କ୍ୱିଭ୍, ୬।୬ : ରୁଷ-ୟୁକ୍ରେନ ଯୁଦ୍ଧ ଶେଷ ହେବାର ନା ଧରୁନି। ଇତିମଧ୍ୟରେ ରୁଷିଆ ପୂର୍ବ ୟୁକ୍ରେନ ସହର ସେଭେରୋଡନେଟସ୍କ ଉପରେ ବହୁ କ୍ଷେପଣାସ୍ତ୍ର ନିକ୍ଷେପ କରିଛି। ଏହି ବିସ୍ଫୋରଣ ଯୋଗୁ କୌଣସି କ୍ଷୟକ୍ଷତିର ଖବର ମିଳି ନାହିଁ। କିଛି ଲୋକ ଆହତ ହୋଇଛନ୍ତି। ସେମାନଙ୍କୁ ଉଦ୍ଦାର କରାଯାଇ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି।
ୟୁକ୍ରେନର ସଶସ୍ତ୍ର ବାହିନୀର ଜେନେରାଲ ଷ୍ଟାଫ ଦାବି କରିଛନ୍ତି ଯେ ଏପର୍ଯ୍ୟନ୍ତ ରୁଷିଆର ୩୧ ହଜାରରୁ ଅଧିକ ସୈନ୍ୟଙ୍କର ଯୁଦ୍ଧରେ ମୃତ୍ୟୁ ଘଟିଲାଣି। ଏଥିସହିତ ୧୩୭୬ ରୁଷିଆ ଟ୍ୟାଙ୍କ ଏବଂ ୨୧୦ ରୁ ଅଧିକ ଯୁଦ୍ଧ ବିମାନ ନଷ୍ଟ ହୋଇଯାଇଛି। ଏହି ସଂଖ୍ୟା ଯୁଦ୍ଧ ଆରମ୍ଭରୁ ଅର୍ଥାତ୍ ଫେବୃଆରୀ ୨୪ ରୁ ଜୁନ ୩ ପର୍ଯ୍ୟନ୍ତ ବୋଲି ୟୁକ୍ରେନ୍ କହିଛି।
ସେଭେରୋଡୋନେଟସ୍କରେ ଯୁଦ୍ଧ ସମୟରେ ୟୁକ୍ରେନ ସୈନ୍ୟମାନେ ରୁଷିଆର ସୈନ୍ୟମାନଙ୍କୁ ପଛକୁ ହଟାଇ ଦେଇଥିବା ୟୁକ୍ରେନ୍ ଦାବି କରିଛି। ଜଣେ ସ୍ଥାନୀୟ ଅଧିକାରୀଙ୍କ ଅନୁଯାୟୀ ରୁଷିଆର ସୈନ୍ୟବାହିନୀ ସହରର ଅଧିକାଂଶ ଅଂଶକୁ ଦଖଲ କରି ନେଇଥିବା ବେଳେ ୟୁକ୍ରେନ ସୈନ୍ୟ ଏହାର ଅଳ୍ପ କେତେକ ଅଂଶକୁ ପୁନର୍ବାର ନିଜ ଦଖଲକୁ ଆଣିବାରେ ସଫଳ ହୋଇଛନ୍ତି।
