କାମାକ୍ଷାନଗର, ୧୦ା୨(ଡି.ଏନ.ଏ): ରାଜନୀତି ଆଗରେ ଫିକା ପଡ଼ିଯାଏ ପାରିବାରିକ ସମ୍ପର୍କ। ଆଞ୍ଚଳିକସ୍ତରରୁ ଜାତୀୟସ୍ତର ଯାଏ ଦେଖିଲେ ଏଭଳି ଉଦାହରଣର ଅଭାବ ନାହିଁ। ନିକଟରେ ହେବାକୁ ଥିବା ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ରାଜ୍ୟରେ ଏମିତି ଏକାଧିକ ଘଟଣା ଦୃଷ୍ଟିଗୋଚର ହୋଇଛି। ଢେଙ୍କାନାଳ ଜିଲା କାମାକ୍ଷାନଗର ବ୍ଲକରୁ ଏଭଳି ଏକ ଚିତ୍ର ସାମ୍ନାକୁ ଆସିଛି। କାଦୁଆ ପଞ୍ଚାୟତର ୨ନଂ. ୱାର୍ଡର ଓ୍ବାର୍ଡମେମ୍ବର ପଦବୀ ଲାଗି ଦୁଇ ଯାଆଙ୍କ ମଧ୍ୟରେ ଲଢ଼େଇ ହେଉଛି। ବଡ଼ଯାଆ ତଅପୋଇ ସେଠୀଙ୍କ ବିପକ୍ଷରେ ଛିଡ଼ା ହୋଇଛନ୍ତି ସାନ ଯାଆ ଜଲି ସେଠୀ। ଏହି ଓ୍ବାର୍ଡସଭ୍ୟ ପଦବୀ ଅନୁସୂଚିତ ଜାତି ମହିଳାଙ୍କ ଲାଗି ଉଦ୍ଦିଷ୍ଟ ରହିଛି। ତଅପୋଇଙ୍କୁ ନିକିତି ଏବଂ ଜଲିଙ୍କୁ ଶଗଡ଼ ଚିହ୍ନ ମିଳିଛି। ତେବେ ଗୋଟିଏ ପଦବୀ ପାଇଁ ଦୁଇ ଯାଆଙ୍କ ମଧ୍ୟରେ ଲଢ଼େଇ ହେଉଥିବା ବେଳେ ପରିବାର ଲୋକେ କାହାକୁ ଭୋଟ୍ ଦେବେ ତାହାକୁ ନେଇ ଦ୍ୱନ୍ଦ୍ୱରେ ପଡ଼ିଛନ୍ତି।
