ଭୁବନେଶ୍ୱର, ୧୪ା୩(ବ୍ୟୁରୋ): ରାଜ୍ୟରେ ୧୦୬ ମ୍ୟୁନିସିପାଲିଟି, ବିଜ୍ଞାପିତ ପରିଷଦ(ଏନ୍ଏସି) ଏବଂ ୩ ମହାନଗର ନିଗମରେ ଆସନ୍ତା ୨୪ ତାରିଖରେ ନିର୍ବାଚନ ଅନୁଷ୍ଠିତ ହେବ। ଏନେଇ ଗତ ୧ ତାରିଖଠାରୁ ନାମାଙ୍କନ ଦାଖଲ ପ୍ରକ୍ରିୟା ଆରମ୍ଭ ହୋଇଥିବା ବେଳେ ଗତ ୭ ତାରିଖରେ ଶେଷ ହୋଇଛି। ସେହିପରି ୯ ତାରିଖରେ ପ୍ରାର୍ଥତ୍ପତ୍ର ଯାଞ୍ଚ ସରିଛି। ସୋମବାର ନାମାଙ୍କନ ପ୍ରତ୍ୟାହାରର ଶେଷ ଦିନ। ଅପରାହ୍ନ ୫ଟା ସୁଦ୍ଧା ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ କରାଯିବ। ପ୍ରାର୍ଥୀମାନଙ୍କ ଯାଞ୍ଚ ପ୍ରକ୍ରିୟା ଶେଷ ହୋଇସାରିଥିବା ବେଳେ ଅଧିକାଂଶ ସେମାନଙ୍କ ମଧ୍ୟରୁ ପ୍ରଚାରରେ ଲାଗିିଛନ୍ତି। ନିକଟରେ ୮ ଜଣ ପ୍ରାର୍ଥୀ ସେମାନଙ୍କ ନାମାଙ୍କନ ପ୍ରତ୍ୟାହାର କରିନେଇଥିବା ବେଳେ ଯଦି କେଉଁମାନେ ଏହା କରିବାକୁ ଚାହୁଁଥିବେ ତେବେ ଏଥିଲାଗି ସେମାନେ ଆଉ ଆଗକୁ କୌଣସି ସୁବିଧା ନ ପାଇପାରନ୍ତି। ଅନ୍ୟପଟେ ସବୁ ଦଳ ନିଜ ନିଜର ଅସନ୍ତୁଷ୍ଟଙ୍କୁ ବୁଝାଇବାକୁ ଲାଗିପଡ଼ିଛନ୍ତି। ତେଣୁ ଏହି ପ୍ରକ୍ରିୟା ଲାଗି କମ୍ ସମୟ ଥିବାରୁ ଅସନ୍ତୁଷ୍ଟଙ୍କୁ ବୁଝାଇବାର ଚେଷ୍ଟା ଜୋରଦାର କରାଯାଉଛି। ଏହା ପରଠାରୁ ସବୁ ଦଳ ନିଜ ନିଜର ପ୍ରଚାର ବ୍ୟାପକ କରିବେ। ସେଥିପାଇଁ ଏକ ପ୍ରକାର ପ୍ରସ୍ତୁତି ବହୁ କର୍ପୋରେଟର ଶେଷ କରିଲେଣି। ମଙ୍ଗଳବାରଠାରୁ ଏକ ପ୍ରକାର ପ୍ରଚାର ଜମିବ। ୨୪ରେ ଭୋଟ ଥିବାବେଳେ ୨୬ରେ ଗଣତି ହେବ। ୨୯ରେ ନିର୍ବାଚିତ ମେୟର, ପୌରାଧ୍ୟକ୍ଷ ଏବଂ କର୍ପୋରେଟରମାନଙ୍କ ଏକ ସ୍ବତନ୍ତ୍ର ବୈଠକ ଡକାଯିବ। ମାର୍ଚ୍ଚ ୩୧ରେ ଡେପୁଟି ମେୟର ନିର୍ବାଚନ ହେବ।
