ମୁମ୍ବାଇ: ବଲିଉଡ୍ ସୁପରଷ୍ଟାର ସଲ୍ମାନ ଖାନ୍୍ଙ୍କ ସହ ଫିଲ୍ମ ‘ସନମ ବଓ୍ବେଫା’ରେ ନାୟିକା ଭାବେ କାମ କରିଥିବା ଚାନ୍ଦିନୀ ତଥା ନବୋଦିତା ଶର୍ମା ସେତେବେଳେ ଲକ୍ଷ ଲକ୍ଷ ଦର୍ଶକଙ୍କ ହୃଦୟରେ ରାଜ୍ କରୁଥିଲେ। ଦର୍ଶକେ ତାଙ୍କର ସୌନ୍ଦର୍ଯ୍ୟ ଏବଂ ଅଭିନୟ ଦ୍ୱାରା ଖୁବ୍ ପ୍ରଭାବିତ ହୋଇଥିଲେ। ମାତ୍ର ଦୁଃଖର ବିଷୟ ହେଉଛି ଏହି ଅଭିନେତ୍ରୀ ଦର୍ଶକଙ୍କୁ ସେତେ ଅଧିକ ଫିଲ୍ମ ଦେଇ ନ ଥିଲେ। ଏବେ ବି ତାଙ୍କ ସୌନ୍ଦର୍ଯ୍ୟ କମିନି। ମାତ୍ର ସେ ଫିଲ୍ମଠାରୁ ଦୂରେଇ ଯାଇଛନ୍ତି। ତାଙ୍କର କିଛି ଫଟୋ ସୋସିଆଲ ମିଡିଆରେ ଭାଇରାଲ ହେବା ପରେ ଦର୍ଶକଙ୍କ ସ୍ମୃତି ପୁଣି ଉଜ୍ଜୀବିତ ହୋଇଉଠିଛି।
ନବୋଦିତା ତାଙ୍କ ଇନ୍ଷ୍ଟାଗ୍ରାମ ଆକାଉଣ୍ଟରେ ନିଜ ଝିଅର କିଛି ଫଟୋ ଶେୟାର କରିଛନ୍ତି। ଏଥିରେ ତାଙ୍କ ଝିଅ ଖୁବ୍ ସୁନ୍ଦର ଦେଖାଯାଉଛନ୍ତି। ପ୍ରଥମ ଫଟୋରେ ସ୍ନାତକୋତ୍ତର ପୋଷାକରେ ଝିଅଙ୍କୁ ଦେଖିବାକୁ ମିଳିଛି। ସେହିପରି ଦ୍ୱିତୀୟ ଫଟୋରେ ସେ ତାଙ୍କ ମା’ ନବୋଦିତାଙ୍କ ସହିତ ନଜର ଆସିଛନ୍ତି। ତୃତୀୟ ଫଟୋରେ ଝିଅକୁ କଳା ପୋଷାକ ଏବଂ ମୁଣ୍ଡରେ ସୁସଜ୍ଜିତ ମୁକୁଟ ସହିତ ଦେଖିବାକୁ ମିଳିଛି। ତିନୋଟିଯାକ ଫଟୋରେ ସେ ବହୁତ ସୁନ୍ଦର ଦେଖାଯାଉଛନ୍ତି।
ଫଟୋ ଭାଇରାଲ ହେବାରେ ୟୁଜରମାନେ ଭିନ୍ନ ଭିନ୍ନ କମେଣ୍ଟ ଦେଇଛନ୍ତି। ଜଣେ ୟୁଜର ଲେଖିଛନ୍ତି, ସଲମାନଙ୍କ ସହ ମା’ କାମ କରିଛନ୍ତି। ସଲମାନ ବର୍ତ୍ତମାନ ଏବେ ୟାଙ୍କର ହିରୋ ହୁଅନ୍ତୁ। ନବୋଦିତା ବିବାହ ପରେ ସ୍ବାମୀ ସତୀଶ ଶର୍ମାଙ୍କ ସହ ଆମେରିକାର ଅର୍ନାଲଡୋରେ ରହୁଛନ୍ତି। ସେ ଫିଲ୍ମଠାରୁ ଦୂରେଇ ଯାଇ ନିଜେ ଗୋଟେ ଡ୍ୟାନ୍ସ ଇନ୍ଷ୍ଟିଚ୍ୟୁଟ୍ କରିଛନ୍ତି। ସେଠାରେ ସେ ଲୋକଙ୍କୁ ଭାରତୀୟ ଶାସ୍ତ୍ରୀୟ ନୃତ୍ୟ ଶିକ୍ଷା ଦେଉଛନ୍ତି।
