ଆଇପିଏଲ୍ ୨୦୨୦ରେ ଏବେ ରାଜସ୍ଥାନ ରୟାଲ୍ସ ବ୍ୟାଟ୍ସମ୍ୟାନ୍ ରାହୁଲ ଟୟୋଟିଆଙ୍କ ଚର୍ଚ୍ଚା ଚାଲିଛି।ଶାରଜା କ୍ରିକେଟ ଷ୍ଟାଡିୟମରେ କିଙ୍ଗ୍ସ ଏକାଦଶ ପଞ୍ଜାବ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ରବିବାର ଏକ ମ୍ୟାଚ୍ ଖେଳାଯାଇଥିଲା। ଏହି ମ୍ୟାଚ୍ରେ ପ୍ରବଳ ରନ୍ ବର୍ଷିଥିଲା। ପଞ୍ଜାବ ପ୍ରଥମେ ଖେଳି ଦୁଇ ଉଇକେଟ୍ ହରାଇ ୨୨୩ ରନ୍ ସଂଗ୍ରହ କରିଥିଲା। ୨୨୪ ରନ୍କୁ ପିଛା କରି ରାଜସ୍ଥାନ ମଧ୍ୟ ଛକା, ଚୌକା ବର୍ଷା କରିଥିଲା। ଦଳକୁ ଶେଷ ୩ ଓଭରରେ ୫୧ ରନ୍ ଆବଶ୍ୟକ ଥିବାବେଳେ ୨୭ ବର୍ଷୀୟ ରାହୁଲ ଟୟୋଟିଆ ୧୮ତମ ଓଭରରେ ୫ଟି ଛକା ମାରି ମ୍ୟାଚ୍ର ପୂରା ସମୀକରଣ ବଦଳାଇ ଦେଇଥିଲେ। ସେ ପ୍ରଥମ ୪ଟି ବଲ୍ରେ ଛକା ଲଗାଇଥିବାବେଳେ ପଞ୍ଚମ ବଲ୍ରେ ଛକା ମାରିପାରି ନ ଥିଲେ। ପୁଣି ଶେଷ ବଲ୍ରେ ଛକା ମାରି ଦଳକୁ ବିଜୟ ଦେବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ତାଙ୍କ ବ୍ୟାଟିଂ ଦେଖି ପୂର୍ବତନ ବିସ୍ଫୋରକ ବ୍ୟାଟ୍ସମ୍ୟାନ୍ ବୀରେନ୍ଦ୍ର ସେହ୍ବାଗ ଖୁସି ବ୍ୟକ୍ତି କରିଛନ୍ତି। ସେ ନିଜ ଚିରପରିଚିତ ଷ୍ଟାଇଲରେ ରାହୁଲଙ୍କ ପ୍ରଶଂସା କରିଛନ୍ତି। ସେ କହିଛନ୍ତି ରାହୁଲ ବ୍ୟାଟିଂ କରୁଥିବା ସମୟରେ ତାଙ୍କ ଶରୀରରେ ମାତା ଆସିଯାଇଥିଲେ। ସୋସିଆଲ ମିଡିଆରେ ସେହ୍ବାଗ ରାହୁଲଙ୍କ ପ୍ରଶଂସା କରି କହିଛନ୍ତି, ହିରୋ କେବେ ଜନ୍ମ ନିଅନ୍ତି ନାହିଁ, ହିରୋ ହେବାକୁ ପଡେ। ଟୟୋଟିଆଙ୍କ ଶରୀରରେ ମାତା ଆସିଯାଇଥିଲେ। ଏହାକୁ କହନ୍ତି କ୍ରିକେଟ୍, ଏହା ହିଁ ଜୀବନ। ଗୋଟିଏ ମିନିଟ୍ରେ ସବୁକିଛି ବଦଳିଯାଏ। କେବଳ ନିଜକୁ ହାରିବାକୁ ଦିଅ ନାହିଁ। ଯଦି ତୁମ ସଫଳତା ଉପରେ ବିଶ୍ୱାସ କରାଯିବ ତେବେ ତୁମକୁ ଆଙ୍ଗୁଠି ଉଠାଉଥିବା ଲୋକେ ତାଳି ମାରିବେ ବୋଲି ତଓ୍ବେତିଆଙ୍କ ଉପଦେଶ ଦେଇଛନ୍ତି ସେହ୍ବାଗ।
