଗାଁରେ ପଶି ଘର ଭାଙ୍ଗୁଛି
ଋଣ କରି ଚାଷ କରିଥିବା ଚାଷୀ କେବଳ ଫସଲରେ କ୍ଷତି ସହୁନାହିଁ ଅନେକ ସମୟରେ ଗଁାରେ ପଶି ହାତୀ ଘର ମଧ୍ୟ ଭାଙ୍ଗି ଦେଉଛି। ଉକ୍ତ ଦନ୍ତାହାତୀକୁ କାବୁ କରି ଅନ୍ୟତ୍ର ସ୍ଥାନାନ୍ତର ପାଇଁ ବହୁବାର ଦାବି ସତ୍ତ୍ୱେ ପଦକ୍ଷେପ ନିଆଯାଉ ନାହିଁ।
– ଅପି ଦେହୁରୀ, ଚାଷୀ


Enter your email to get our daily news in your inbox.

All Right Reserved By Dharitri.Com

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ରାଜନୀତି ମଇଦାନରେ କ୍ରିକେଟର ୟୁଜବେନ୍ଦ୍ର ଚହଲ; ଭାଜପାରେ ହେଲେ ସାମିଲ, ମିଳିଲା ବଡ଼ ଦାୟିତ୍ୱ

ନୂଆଦିଲ୍ଲୀ,୨୨।୧୧: ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ତାଙ୍କର ରାଜନୈତିକ ଇନିଂସ ଆରମ୍ଭ କରିବାର ଘୋଷଣା କରିଛନ୍ତି। ସେ ଶନିବାର ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି। ତାଙ୍କୁ…

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?