Posted inଜାତୀୟ

ପଶ୍ଚିମବଙ୍ଗର ୨୦୩ ଆସନ ବାକି

ନୂଆଦିଲ୍ଲୀ,୭ା୪: ତାମିଲନାଡୁର ୨୩୪, କେରଳ ୧୪୦ ଓ ପୁଡ଼ୁଚେରୀର ୩୦ ଆସନରେ ମଙ୍ଗଳବାର ନିର୍ବାଚନ ଶେଷ ହୋଇଛି। ଆସାମରେ ପୂର୍ବରୁ ୨ଟି ପର୍ଯ୍ୟାୟରେ ୮୬ ଆସନରେ ମତଦାନ ଶେଷ ହୋଇଥିବାବେଳେ ତୃତୀୟ ତଥା ଅନ୍ତିମ ପର୍ଯ୍ୟାୟରେ ଅବଶିଷ୍ଟ ୪୦ ନିର୍ବାଚନମଣ୍ଡଳୀ ଲାଗି ଭୋଟ ଗ୍ରହଣ ସରିଛି। ପଶ୍ଚିମବଙ୍ଗରେ ତୃତୀୟ ପର୍ଯ୍ୟାୟରେ ୩୧ ସିଟ୍‌ରେ ନିର୍ବାଚନ ଶେଷ ହୋଇଛି ଏବଂ ଏପ୍ରିଲ ୨୯ ମଧ୍ୟରେ ଆଉ ୫ଟି ପର୍ଯ୍ୟାୟରେ ଭୋଟ ଗ୍ରହଣ କରାଯିବ। ତୃଣମୂଳ କଂଗ୍ରେସ ଶାସିତ ଏହି ରାଜ୍ୟରେ ୨୯୪ ଆସନ ମଧ୍ୟରୁ ଆଉ ୨୦୩ ସିଟ୍‌ ପାଇଁ ମତଦାନ ବାକି ରହିଛି। ତୃତୀୟ ପର୍ଯ୍ୟାୟରେ ତାମିଲନାଡୁରେ ୭୧.୭୯%, କେରଳ ୭୩.୫୮%, ପୁଡୁଚେରୀରେ ୭୮.୯୦% ମତଦାନ ହୋଇଛି। ସେହିପରି ଆସାମରେ ୮୨.୩୩% ଏବଂ ପଶ୍ଚିମବଙ୍ଗରେ ୭୭.୬୮% ମତଦାନ ହୋଇଥିବା ନିର୍ବାଚନ କମିଶନଙ୍କ ସୂତ୍ରରୁ ପ୍ରକାଶ।
ପର୍ଯ୍ୟାୟ ଭଳି ତୃତୀୟ ପର୍ଯ୍ୟାୟ ମତଦାନ ବେଳେ ମଧ୍ୟ ସର୍ବାଧିକ ଚର୍ଚ୍ଚାରେ ରହିଥିଲା ପଶ୍ଚିମବଙ୍ଗ। କାରଣ ଭୋଟ ଗ୍ରହଣ ହୋଇଥିବା ସମସ୍ତ ୩୧ ଆସନକୁ ନିର୍ବାଚନ କମିଶନ (ଇସି) ସମ୍ବେଦନଶୀଳ ଘୋଷଣା ସହ ୧୪୪ ଧାରା ଲାଗୁ କରିଥିଲେ। ଦକ୍ଷିଣ ୨୪ ପ୍ରଗଣାର ୧୬, ହୁଗ୍‌ଲିର ୮ ଓ ହାଓଡା ଜିଲାର ୭ ଆସନରେ ୨୦୫ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରିଥିଲେ। ୭୮.୫ ଲକ୍ଷ ଭୋଟରଙ୍କ ମଧ୍ୟରୁ ୭୭.୬୮% ମତଦାତା ୧୦,୮୭୧ ବୁଥ୍‌ରେ ଏହି ପ୍ରାର୍ଥୀମାନଙ୍କ ଭାଗ୍ୟ ସ୍ଥିର କରିଛନ୍ତି। ୨୦୧୬ ନିର୍ବାଚନରେ ଉକ୍ତ ୩୧ ଆସନରୁ ୩୦ଟି ଶାସକ ତୃଣମୂଳ କଂଗ୍ରେସ (ଟିଏମ୍‌ସି) ଦଖଲରେ ଥିଲା।
ରାଜ୍ୟ ଆସାମରେ ଶେଷ ପର୍ଯ୍ୟାୟରେ ୪୦ ଆସନ ଲାଗି ଭୋଟ ଗ୍ରହଣ କରାଯାଇଛି। ୨୫ ମହିଳାଙ୍କ ସମେତ ୩୩୭ ପ୍ରାର୍ଥୀଙ୍କ ଭାଗ୍ୟ ନିର୍ଣ୍ଣୟ ହୋଇଛି। ଭାଜପାର ଚର୍ଚ୍ଚିତ ପ୍ରାର୍ଥୀ ହିମନ୍ତ ବିଶ୍ୱଶର୍ମା ଓ ଦଳର ରାଜ୍ୟ ଶାଖା ସଭାପତି ରଞ୍ଜିତ ଦାସଙ୍କ ଭାଗ୍ୟ ଇଲେକ୍ଟ୍ରୋନିକ୍‌ ଭୋଟିଂ ମେଶିନ୍‌ (ଇଭିଏମ୍‌)କୁ ଯାଇଛି। ୪ ଥର ବିଧାୟକ ହୋଇଥିବା ବିଶ୍ୱଶର୍ମାଙ୍କ ବିରୋଧରେ ଜାଲୁକବାରି ଆସନରେ କଂଗ୍ରେସର ରୋମେନ୍‌ ବାରଠାକୁର ଲଢ଼ୁଥିଲେ। ଏହି ପର୍ଯ୍ୟାୟରେ ଶାସକ ଭାଜପା ଏବଂ ବିରୋଧୀ କଂଗ୍ରେସ ସମେତ ଆସାମ ଜାତୀୟ ପରିଷଦ (ଏଜିପି) ମଧ୍ୟରେ ପ୍ରତିଦ୍ୱନ୍ଦ୍ୱିତା ହୋଇଛି। ୭୯,୧୯,୬୪୧ ଭୋଟରଙ୍କ ମଧ୍ୟରୁ ୮୨.୩୩% ଗଣତନ୍ତ୍ରର ମହାପର୍ବରେ ସାମିଲ ହୋଇଛନ୍ତି।
ତାମିଲନାଡ଼ୁରେ ୨୦୧୧ରୁ ୧୦ ବର୍ଷ ଧରି ଲଗାତର କ୍ଷମତାରେ ଥିବା ଅଲ୍‌ ଇଣ୍ଡିଆ ଆନ୍ନା ଦ୍ରାବିଡ ମୁନେତ୍ରା କାଜାଗାମ୍‌ (ଏଆଇଏଡିଏମ୍‌କେ)କୁ ହଟାଇବା ପାଇଁ ପ୍ରାଣପଣେ ଉଦ୍ୟମ କରିଛନ୍ତି ଆନ୍ନା ଦ୍ରାବିଡ ମୁନେତ୍ରା କାଜାଗାମ୍‌ (ଡିଏମ୍‌କେ) ମୁଖ୍ୟ ଏମ୍‌.କେ. ଷ୍ଟାଲିନ। ମୁଖ୍ୟମନ୍ତ୍ରୀ ଇ.କେ. ପାଲାନିସ୍ବାମୀଙ୍କ ହାତରୁ କ୍ଷମତାର ଡୋରି ଛଡ଼ାଇନେବା ପାଇଁ ସେ ସବୁ ରଣନୀତି ପ୍ରୟୋଗ କରିଥିଲେ। ଷ୍ଟାଲିନ୍‌ କ୍ରମାଗତ ତୃତୀୟ ଥର ପାଇଁ କୋଲାଥୁର ଆସନରୁ ଜିତି ମୁଖ୍ୟମନ୍ତ୍ରୀ ହେବା ଆଶାରେ ଅଛନ୍ତି। ୨୩୪ ଆସନରେ ଏଥର ୩,୯୯୮ ପ୍ରାର୍ଥୀ ଥିଲେ। ୬.୨୮ କୋଟି ଭୋଟରଙ୍କ ମଧ୍ୟରୁ ୭୧.୭୯% ମତଦାନ କରିଛନ୍ତି। ପାଲାନିସ୍ବାମୀ ଓ ଷ୍ଟାଲିନ୍‌ଙ୍କ ସମେତ ଉପମୁଖ୍ୟମନ୍ତ୍ରୀ ଓ. ପନ୍ନିରସେଲଭମ୍‌, ଏଏଏମ୍‌କେ ମୁଖ୍ୟ ଟିଟିଭି ଦିନାକରନ, ମକ୍କଲ ନିଧି ମୈୟମ୍‌ ପ୍ରତିଷ୍ଠାତା କମଲ ହାସନ ଏବଂ ଭାଜପା ରାଜ୍ୟ ସଭାପତି ଏଲ୍‌. ମୁରୁଗାନ୍‌ଙ୍କ ଭାଗ୍ୟ ଏବେ ଭୋଟିଂ ମେଶିନ ଭିତରେ ରହିଛି।
କେରଳ ମୁଖ୍ୟମନ୍ତ୍ରୀ ପିନାରାୟୀ ବିଜୟନ୍‌ଙ୍କ ବାମ ଗଣତାନ୍ତ୍ରିକ ସାମ୍ମୁଖ୍ୟ (ଏଲ୍‌ଡିଏଫ୍‌) ୪ ଦଶନ୍ଧିର ରେକର୍ଡ ଭାଙ୍ଗି ଇତିହାସ ରଚିବା ପାଇଁ ଅଣ୍ଟା ଭିଡ଼ିଥିବାବେଳେ ପାଳି କରି କ୍ଷମତା ହାତେଇବା ଧାରାକୁ ବଜାୟ ରଖିବା ଲାଗି ପ୍ରୟାସ କରିଛି କଂଗ୍ରେସ ନେତୃତ୍ୱାଧୀନ ସଂଯୁକ୍ତ ଗଣତାନ୍ତ୍ରିକ ସାମ୍ମୁଖ୍ୟ (ୟୁଡିଏଫ୍‌)। ଏଥର କେରଳ ନିର୍ବାଚନ ୱାୟନାଡ୍‌ ଏମ୍‌ପି ରାହୁଲ ଗାନ୍ଧୀଙ୍କ ଯୋଗ୍ୟତାର ପ୍ରମାଣ ଦେବ ବୋଲି କୁହାଯାଉଛି। ମାକର୍‌ସବାଦୀ କମ୍ୟୁନିଷ୍ଟ ପାର୍ଟି (ସିପିଏମ୍‌) ନେତୃତ୍ୱାଧୀନ ଏଲ୍‌ଡିଏଫ୍‌ ଏବଂ ୟୁଡିଏଫ୍‌ ମଧ୍ୟରେ ମୁଖ୍ୟତଃ ପ୍ରତିଦ୍ୱନ୍ଦ୍ୱିତା ହୋଇଥିବାବେଳେ ମେଟ୍ରୋମ୍ୟାନ୍‌ ଇ. ଶ୍ରୀଧରନଙ୍କୁ ମଇଦାନକୁ ଓହ୍ଲାଇ ସୁଯୋଗ ଖୋଜିଥିଲା ଭାଜପା। ମଇଦାନରେ ଥିବା ୯୫୭ ପ୍ରାର୍ଥୀଙ୍କ ମଧ୍ୟରେ ଥିଲେ ବିଜୟନ, ତାଙ୍କ ୭ କ୍ୟାବିନେଟ ସହଯୋଗୀ, ବିରୋଧୀ ଦଳ ନେତା ରମେଶ ଚେନ୍ନିଥାଲା ଏବଂ ବରିଷ୍ଠ କଂଗ୍ରେସ ନେତା ଓମେନ ଚାଣ୍ଡି। ୨.୭୪ କୋଟି ଭୋଟରଙ୍କ ମଧ୍ୟରୁ ୭୩.୫୮% ମତଦାନ କରିଛନ୍ତି।
ପୁଡୁଚେରୀରେ ପଞ୍ଚଦଶ ବିଧାନସଭା ଗଠନ ପାଇଁ ନିଷ୍ପତ୍ତି ନେଇ ସାରିଛନ୍ତିି ମତଦାତା। ଫେବୃୟାରୀରେ ନାରାୟଣସ୍ବାମୀ ସରକାର ସଂଖ୍ୟାଗରିଷ୍ଠତା ହରାଇ ଖସିପଡ଼ିବା ପରେ ଏହି କେନ୍ଦ୍ରଶାସିତ ଅଞ୍ଚଳକୁ ଅକ୍ତିଆର କରିବା ଲାଗି ଯଥାସାଧ୍ୟ ଉଦ୍ୟମ କରିଛି ଭାଜପା। ଏଠାରେ ୩୦ ଆସନରେ କଂଗ୍ରେସ ବନାମ ଅଲ୍‌ ଇଣ୍ଡିଆ ଏନ୍‌ଆର୍‌ କଂଗ୍ରେସ ନେତୃତ୍ୱାଧୀନ ମେଣ୍ଟ ମଧ୍ୟରେ କଡ଼ା ମୁକାବିଲା ହୋଇଛି। ୧୦.୦୪ ଲକ୍ଷ ଯୋଗ୍ୟ ଭୋଟରଙ୍କ ମଧ୍ୟରୁ ୭୮.୯୦% ସେମାନଙ୍କ ରାଜନୈତିକ ମତାଧିକାର ସାବ୍ୟସ୍ତ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ମୁଖତାରଙ୍କ ୧୨ଶହ କୋଟି ଟଙ୍କାର ସମ୍ପତ୍ତି

ଲକ୍ଷ୍ନୌ,୨୮।୩: ମୁଖତାର ଅନସାରୀଙ୍କ ନାମ କିଏ ବା ନ ଶୁଣିଛି। ଯଦି ଆମେ ପୂର୍ବାଞ୍ଚଳ ବିଷୟରେ କଥା ହେବା, ସେଠାରେ ଥିବା ସମସ୍ତେ ନିଶ୍ଚୟ ତାଙ୍କ...

ମାଫିଆ ମୁଖତାର ଅନସାରୀଙ୍କ ମୃତ୍ୟୁ, ହସ୍ପିଟାଲରେ ପୋଲିସ ଛାଉଣି, ୧୪୪ ଧାରା ଜାରି

ବାନ୍ଦା,୨୮।୩: ଉତ୍ତର ପ୍ରଦେଶର ବାନ୍ଦା ହସ୍ପିଟାଲରେ ଶୁକ୍ରବାର ରାତିରେ ମାଫିଆରୁ ରାଜନେତା ହୋଇଥିବା ମୁଖତାର ଅନସାରୀଙ୍କ ମୃତ୍ୟୁ ହୋଇଛି। ବାନ୍ଦା ଜେଲରେ ହାର୍ଟ ଆଟାକ ପରେ...

ଇଡି ଜବତ କରୁଥିବା ସମ୍ପତ୍ତି ହୁଏ କ’ଣ, ଯାହାକୁ ଗରିବଙ୍କ ମଧ୍ୟରେ ବାଣ୍ଟି ଦେଉଥିବା କହୁଛନ୍ତି ମୋଦି?

ନୂଆଦିଲ୍ଲୀ,୨୮।୩: ନିର୍ବାଚନ ଋତୁରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣି ଥରେ ଏକ ବଡ଼ ଦାବି କରିଛନ୍ତି। ପଶ୍ଚିମବଙ୍ଗର କୃଷ୍ଣନଗର ଲୋକ ସଭା ଆସନରୁ ଭାଜପା ପ୍ରାର୍ଥୀ...

ଜେଲରୁ ପ୍ରଚାର କରିବେ ଆଜମ ଖାଁ? ଷ୍ଟାର ପ୍ରଚାରକ ଲିଷ୍ଟରେ ରହିଛି ନାମ

ଲକ୍ଷ୍ନୌ,୨୮।୩: ଲୋକସଭା ନିର୍ବାଚନ ୨୦୨୪ ପାଇଁ ବିଗୁଲ ବାଜି ସାରିଛି ଏବଂ ଉତ୍ତରପ୍ରଦେଶର ୮୦ଟି ଆସନରେ ୭ଟି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବ। ୟୁପିରେ ପ୍ରଥମ...

ମୁଖତାର ଅନସାରୀ ଗୁରୁତର, ହସ୍ପିଟାଲରେ ଭର୍ତ୍ତି

ନୂଆଦିଲ୍ଲୀ,୨୮।୩: ବାହୁବଳୀ ନେତା ମୁଖତାର ଅନସାରୀ ଗୁରୁତର ହୋଇପଡିଛନ୍ତି। ବାନ୍ଦା ଜେଲରେ ଥିବା ବେଳେ ତାଙ୍କର ସ୍ବାସ୍ଥ୍ୟ ବିଗିଡି ଯାଇଛି। ଏହା ପରେ ତାଙ୍କୁ ବାନ୍ଦା...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

୧୪ ବର୍ଷର ବନବାସ ଶେଷ କରି କାହିଁକି ରାଜନୀତିକୁ ଫେରିଲେ ଛୋଟେ ମିଆଁ

ମୁମ୍ବାଇ,୨୮।୩: ବଲିଉଡ଼ ଅଭିନେତା ତଥା ପୂର୍ବତନ ଏମପି ଗୋବିନ୍ଦା ଗୁରୁବାର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ନେତୃତ୍ୱରେ ଶିବସେନାରେ ଯୋଗ ଦେଇଛନ୍ତି। ମୁମ୍ବାଇ ଉତ୍ତର ପଶ୍ଚିମରେ ଶିବସେନାର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri