ଓ୍ବାଶିଂଟନ,୧୯ା୧୧: ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ନାତୁଣୀ ନାଓମୀ ବାଇଡେନ ଏବଂ ତାଙ୍କ ପ୍ରେମିକ ପିଟର ନୀଲ୍ ଶନିବାର ବିବାହ ବନ୍ଧନରେ ବାନ୍ଧି ହେବେ।। ଯାହା ହ୍ବାଇଟ୍ ହାଉସ ଇତିହାସରେ ୧୯ ତମ ବିବାହ ହେବ ବୋଲି କୁହାଯାଉଛି। ହ୍ବାଇଟ୍ହାଉସର ସାଉଥ ପୋର୍ଟିକୋ, ଯାହାର ଏକ ଲନ୍ ଧଳା ଫୁଲରେ ସଜାଯାଇଛି।
ପୂର୍ବ ହ୍ବାଇଟ ହାଉସର ବିବାହ ପରି, ଏଥର ଜନସାଧାରଣ କୌଣସି ଉତ୍ସବ ଦେଖି ପାରିବେ ନାହିଁ। ବର ଏବଂ କନ୍ୟା ଖବରଦାତାମାନଙ୍କୁ ବାହାରେ ରଖିବାକୁ ନିଷ୍ପତ୍ତି ନେଇଛନ୍ତି। ୨୮ ବର୍ଷୀୟା ନାଓମୀ ଓ୍ବାଶିଂଟନରେ ଜଣେ ଓକିଲ। ସେହିପରି ୨୫ ବର୍ଷୀୟ ନୀଲ୍ ମଧ୍ୟ ନିକଟରେ ପେନ୍ସିଲ୍ଭାନିଆ ବିଶ୍ୱବିଦ୍ୟାଳୟର ଆଇନ ବିଦ୍ୟାଳୟରୁ ସ୍ନାତକ ହାସଲ କରିଥିଲେ। ସେ ଓ୍ବାଶିଂଟନର ଜର୍ଜେଟାଉନ ୟୁନିଭର୍ସିଟି ଆଇନ କେନ୍ଦ୍ରରେ କାର୍ଯ୍ୟ କରନ୍ତି। ତେବେ ଦୁହେଁ ଦୁହିଁଙ୍କୁ ଭଲ ପାଉଥିଲେ। ଏବେ ଜୀବନସାଥୀ ହେବାକୁ ଯାଉଛନ୍ତି।
