Posted inଖେଳ

ସିରିଜ ବିଜୟୀ ଆଶାରେ ଓ୍ବେଷ୍ଟଇଣ୍ଡିଜ

ମାଞ୍ଚେଷ୍ଟର, ୧୫।୭- ଇଂଲଣ୍ଡ ଓ ଓ୍ବେଷ୍ଟଇଣ୍ଡିଜ ମଧ୍ୟରେ ଚଳିତ ସିରିଜର ଦ୍ୱିତୀୟ ଟେଷ୍ଟ ଗୁରୁବାରଠାରୁ ଏଠାରେ ଆରମ୍ଭ ହେବାକୁ ଯାଉଛି। ସାଉଥାମ୍ପଟନଠାରେ ଅନୁଷ୍ଠିତ ପ୍ରଥମ ଟେଷ୍ଟକୁ ୪ ଉଇକେଟରେ ଜିତି ଓ୍ବେଷ୍ଟଇଣ୍ଡିଜ ସିରିଜ ଅଗ୍ରଣୀ ଲାଭ କରିଛି। ତେଣୁ ଦ୍ୱିତୀୟ ଟେଷ୍ଟରେ ସେହି ପ୍ରଦର୍ଶନ ଦୋହରାଇ ଭ୍ରମଣକାରୀ ଦଳ ସିରିଜ ଜିତିବା ଆଶାରେ ରହିଛି। ଅନ୍ୟ ପକ୍ଷରେ ଇଂଲଣ୍ଡ ଦଳକୁ ଅଧିନାୟକ ଜୋ ରୁଟ୍‌ ପ୍ରତ୍ୟାବର୍ତ୍ତନ କରିଛନ୍ତି। ପ୍ରଥମ ଟେଷ୍ଟରୁ ବାଦ୍‌ ପଡ଼ିଥିବା ଦ୍ରୁତ ବୋଲର ଷ୍ଟୁଆର୍ଟ ବ୍ରଡ୍‌ ମଧ୍ୟ ଦଳକୁ ଫେରିବା ଯଥେଷ୍ଟ ସମ୍ଭାବନା ରହିଛି। ତେଣୁ ଏହି ଦଳ ଘରୋଇ ପରିବେଶରେ ନିଜ ଦ୍ରୁତ ବୋଲରଙ୍କ ମାଧ୍ୟମରେ ସିରିଜ ବଞ୍ଚାଇବା ଲକ୍ଷ୍ୟରେ ରହିଛି।
ମାଞ୍ଚେଷ୍ଟରରେ ଓ୍ବେଷ୍ଟଇଣ୍ଡିଜ ୩୨ ବର୍ଷ ପୂର୍ବରୁ ଟେଷ୍ଟ ମ୍ୟାଚ ଜିତିଥିଲା। କର୍ଟନି ଓ୍ବାଲ୍ସ, କର୍ଟଲି ଆମ୍ବ୍ରୋସ ଓ ମାଲକମ୍‌ ମାର୍ଶାଲଙ୍କୁ ନେଇ ଗଠିତ ଓ୍ବେଷ୍ଟଇଣ୍ଡିଜର ଶାଣିତ ପେସ୍‌ ଆକ୍ରମଣକୁ ପ୍ରତିହତ କରିବା ପାଇଁ ଇଂଲଣ୍ଡ ଟର୍ନିଂ ପିଚ୍‌ ପ୍ରସ୍ତୁତ କରିଥିଲା। ଦଳରେ ଅଫ୍‌ ସ୍ପିନର ଜନ୍‌ ଏମ୍ବୁରି ଓ ବାମହାତୀ ସ୍ପିନର ଜନ୍‌ ଚିଲ୍ଡ୍ସଙ୍କୁ ସାମିଲ କରାଯାଇଥିଲା। ଏମ୍ବୁରିଙ୍କ ମାଧ୍ୟମରେ ଇଂଲଣ୍ଡ ବୋଲିଂ ଆରମ୍ଭ କରିଥିଲା। ମାତ୍ର ରଣନୀତି ସମ୍ପୂର୍ଣ୍ଣ ଫେଲ୍‌ ମାରିଥିଲା। ଓ୍ବେଷ୍ଟଇଣ୍ଡିଜ ଏହି ଟେଷ୍ଟକୁ ଏକ ଇନିଂସ ୧୫୬ ରନରେ ଜିତିଥିଲା। ଇଂଲଣ୍ଡ ଦୁଇ ଇନିଂସରେ ଯଥାକ୍ରମେ ୧୩୫ ଓ ୯୩ ରନ କରିବାକୁ ସକ୍ଷମ ହୋଇଥିଲା। ଦ୍ୱିତୀୟ ଇନିଂସରେ ମାର୍ଶାଲ ୭ ଉଇକେଟ ନେଇଥିଲେ। ବର୍ତ୍ତମାନ ଓ୍ବେଷ୍ଟଇଣ୍ଡିଜ ଦଳରେ ଓ୍ବାଲ୍ସ, ଆମ୍ବ୍ରୋସ ଓ ମାର୍ଶାଲଙ୍କ ପରି ବୋଲର ନାହାନ୍ତି ସତ ମାତ୍ର ସାଉଥାମ୍ପଟନ ଟେଷ୍ଟରେ ନିଜ ପ୍ରଦର୍ଶନ ମାଧ୍ୟମରେ ସେମାନେ ସାମ୍ପ୍ରତିକ ସମୟର ଶ୍ରେଷ୍ଠ ଫାଷ୍ଟ ବୋଲିଂ ଲାଇନ୍‌ଅପ୍‌ ବୋଲି ପ୍ରମାଣ କଲେ। ତେଣୁ ୪ ପେସର ଜାସନ ହୋଲ୍ଡର, ଶାନନ ଗାବ୍ରିଏଲ, କେମର ରୋଚ୍‌ ଓ ଆଲଜାରି ଜୋସେଫଙ୍କୁ ନେବା ରଣନୀତିରେ ଦଳ ଅପରିବର୍ତ୍ତିତ ରହିବ କିମ୍ବା ଓଲ୍ଡ ଟ୍ରାଫୋର୍ଡ ପିଚ୍‌କୁ ଅନୁଧ୍ୟାନ କରି ସ୍ପିନର ରାକିମ କର୍ନଓ୍ବାଲଙ୍କୁ ଚୂଡ଼ାନ୍ତ ଏକାଦଶରେ ସାମିଲ କରୁଛି ତାହା ଦେଖିବାକୁ ରହିଛି।


ଅନ୍ୟପକ୍ଷରେ ସିରିଜର ପ୍ରଥମ ମ୍ୟାଚରେ ହାରିବା ସତ୍ତ୍ୱେ ଇଂଲଣ୍ଡ ସଫଳ ପ୍ରତ୍ୟାବର୍ତ୍ତନ କରିବାର ଦକ୍ଷତା ରଖିଛି। ଗତ ଶୀତ ଋତୁରେ ଦକ୍ଷିଣ ଆଫ୍ରିକା ଗସ୍ତରେ ଦଳ ପ୍ରଥମ ଟେଷ୍ଟ ହାରିଥିଲେ ହେଁ ପରବର୍ତ୍ତୀ ୩ ଟେଷ୍ଟ ଜିତି ସିରିଜ ବିଜୟୀ ହୋଇଥିଲା। ତେଣୁ ସାଉଥାମ୍ପଟନରେ ପରାଜୟ ପରେ ବେନ୍‌ ଷ୍ଟୋକ୍ସ ଏବଂ କୋଚ୍‌ କ୍ରିସ୍‌ ସିଲଭରଉଡ୍‌ ସେହି କଥା ନିଶ୍ଚିତ ଡ୍ରେସିଂ ରୁମ୍‌ରେ ଖେଳାଳିମାନଙ୍କୁ ମନେ ପକାଇ ଦେଇଥିବେ। ପ୍ରଥମ ଟେଷ୍ଟରେ କରିଥିବା ତ୍ରୁଟିକୁ ସୁଧାରି ଇଂଲଣ୍ଡ ଗୁରୁବାର ପଡ଼ିଆକୁ ଓହ୍ଲାଇବ ନିଶ୍ଚିତ। ରୁଟ୍‌ଙ୍କ ପ୍ରତ୍ୟାବର୍ତ୍ତନରେ ଇଂଲଣ୍ଡ ଟପ୍‌ ଅର୍ଡର ଦୃଢ଼ ହୋଇଛି। ଆଗାମୀ ମ୍ୟାଚପାଇଁ ଦଳରୁ ଜୋ ଡେନ୍‌ଲି କିମ୍ବା ଜ୍ୟାକ କ୍ରାଓଲିଙ୍କ ମଧ୍ୟରୁ ଜଣେ ବାଦ୍‌ ପଡ଼ିବେ। ପ୍ରଥମ ଟେଷ୍ଟର ଦ୍ୱିତୀୟ ଇନିଂସରେ ଅର୍ଦ୍ଧଶତକ ହାସଲ କରି କ୍ରାଓଲି ଚୟନକର୍ତ୍ତାଙ୍କୁ ପ୍ରଭାବିତ କରିଛନ୍ତି।
ଓଲ୍ଡ ଟ୍ରାଫୋଡ୍‌ ଗ୍ରାଉଣ୍ଡରେ ଓ୍ବେଷ୍ଟଇଣ୍ଡିଜ ୩ ସପ୍ତାହରୁ ଊର୍ଦ୍ଧ୍ୱ କଟାଇଛି। ଏଠାରେ ୨ଟି ଓ୍ବାର୍ମଅପ୍‌ ମ୍ୟାଚ ମଧ୍ୟ ଖେଳିଛି। ତେଣୁ ପରିବେଶ ଏବଂ ପିଚ୍‌ କଣ୍ଡିଶନ ସହିତ ଏହି ଦଳ ନିଶ୍ଚିତ ପରିଚିତ ଥିବ। ବିନା ଦର୍ଶକରେ ମ୍ୟାଚ ହେଉଥିବାରୁ ଏହାର ଫାଇଦା ମଧ୍ୟ ଇଂଲଣ୍ଡକୁ ମିଳିବାର ନାହିଁ। ପ୍ରଥମ ୩ ଦିନ ପାଗ ମେଘୁଆ ଓ ଥଣ୍ଡା ରହିବ ବୋଲି ପୂର୍ବାନୁମାନ କରାଯାଇଛି। ତୃତୀୟ ଦିବସ ବେଳକୁ ବର୍ଷା ହେବା ମଧ୍ୟ ସମ୍ଭାବନା ରହିଛି।
ସମ୍ଭାବ୍ୟ ଇଂଲଣ୍ଡ ଏକାଦଶ: ଜୋ ରୁଟ୍‌(ଅଧିନାୟକ), ରୋରି ବନର୍‌ସ, ଡବ୍‌ ସିବ୍‌ଲେ, ଜ୍ୟାକ କ୍ରାଓଲେ, ବେନ୍‌ ଷ୍ଟୋକ୍ସ, ଓଲି ପୋପ୍‌, ଜୋସ ବଟଲର, ଡମ୍‌ ବେସ୍‌, ଜୋଫ୍ରା ଆର୍ଚର, ଷ୍ଟୁଆର୍ଟ ବ୍ରଡ୍‌, ଜେମ୍ସ ଆଣ୍ଡରସନ।
ସମ୍ଭାବ୍ୟ ଓ୍ବେଷ୍ଟଇଣ୍ଡିଜ ଦଳ: ଜାସନ ହୋଲ୍ଡର (ଅଧିନାୟକ), ଜନ୍‌ କ୍ୟାମ୍ପବେଲ, କ୍ରେଗ୍‌ ବ୍ରାଥଓ୍ବେଟ, ଶାଇ ହୋପ୍‌, ଶାମରା ବ୍ରୁକ୍ସ, ରଷ୍ଟନ ଚେଜ୍‌, ଜର୍ମେନ ବ୍ଲାକ୍‌ଉଡ୍‌, ଶେନ ଡୋରିଚ୍‌, ରାକିମ କର୍ନଓ୍ବାଲ, କେମର ରୋଚ୍‌, ଶାନନ ଗାବ୍ରିଏଲ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଶେଷ ଓଭରରେ ରୋହିତ ଶର୍ମାଙ୍କ ଏହି ଗୋଟିଏ ନିଷ୍ପତ୍ତି, ପଲଟାଇଦେଲା ବାଜି

ନୂଆଦିଲ୍ଲୀ,୧୯।୪: ଇଣ୍ଡିଆନ ପ୍ରିମିୟର ଲିଗ ଟି-୨୦ ମ୍ୟାଚ୍‌ରେ ମୁମ୍ବାଇ ଇଣ୍ଡିଆନ୍ସ ପଞ୍ଜାବ କିଙ୍ଗ୍ସକୁ ନଅ ରନ୍‌ରେ ପରାସ୍ତ କରିଛି। ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଟସ ଜିତିବା...

ଆଇପିଏଲ୍‌ରେ ଧମାଲ୍‌ କରୁଛନ୍ତି ଏହି ୫ ଅନ୍‌କ୍ୟାପ୍‌ଡ୍‌ ଖେଳାଳି: ଟି-୨୦ ବିଶ୍ୱକପ୍‌ରେ ମିଳିପାରେ ସ୍ଥାନ

ନୂଆଦିଲ୍ଲୀ,୧୯।୪:ସନରାଇଜର୍ସ ହାଇଦ୍ରାବାଦ ଓପନର୍‌ ଅଭିଷେକ ଶର୍ମାଙ୍କ ଆଇପିଏଲ୍‌ରେ ଚମତ୍କାର ପ୍ରଦର୍ଶନ କରୁଛନ୍ତି। ଚଳିତ ସିଜନରେ ଏପର୍ଯ୍ୟନ୍ତ ଅଭିଷେକ ୬ଟି ମ୍ୟାଚରେ ୨୧୧ ରନ ସଂଗ୍ରହ କରିଛନ୍ତି।...

ରୋଚକ ହେଉଛି ପର୍ପଲ-ଅରେଞ୍ଜ କ୍ୟାପ୍‌ ରେସ୍‌: ଜାଣନ୍ତୁ ଏବେ କିଏ ଅଛନ୍ତି…

ମୁମ୍ବାଇ,୧୯।୪: ପଞ୍ଜାବ କିଙ୍ଗସ ବିପକ୍ଷରେ ଜସପ୍ରୀତ ବୁମ୍‌ରା ଏକ ଚମତ୍କାର ବୋଲିଂ ପ୍ରଦର୍ଶନ କରିଥିଲେ। ଜସପ୍ରୀତ ବୁମ୍‌ରା ୩ ବ୍ୟାଟ୍ସମ୍ୟାନ ୪ ଓଭରରେ ୨୧ ରନ...

ମୁମ୍ବାଇ ଜିତିବା ସତ୍ତ୍ୱେ ହାର୍ଦ୍ଦିକ ପାଣ୍ଡ୍ୟାଙ୍କୁ ଲାଗିଲା ବଡ଼ ଝଟ୍‌କା

ମୁମ୍ବାଇ,୧୯।୪: ମୁମ୍ବାଇ ଇଣ୍ଡିଆନ୍ସ ପଞ୍ଜାବ କିଙ୍ଗସ ବିପକ୍ଷରେ ଏକ ରୋମାଞ୍ଚକର ବିଜୟ ହାସଲ କରିଛି। ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱାଧୀନ ମୁମ୍ବାଇ ଇଣ୍ଡିଆନ୍ସ ପଞ୍ଜାବ କିଙ୍ଗସକୁ ୯...

ଧୋନୀଙ୍କୁ ବିଶ୍ୱକପ୍‌ ଲାଗି ରାଜି କରାଇବା ପ୍ରସଙ୍ଗରେ କ’ଣ କହିଲେ ରୋହିତ? ଦଳ ଘୋଷଣା ପୂର୍ବରୁ ଆସିଲା ବଡ଼ ଖବର

ନୂଆଦିଲ୍ଲୀ,୧୮।୪: ଟି୨୦ ବିଶ୍ୱକପ୍‌ ପାଇଁ ଟିମ୍‌ ଇଣ୍ଡିଆ ଘୋଷଣା କରାଯିବା ବାକି ଅଛି। ହେଲେ କେଉଁ ଖେଳାଳିଙ୍କୁ ଚୟନ କରାଯିବ, କାହାକୁ ନୁହେଁ, ତାହାକୁ ନେଇ...

ଚେନ୍ନାଇରେ ସାମିଲ ହେଲେ ଏହି ଘାତକ ବୋଲର୍‌, ୪ ବଲ୍‌ରେ ରୋହିତ-ବିରାଟ-ପନ୍ତଙ୍କ ଉଇକେଟ ନେଇ ଥିଲେ ଚର୍ଚ୍ଚାରେ

ନୂଆଦିଲ୍ଲୀ,୧୮।୪: ଆଇପିଏଲ୍‌ ମଝିରୁ ଚେନ୍ନାଇ ସୁପର କିଙ୍ଗ୍ସ(ସିଏସ୍‌କେ)ରୁ ବାଦ୍‌ ପଡ଼ିଛନ୍ତି ଷ୍ଟାର କ୍ରିକେଟର ଡିଭନ୍‌ କନଓ୍ବେ। ସର୍ବାଧିକ ରନ୍‌ ସ୍କୋର କରିଥିବା ଏହି କ୍ରିକେଟର ପୁରା...

ପଡ଼ିଆକୁ ଓହ୍ଲାଇବା ମାତ୍ରେ ଇତିହାସ ରଚିବେ ରୋହିତ ଶର୍ମା

ରୋହିତ ଶର୍ମା ପ୍ରଥମ ସିଜିନ ଅର୍ଥାତ୍‌ ୨୦୦୮ ଠାରୁ ଇଣ୍ଡିଆନ ପ୍ରିମିୟର ଲିଗ (ଆଇପିଏଲ) ର ଏକ ଅଂଶ ରହିଆସିଛନ୍ତି। ରୋହିତ ହେଉଛନ୍ତି ଆଇପିଏଲର ଅନ୍ୟତମ...

ଆଇପିଏଲ୍‌ ମଝିରେ ଚେନ୍ନାଇ ସୁପର କିଙ୍ଗସକୁ ଲାଗିଲା ବଡ଼ ଝଟ୍‌କା

ନୂଆଦିଲ୍ଲୀ,୧୮।୪: ଚେନ୍ନାଇ ସୁପର କିଙ୍ଗସ ଆଇପିଏଲ ୨୦୨୪ରେ ଏପର୍ଯ୍ୟନ୍ତ ଭଲ ପ୍ରଦର୍ଶନ କରୁଛି, କିନ୍ତୁ ଦଳକୁ ଏକ ବଡ଼ ଝଟ୍‌କା ଲାଗିଛି। ଗତ ସିଜନରେ ସିଏସ୍‌କେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri